يالولو يادر ياكوني مع نجومه...ياأجمل إمن الروائع في سما أوطاني!!

[محمد المجول]

السلام عليكم ورحمه الله وبركاته

أضع هذه المتواضعه بين يديكم وأتمنى إنها تنال إعجابكم

على طريقة غرام قلوب مهمومه=لبست ثوب الغرام وصرت خواني.
عالم فلك حافظ الأبراج ونجومه=قام يتفنن على كيفه وخلاني.
بعض النجوم المضيئه فيك محرومه=مايدري إن البلا في ضلوع خلاني.
هذي نتيجه توازن شبه معدومه=مع إنخفاض الحظوظ وظلم الأزماني.
مالوم طول الدهر والهم مالومه=مالوم عمرن عطا ذيك النقط شاني.
هي البدايه تجي في نفس مهيومه=نفس النهايه تجي كذبن وخذلاني!!
بعض الجروح إتدوا بآه مكتومه=وأسهل جروحي تخاوي دمع الأعياني.
(نعيم)وأشواق وحب ونفس مغرومه=(واست)عيوني غرام(ن)عاش بجفاني.
(رضيت)بك ياهنا حظي ومقسومه=(همس)المحبه في قلبي صار شي ثاني.
لك الله إنك هنا وقتي مع يومه=ولك الله إني أعيشك فرحت أوطاني.
مع تجمع نجوم الحب وغيومه=هلت مزونك من عيونك لإحضاني.
دارت عقارب حظوظ الوقت وسمومه=وإستبشرت له جذور القلب وأغصاني.
قد قلت له لاتلبي النفس ملزومه=أكسر جميع الحطب وأجيك ولهاني.
هي إنقسام الشعر في ثورة هجومه=مع إختلاف الحروف وزيف عنواني.
مع تجمع فلول حروف مهزومه=قامت كتائب يديني تجمع ألحاني.
عند السؤال الملح بنفس مصدومه=رأيت أن الهزيمه بسهم غزلاني.
طلبت فزعت نحو وأفعال مجزومه=لكي أحارب ورد العرش بأيماني.
أجابني فعل ماضي يبكي سهومه=يقول لا لاتحاول وإترك الجاني.
حتى المضارع بكى ثم شقق هدومه=تنبأ إن النهايه بجور إنساني.
ثم إتضح لي نهايه حب محتومه=سلمت دمع القلم وحروف قيفاني.
للقمره إللي خذت قلبي ومعلومه=كافي إسمها يصيب القلب بجناني.
أربع حروف(ن)بقلبي دوم مرسومه=في كل حرف(ن)أشوف النجم بأمزاني.
لك الله إنك هنا عمري على يومه=ولك الله إني أعشيك سيد وجداني.
يالولو يادر ياكوني مع نجومه=ياأجمل إمن الروائع في سما أوطاني.

بقلم : محمد المجول

تقبلوا تحياتي

[موهووووب 2000]

الشاعر المبدع محمد المجول

يسعدني ان اكون اول من يعلق علي هذه الرائعه


صح السانك مايوووووووووون

هذي نتيجـه تـوازن شبـه معدومـه=مع إنخفاض الحظوظ وظلم الأزمانـي.

[موج الأحزان]

صح لسانك يابوعبود..
أنا راح أسميك شاعر التضاد

[محمد المحلكم]

صح لسانك

[سالم الرزقي]

صح لسانك ولا هنت






سجل اعجابي









سالم الرزقي

[الـــكايـــد]

صح الله الساااااااااااااانك

يا محمد المجول

ولاهنت يا القرم على الابدااااااااااااع

[عبدالله العبيد]

صح لسانك طال عمرك ولاهنت على هالجزل يا ابو الجزل يا ابن مجول



تقبل تحياتي اخوك: عبدالله ال عبيد

[الجامحه!]

الــــــــشـــاعر (( محـــــــمد المجــــــــوول )) ...



صــــح ـح قــلبك على ذا الرائـــعه




\\
أبيات لها حضور قوي في الجزالة ,,,



ننتظــر جديــدكـ ...!!


اختــــــــــــــــكـ(( الجامحـــــه))!

[محمد المجول]

موهوب

صح الله بدنك طال عمرك

والرائع والله هو مروك الكريم على صفحتي المتواضعه

تقبل تحياتي

[محمد المجول]

أبو محمد

مرحبا والله ومسهلا

صح الله بدنك طال عمرك

وهذا اللقب وسام على صدري

الله لايهينك على مرورك الكريم

تقبل تحياتي