قصيده تشكي حال موظفي آرمكوا " لا تفوتكم

عجمي الوادي · #1 08-01-2005, 11:02 PM

قصيده تشكي حال موظفي آرمكوا " لا تفوتكم "

الله يجيبك يالتقاعد ونرتاح
................ يالله عسى في الأمر خيره
النفس طابت يا عسى الهم ينزاح
................ من قلبي المقهور ناره سعيره
مليت انا الروتين جيه ومرواح
................ وحبوب ضغطي في المخابي ذخيره
ناخذ حقوق الخدمه منهم والأرباح
................ نبني بها فله حلوه وكبيره
ربي بلاني بريس شبه سفاح
................ عنتر زمانه بس مامن بصيره
لامن زعل تقول ذا كلب نباح
................ له زوجةٍ بلشه ودايم تديره
لو تطلبه بقريد تسمع له صياح
................ كنه قطار لا مشى مع صفيره
مامر لي مسؤول مثله ولا راح
................ نطلب من الله ينتبدل بغيره
لاني بشكاي ولاني بصايح
................ يا كود دكتور أجي وستشيره
قالوا علاجك بالتقاعد وترتاح
................ مع أم عيالك العجيز منيره
مع كل صبح تد يدها بتفاح
................ وبالوجبة الدسمه تراها خبيره
تصحى تقويني مع الديك لا صاح
................ ماهي بنات اليوم تسمع شخيره
وقت الضخى أجلس مع سعود وبطاح
................ ربع نشامى وكلنا أهل ديره
دايم سوالفهم بها ضحك ومزاح
................ ما يعرفون أبداً سوالف حقيره
قالوا تزوج واترك الهم يا صاح
................ ف يالقاهره تلقى هنادي وسميره
لكن انا حرٍ ونادي بملواح
................ لا لوحت به أم عيالي الأميره
أجي لها بليا شعورٍ ومرتاح
................ مغرم هواها لو روحي أسيره
سايح بحبه مثل زبدٍ إليا ساح
................ منسى ماضيها في الليالي العسيره
كنا حياةٍ كلها كفاح بكفاح
................ تستاهل الحب هي تراها جديره
مالي حبيبٍ غيرها اليوم يا بداح
................ والعين عن شوفه سواها ضريره
الحظ معها لا تقولون لي طاح
................ هَذي عمود البيت بنت الجزيره
يالله تجيب السعد كله والأفراح
................ نطلب رضا الرحمن ومعه الستيره
وسلامتكم

بحوور · #2 08-01-2005, 11:46 PM

عجمي الوادي

تســــــلم على هالاختيـــــــــار

واختصااااار معانــــــاة

لاهنــــــــــت

تحيـــــــاتي وتقديــــري

عجمي ولي الله · #3 08-01-2005, 11:46 PM

صح لسااااانك ولاهنت علي القصـــــيده الحلوه وتسلم اياديك الحلوه اللي كتبت هلبيوت الحلاااا من الحلوووه

اخوك:عبدالله العجمي

sohab · #4 09-01-2005, 01:24 AM

السلام عليكم ورحمة الله وبركاته

قصيده معبره وتتحدث عن واقع وتجربه حقيقيه .. نلمسها فى مفرداتها وفكرتها

فيها وفاء اصيل لام العيال

ومحبه للاصدقاء والربع

وشكوى من حقنه!!!

اخى عجمى الوادى

شكرا لهذا الاختيار الموفق ...

ولك اطيب تحيه