قصيدة ضيدان بن قضعان

[ولد بوظبي]

السلام عليكم ...... اخوني انا ادور على قصيده للشاعر ضيدان بن قضعان يقول فيها (لجل بعض الناس سميت فواز)

[عيد بن شدقان]

وعليكم السلام ورحمة الله وبركاته

ولد ابو ظبي

اولاا نرحب بك معناا في شبكة قبيلة العجمان
وحياك الله واسعدناا انضمامك لنااا


واستلم ماطلبت

يقول الشاعر/ ضيدان بن قضعان
شريت لي طير وسألت صاحبه عن إسمه فقال اسمه دهام يقول ضيدان غيرت اسم الطير إلى فواز لغرض شخصي عندي وعندما أردت ان أعشي الطير


ناديت له بأسمه الجديد فواز فواز .... فالتفت الطير على ضيدان وقال له :

ضيدان أنا أسمي دهام ما هوب فواز=أما أدعني يا دهام ولا بلاشي
ما هوب حق تغير أسمي بلا أرماز=وأنا عذاب الخرب لا أقبلت حاشي

فرد عليه ضيدان قائلاً :

لعيون بعض الناس سميت فواز=أسم يشابه لاسم صعب المناشي
اللي غلاه بثومة القلب حزاز=تقبل له طعوني وتقفي عطاشي

فرد الطير :

ما أرضى تسميني عليها ولا جاز=تغيير الإسم إلا بذبح الكباشي
إذبح تميمه وأقلب الإسم فواز=إذا ذبحت الكبش ما صار ماشي

فرد ضيدان :

قلت فواز تكفى فكني بالتلعواز=الحل عندي وأسمع العلم كاشي
لازم تشوف اللي لها القلب ينحاز=عقب (ن) تجي فواز ولا شلاشي

فردالطير :

يالله مشينا والعمر يبغي إنجاز=يا ما نجز بالهدي ولا عراشي
قم جهز اللي ذاخرينه وممتاز=وعلي الطلاق إن عزبته من معاشي

وعندما وصلا الا التي سمي الطير عليها شال ضيدان البرقع عن الطير وقال له هذي اللي سميتك عليها فقال الطير :

أنا أشهد إني يابن قضعان فواز=واني بعد فواز جاني خراشي
ياحظ قلبك يوم في حبها حاز=كحيلة ما عاشرة كل لاشي
ياليتني رجلٍ لو أمشي بمعكاز=وأنخاك وأنخى مبعدين المعاشي
وأنهض لطيف الروح وأجلا لشيراز=وأقضي بقايا العمر ما أحتر جاشي
في شرع أبن حنبل بتأكيد ابن باز=معروف راعي الحب قلبه هشاشي
وأنا لوصل ملوع الشيخ معتاز=أعوز من فراق السبوق الرواشي
أبا أتمنى والتمني به الغاز=ياليت جنحاني لخلك فراشي
أو ليتني بيجر على الورك هزاز=ولا قلم بين الجسد والقماشي

[الشرقي]

لاهنت ياعبيد بن شدقان ,,وافي ولا تقصّر ,,حتى انا كنت دور عليها ,,لاهنت ياغالي

الشرقي

[ذيب الخزامي]

لاهنت يالاخ عيد بن شدقان ماقصرة

[شرس]

صح السان الشاعر ضيدان بن قضعان

ولاهنت ياعيد ين شدقان

على المجهود الي اتقوم عليه

واشكرك على الخدمه الي اتقدمه لأخوانك بالمنتدى


والله يعطيك الف عافيه

[ولد بوظبي]

حياك الله يا عيد بن شدقان ....ومشكور على القصيده ويعطيك العـــــــــــــــــــــافيه....

[راعي الدهما]

صح السان الشاعر ضيدان بن قضعان

ولاهنت ياعيد ين شدقان

على المجهود الي اتقوم عليه

واشكرك على الخدمه الي اتقدمه لأخوانك بالمنتدى



اخوووووووووووك


راعي الدهما

[ابو راكان *]

في شرع أبن حنبل بتأكيد ابن بـاز
معروف راعي الحب قلبه هشاشـي

انا اشهد انه صادق
لاهنت يابن شدقان على المجهود الواضح
وصح الله لسان بن قضعان