قصيده مختاره من ديوان الوزن الثقيل (ركلات ترجيح)

[نـاصـر]

يالله ياربي عليك التساميح=لولاك عرجات السنين اعرجت بي
منك استمد العون رهبه وتسبيح=والعفو كان جروح وقتي صطت بي
الحظ كوره والنوادي ضحاضيح=سددتها بالعارضه واحدرت بي
شوطين إضافيه وركلات ترجيح=واخر نهايه مابعد سجلت بي
أقول لحظه للجماهير وأتصيح=خسرتها كاس الفرح واخسرت بي
لو طاحت انفوس الريجيل ماطيح=عليت نفسي للعلا واعتلت بي
صم الجبال اللي حجرها صلافيح=لو جيت اهز حيودها مادرت بي
لكن لي مبدا معزه وتصفيح=أبوي سمانيبها واستمت بي
أقدر ضروف الوجيه المفاليح=وابقا على هقواتها اللي هقت بي
واذخر فواعيس الرجال الطحاطيح=اللي ليا من جيتها رحبت بي
قولت هلا واقلط على هبت الريح=ثروة غنا فيها اغتني واغتنت بي
ماهو كلام ملاعبين المسابيح=اللي نموذج كتبهم غير كتبي
ملقحين منمق الهرج تلقيح=ياما حكت عندي وياما حكت بي
اتصوم واتصلي قيام وتراويح=لكنها في الشذب ماقصرت بي
اعيال رعيان الحلال السواريح=لو حصلت ضحكن علي اضحكت بي
لولا العصا كان الكلاب النوابيح=عن مشرب العد العذي صدرت بي
والصبر زين وللغنايم مفاتيح=واكحل عيونن بالحسد تلتفت بي

للشاعر الكبير سلطان بن وسام الهاجري

[مربوش]

فعلا """

شاعر كبير ابن وســـام


الله لايهينك على النقل الراااائع




.,’.,’.,’.,’.,’.,’.,’.,’.,’.,’

[فلاح بن ملبز]

بن هادي

صح لسانك ولسان شاعرها / سلطان بن وسام

ويعطيك العافية على هالنقل الجزل

والله لايهينك

[حمود ناصر العامر]

أخزي " بن هادي 0

الله لا يهينك لنقل هذه القصيده من قصائد

الشاعر " سلطان بن ويام 00

ولا هنت طال عمرك وصح لسانه 000

[نـاصـر]

المشاركة الأصلية كتبت بواسطة مربوش

فعلا """

شاعر كبير ابن وســـام


الله لايهينك على النقل الراااائع




.,’.,’.,’.,’.,’.,’.,’.,’.,’.,’

ولاانت يامربوش وشرفني مرورك

[نـاصـر]

المشاركة الأصلية كتبت بواسطة فلاح بن ملبز

بن هادي

صح لسانك ولسان شاعرها / سلطان بن وسام

ويعطيك العافية على هالنقل الجزل

والله لايهينك

صح بدنك والله يعافيك

ولاانت