السلام عليكم .
أول مشاركه معاكم . وأنشالله تعجبكم
ولا أعرف شاعرها سـوا أنها موجوده عندي !
ولكـن من يعرف صاحب هالقصيده يعلمني ،
كان جزلات القصايد تعبّـر عن غـلاك ==== إستلم سبعين بيتٍ هديه في يديـك
كل بيتٍ يسبق البيت الآخر في رضـاك ==== والقصيده كلها يا غلاتي ترتجيـك
كل ما إزداد التحدي وزاد الإرتبـاك ==== يلمع بـ عيني بريق الإرداة وأفتديـك
أنت شخصٍ لو طلب نور عيني قلت جـاك ==== كل شيٍ تطلبه كان لي قدره يجيـك
بس لا تزعل وتغتاض وأزعل من جفـاك ==== دام تدري قلب ..؟ بـ حبه يحتويـك
يا هنوفٍ فز قلبي على مسمع نـداك ==== والله إني بايع الناس من شان أشتريـك
كاملٍ بالزين والرب كمّـلك وعطـاك ==== الله الله بالحلا يا غلاتي ما عليـك
إعتليت الزين والحسن بالذوق إعتـلاك ==== تبهر عيون الخلايق بـ سحرٍ يعتليـك
خلني انام واصحا على ريحة شـذاك ==== يا شذا ورد البنفسج جميلة وردتيـك ؟
وإتركيني أموت وأحيا على حبة شفـاك ==== ظاميٍ والما يشوفه بـ حبة شفتيـك
ويل قلبي كل ما أقبلت هزتني خطـاك ==== دون لا أشعر قمت أرحب وأهلي واحتفيـك
كن ربي عن عذاريب خلق الله نهـاك ==== وإن عذروبك حلا الناس كله يقتفيـك
أبدع بـ تصوير زولك وكمّـل في حـلاك ==== وعن عيون الحسد والبغض ربي محتميـك
والله إن اللي يشوفك يموت ولا نسـاك ==== كيف منهو عاشقك يا غلا ويموت فيـك !
عشق صادق ما كذب في وعوده لا دعـاك ==== والمشاعر صافيه ذي تحدى صفو ذيـك
والخواطر نبض خفاق روحي يا مـلاك ==== كلها فدوة عيونك وروحي تهتويـك
ما جهلت إني أحبك ولا أظن إيخفـاك ==== تدري إني صادقٍ في محبتك وأبيـك
وعارف إن القلب عايش على ذكرى صـداك ==== والضمير يموت ما راد في غيرك شريـك
كل ما أذكر ظلمة الليل يجذبني ضيـاك ==== يوم أضيع بـ درب الأحزان وأرجع وأهتديـك
يوم تسأل عن غلاتك وجاوبتك فـداك ==== قلبي .. وعيني .. وروحي .. تفّدا بسمتيـك
والضمير الصادق يعيش في نسمة هـواك ==== ما تنفّـس غير نسمة هواك ويحتريـك
حافظٍ عهده ولا خان لو شك بـ وفـاك ==== والدليل يموت من قبل تنزل دمعتيـك
آآه من قلبٍ ظما بـ المحبه ما إرتـواك ==== وأنت تبخل فيه منته بـ سامح يرتويـك
وأنت تدري ما تعنا بـ شوق إلا بغـاك ==== وإن منعته مات في شوقك الليله هليـك
لا تعذّر لي بـ عذرٍ يبرر لي خطـاك ==== أنت مخطي والعذر ما يجمّـل كلمتيـك
ولا تقول الوقت والظرف يا زين إيحـداك ==== الظروف إمع الزمن ما تغيّـر خطوتيـك
ولا تسمّـع هرج هذا ولا يغريـك ذاك ==== ولا تصدق كذب هذي وإشاعه من هذيـك
خل فالنفس الثقه وإعرف الصدق إيحمـاك ==== والسكوت بـ موقف السخف أفضل من حكيـك
إسمعيني جعل يفداك يا (...)؟ عـداك ==== الغلا يطغا على قلبي ويطغا عليـك
مثل نجمة ضوّت بـ نورها عالي سمـاك ==== نجمةٍ تهنا بها يا غلاي وتهتنيـك
أدري إن الحزن بعد الملل زاد وطـواك ==== كن حزن الناس يبدا معاك وينتهيـك
إحضني نور المحبين لا منه ضـواك ==== وإبتدي درب العشق وإدري إنه يبتديـك
وإعرفي إن القلب والله ما يبغا سـواك ==== وعن جميع الناس يا روح روحي ينتخيـك
من كثر شوقه ومن كثر حبه لك نصـاك ==== ما طلبت إلا به اللطف .. دامه منتصيـك
قلب عاشق بس لو مات ما يطلب رجـاك ==== كل شي إلا الرجا يا حياتي ما أرتجيـك
ودي أشرب من ثناياك لا قبّـلت فـاك ==== إي والله العظيم أشتهيها وأشتهيـك
وأنت لا تبخل عليّ أسقني يا زين مـاك ==== إرمني في موجة أشواق عشقك وأرتميـك
وخلني في غبّـة البحر كانه ما كفـاك ==== بحر حبي وأنت فـ البحر يالغالي مليـك
الغريق إن مات ذنبه تجّـلا في يـداك ==== ليه ما مدّيت يدك وفكيت الهليـك
يوم صارع موجة الشك وأعطيته قفـاك ==== مات وفـ عينه كلامٍ يردد همستيـك
ليه تلوي ذراع تلوي الزمان ليا لواك ==== وليه في ظهري إستلذيت منظر طعنتيـك
أسألك بالله يا زين قلي وش دهـاك ==== ليه تعقد في حجاجك وترهب نظرتيـك
نظرةٍ فيها غضب من هناك إليا هنـاك ==== كنّـي اللي تطلبه ثار في مقتل أخيـك
وأنت تدري ما تمنيت أعيش إلا بـ ذراك ==== وأتعذر منك وأرضيك وازعل وأشتكيـك
وأتحمل زلتك وامدحك وأنسـا رداك ==== فقر حالي منك وأقول حالي مغتنيـك
وأرمي اللي بـ الإساءة تجّـراك ورمـاك ==== وأحضن أشواقك بـ قلبي وأضمّك وأحتويـك
وأستبيح العذر لا زاد يالغالي وذاك ==== وأتصبر وأحتمل غلطتك لأجل عـينـــك
غيرتي فـ القلب تخشا بشر غيري يـراك ==== كيف لا من شفت غيري يلاعب وجنتيـك
اعطفي بالقلب والروح لا يكثر جفـاك ==== وإرحميني يا غلا يرحم الله والديـك
أتحرا موعد العشق وأموت بـ لقـاك ==== وأبتسم في كل لحظه تبيّن غمزتيـك
بس لا من الزمن جار يا زين ووطـاك ==== غير تلقا خافق الروح دونه يعتنيـك
ما تناسا موقف الطيب لو غيري نسـاك ==== ولو نسيتك باقيٍ في خفوقي ما أنتسيـك
لو تجي من جور الأيام ضايق قلت : هـاك ==== قلبي اللي مات وأحيتّـه نظره من عنيّـك
والله إني بلسم جروح الأيـام ودواك ==== معك لامن خانك الوقت يا (...) وإليـك ؟
وقلبي اللي إختارك بـ زين هرجك وإشتهـاك ==== يعشقك لو بـ خفوقي تسلّط خنجريـك
والضمير يعذبـّه جمر حبك من سنـاك ==== كّـن في صدري : ضميري يلاعب جمرتيـك
ما نواك إلا بـ صدق النوايا ما نـواك ==== ولا بغا إلا يحط راحة يدينه في يديـك
أنت ياللي زين بلقيس يلبسك وزهـاك ==== كل خلق الله تقف لأجل تنظر خطوتيـك
كان رحت الحب والشوق يالغالي نعـاك ==== والضماير والمشاعر بـ غيبك تحتريـك
كلها تدعي عسالله فـ الغيبه وقـاك ==== من نفوس الحقد والكذب ربي يحتميـك
والخفوق يعيش محتار لكن ما لغـاك ==== والله إنه باقيٍ في رجاوي لمستيـك
وفكري اللي ما إرتوابك وفي حبه ظمـاك ==== عاش في صدمة فراقك يناظر دمعتيـك
والهجوس اللي ليا من سرا فكره سـراك ==== أبدع بـ قول الشعر لأجل يسمع ضحكتيـك
آآه يا قلبي غدا الحزن في وقتك غطـاك ==== وآآه يا روحٍ معاني التعاسه تحتويـك
قالها اللي لا عطا ما ينّـشد وش عطـاك ==== ولا طلبك ولا سعا ينشدك وشهو لديـك
كان جزلات القصايد تعبّـر عن غـلاك ==== هذي السبعين بيتٍ هديه في يديـك
كل بيتٍ يسبق البيت الآخر في رضـاك ==== والقصيده كلها يا غلاتي ترتجيـك
لأجل ما تزعل وتغتاض وأزعل من جفـاك ==== ولأجل تدري قلب (...) بـ حبه مرتويـك
وإذكري يوم التحدي ويوم الإرتبـاك ==== يلمع بـ عيني بريق الإرداة وأفتديـك
13-09-2006, 12:29 AM
[/img]
العرض المتطور
