أنتــــبهــوا جوالي..لحد يلعب به...

[العنود الهواويه]

مـــرحبـــا

.
.



(لحد يلعب في جوالي )...!!

عبااره أصبحنا نسمعها كثيرا وأصبحت متداوله على لسان المراهقين والمراهقاات !!

صار الجوال جزء لايتجزاء من حياتنا اليوميه مانطلع إلا بالجوال ومانقعد ولا ننام إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير

اللي يذكرنا بالمواعيد والساعات متى علينا محاضره وفي أي قسم

والتقويم اللي دايم مانحط فيه التواريخ المهمه :إمتحانات ، مستشفى ، إجازة ..:

والمنبه ( أهم شي المنبه ) <<<<<< اللي يرن الصباح وقت الدوام .. نحط على غفوه وهالغفوه 10 دقايق
<<<< عندهاا حاله مع المنبه
ومانقوم إلا إذا حد قال لنا :.. قومووووا دووووام متى بتروحوون...!!!

اللي صاير هالأيام إن فئه عمريه معينه من سن الـ 18 إلى 25 أو 30 سنه

يرفضون أي شخص يمد يده ويمسك جواله !!!!!!!!!!!!

ودايماََ مايقولون

( لحد يلعب في جوالي ) !!

هالجمله البسيطه تحوي معاني كثيره (ممكن تفسرونها )

ليش مانرضى أحد يفتش أو :يلعب: في الجوال ؟؟؟؟؟؟؟؟؟؟؟؟؟

هل هو الحرص عليه !!

ولا من زوود المحبه !!

ولا فيه شي خطير ماودك حد يشوفه أبد !!

يعني لهالدرجه جوالك خطير ماتخلي حد يقرا مسجاتك ؟؟؟؟؟

ويشوف قائمة الأسماء اللي بجوالك

ولا يسمع النغمات اللي منزلها ولا يشوف كم فيديو إستعراض

ولا فيديو كليب<<وهذا اللي مادري ليش يحطونه!!

أنا عن نفسي جوالي عابر سبيل الكل يلعب فيه

وماعندي مانع أحد يفتشه

بس أشوف ناس كثيره مايحبون أحد يمسك جوالاتهم

الأسئله كثيره والتساؤلات أكثر حول هالموضوع

ماودي أطول عليكم بس أخليكم تفكرون وتجاوبون ..

وعذرا على الفلسفة اللي أحبها كتير كتير....

ودي أشووووف أجاباتكم على الأسئله


تحيــــاتي

العنــــود الهـــواويه

[صديق الملك]

أنا عن نفسي جوالي عابر سبيل الكل يلعب فيه

وماعندي مانع أحد يفتشه

أنا عندي سؤال ...

ليش جوّالكِ عابر سبيل والكل يلعب فيه ؟

وليش ماعندكِ مانع أحد يفتّشة ؟؟

شكراً أختي على طرح الموضوع المثير للنقاش

ولازال للنقاش بقيّة

تقبلي تحيتي

أخيك .

[عـ100ـج]

لا تنسين القفل بعد

<< ماتسوي قفل

لاني ما احفظ الارقام السريه وأخاف يقفل معاي ا لجهاز

اول شي انا ما حب احد يفتش موبايلي

مو لسبب معين

ولكن فيه ناس فضوليين اكثر من اللازم


من يشووفون موبايل مقطوط على طاوله او ماعنده احد

يتليقفون ويشيلونه ويتعبثون فيه


ممكن فيه رساله خاصه للشخص المرسل

يعني مو شرط خاصه بصاحب الموبايل



وفيه ارقام وتواريخ خاصه يحب الانسان انه يسيفها بجهازه للتذكير


او ارقام بطاقه الماستر او الفيزا << فضحت نفسها


يعني الموبايل مثل بوك الانسان << بوك = المحفظه


وعيب ان الواحد يتعبث فيه من دون استاذان

وهذا راايي

وانشالله اني استوفيت الاجابه


لكي أجمل تحيه


أخيتك
عجمه

[أبو خالد الضاعني]

أختي المدعه : العنود

مشكوره على هل موضوع الجميل والي كلنا حاسين فيه ..

ووجهة نظري في هل موضوع..

عني انا شخصيا ما عندي مانع احد يشوف جوالي بس لازم يستأذن أما ياخذه بدون أستأذان هذا غلط وانا بنفسي باخذ منه التليفون وما راح اخليه يلمسه مره ثانيه هذا اولا....

ثانيا: اذا في اشياء خاصه أظن في حافظات وبرامج لها رقم سري يعني تحط حافظها فيه ارقامك الخاصه وصورك وشغلاتك الي ما تبي احد يشوفها ولازم اي واحد يبي يفتح الحافظه يكتب الررقم السري وكذا ما راح يقدر يشوف الاشياء الخاصه..


وتقبلي تحيات أخوش أبو خالد

[الجااازي]

العنود الهواويه
مشكوره ع الموضوع الحلو..والله انا ماعندي مشكله ابدا ان احد يمسك جهازي وياخذ راحته

بعد..لدرجة اني اضحك ع اللي يحطون القفل بس الايام الاخيره اجبرت احطه وماحد ياخذه مني

والسبب صور اللي فقدته ومات من اهلي بالايام الاخيره..اللي ماليه جوالي من صور وفيديو

ولاني اخاف اتسبب بحزن لاي احد يمسك جوالي والشي نفسه ينطبق ع الاب توب..وع فكره

الموضوع هذا حصل معي اليوم ورفضت اعطي اخوي الصغير جوالي بس هو فهم قصدي..اللي

اقدر اقوله اني كنت الوم الشخص المتحفظ ع جواله واظن ان جواله فيه عله ولكن بعد

ظروفي قدرت ان هناك حالات تستدعي الخصوصيه

العنود اسفه ع الاطاله ولاهنتي الشيخه

[العنود الهواويه]

المشاركة الأصلية كتبت بواسطة صديق الملك

أنا عندي سؤال ...

ليش جوّالكِ عابر سبيل والكل يلعب فيه ؟

وليش ماعندكِ مانع أحد يفتّشة ؟؟

شكراً أختي على طرح الموضوع المثير للنقاش

ولازال للنقاش بقيّة

تقبلي تحيتي

أخيك .

أخــوي صديق الملك
حيــاك الله

والله يعطيك ألف عافية على مدخلاتك وتشريفي بمرورك..

ومن ناحية أسئلتك سأجيب عليها كلها:

أولاً أخوي نعم لا أمانع بأن أجعل المجال مفتوح أمام الجميع للأطلاع على مايحتويه جوالي من مواد للتسليه..لأني موقنه بأن من حولي من صغير وكبير لايجروء على العبث بها أبداً..وكذلك لايوجد ما أتحفظ عليه فيه...
فهم قد يحتاجونه في الأتصال بشخص ما لذلك تجد رمز القفل لا يغير أبداً ويعرفه الصغير والكبير ممن حولي إبتداءً بالعائلة وإنتهاءً بالصديقات ولم أغيرة أبداً خصوصاً أن من وضعه لي شخص عزيز رحل عن دنياي لذلك لم أغيرة ولا أنوي ذلك...

أخوي صديق الملك

مغسي ألـــــــــــــوت على مرورك


أرق التحايا

العنود الهواويه

[العنود الهواويه]

المشاركة الأصلية كتبت بواسطة عـ100ـج

لا تنسين القفل بعد

<< ماتسوي قفل

لاني ما احفظ الارقام السريه وأخاف يقفل معاي ا لجهاز

اول شي انا ما حب احد يفتش موبايلي

مو لسبب معين

ولكن فيه ناس فضوليين اكثر من اللازم


من يشووفون موبايل مقطوط على طاوله او ماعنده احد

يتليقفون ويشيلونه ويتعبثون فيه


ممكن فيه رساله خاصه للشخص المرسل

يعني مو شرط خاصه بصاحب الموبايل



وفيه ارقام وتواريخ خاصه يحب الانسان انه يسيفها بجهازه للتذكير


او ارقام بطاقه الماستر او الفيزا << فضحت نفسها


يعني الموبايل مثل بوك الانسان << بوك = المحفظه


وعيب ان الواحد يتعبث فيه من دون استاذان

وهذا راايي

وانشالله اني استوفيت الاجابه


لكي أجمل تحيه


أخيتك
عجمه

أختي عجميه


حيــاك الله

وسعيدة بإجاباتك العفويه والتلقائية

الله لايهينك

مغسي ألـــوت

تحيــاتي

العنود الهواويه

[العنود الهواويه]

المشاركة الأصلية كتبت بواسطة أبو خالد الضاعني

أختي المدعه : العنود

مشكوره على هل موضوع الجميل والي كلنا حاسين فيه ..

ووجهة نظري في هل موضوع..

عني انا شخصيا ما عندي مانع احد يشوف جوالي بس لازم يستأذن أما ياخذه بدون أستأذان هذا غلط وانا بنفسي باخذ منه التليفون وما راح اخليه يلمسه مره ثانيه هذا اولا....

ثانيا: اذا في اشياء خاصه أظن في حافظات وبرامج لها رقم سري يعني تحط حافظها فيه ارقامك الخاصه وصورك وشغلاتك الي ما تبي احد يشوفها ولازم اي واحد يبي يفتح الحافظه يكتب الررقم السري وكذا ما راح يقدر يشوف الاشياء الخاصه..


وتقبلي تحيات أخوش أبو خالد

أخـــوي أبــوخالد

وجهة نظــر أحترمها وأحترم صاحبها

حيــاك الله

ومغسي ألــــــــــــــوت على تشريفي بمداخلاتك

أرق التحــايا

العنود الهواويه

[العنود الهواويه]

المشاركة الأصلية كتبت بواسطة الجااازي

العنود الهواويه
مشكوره ع الموضوع الحلو..والله انا ماعندي مشكله ابدا ان احد يمسك جهازي وياخذ راحته

بعد..لدرجة اني اضحك ع اللي يحطون القفل بس الايام الاخيره اجبرت احطه وماحد ياخذه مني

والسبب صور اللي فقدته ومات من اهلي بالايام الاخيره..اللي ماليه جوالي من صور وفيديو

ولاني اخاف اتسبب بحزن لاي احد يمسك جوالي والشي نفسه ينطبق ع الاب توب..وع فكره

الموضوع هذا حصل معي اليوم ورفضت اعطي اخوي الصغير جوالي بس هو فهم قصدي..اللي

اقدر اقوله اني كنت الوم الشخص المتحفظ ع جواله واظن ان جواله فيه عله ولكن بعد

ظروفي قدرت ان هناك حالات تستدعي الخصوصيه

العنود اسفه ع الاطاله ولاهنتي الشيخه

حيـــــــالله الجازي

ومرحبابك وبتعليقك اللي زاد الموضوع نكهة

جميل هذا التحفظ الذي له أسبابه..والتي أحترمته كثيرا

مغسي بـــــــوكو

الجازي

والله لايهينك

أرق التحايا
العنود الهواويه

[صديق الملك]

المشاركة الأصلية كتبت بواسطة العنود الهواويه

أخــوي صديق الملك
حيــاك الله

والله يعطيك ألف عافية على مدخلاتك وتشريفي بمرورك..

ومن ناحية أسئلتك سأجيب عليها كلها:

أولاً أخوي نعم لا أمانع بأن أجعل المجال مفتوح أمام الجميع للأطلاع على مايحتويه جوالي من مواد للتسليه..لأني موقنه بأن من حولي من صغير وكبير لايجروء على العبث بها أبداً..وكذلك لايوجد ما أتحفظ عليه فيه...
فهم قد يحتاجونه في الأتصال بشخص ما لذلك تجد رمز القفل لا يغير أبداً ويعرفه الصغير والكبير ممن حولي إبتداءً بالعائلة وإنتهاءً بالصديقات ولم أغيرة أبداً خصوصاً أن من وضعه لي شخص عزيز رحل عن دنياي لذلك لم أغيرة ولا أنوي ذلك...

أخوي صديق الملك

مغسي ألـــــــــــــوت على مرورك


أرق التحايا

العنود الهواويه

أختي المحترمة

العنود الهواويّة

أشكركِ على تفضّلكِ بإجابة أسئلتي ...

من خلال ردّكِ أكتشفت بأن الخلل والعيب ليس في من يمنع الآخرين من الإقتراب من جوّاله ...

لأن العيب ليس فيه وإنما عدم ثقة في من حولة من أهل أو أصدقاء او زملاء ...

لذلك أختي الكريمة ...

الجوّال وغيره من أجهزة التقنية الحديثة .. صُنعت لنستفيد منها بالشكل الأمثل ..

وهذا لا يمنع أن تحمل هذه الأجهزة من الخصوصيّة الشيء الكثير .. سواء ارقام أو مسجات أو صور

وبالتالي فمن المفروض ان أي إنسان لا يمد يده على شيء يخص غيره بدون إستئذان ...

ومن هذا المنطلق ...

يجب أن تكون ثقتنا بمن حولنا كبيرة .. حتى نأمن على ممتلكاتنا وخصوصيّاتنا

أشكركِ مرّة اخرى على إتاحة الفرصة لي لمناقشتكِ والتحاور معكِ

وتقبلي تحيتي

أخيك .