بنت شيوخ

[خلف الحربي]

مافيه شي في هواء نجد فتـان =ياكود عطرك لاصفى الجو جاني
عطرك يسابق جيتك مثل هتان =مثل الموسيقى سابقه للأغانـي
يامرحبابك يابعد عمـر ولهـان =يا أروع هديه جاد فيها زمانـي
اشتاقلك وأنتي قريبه للأعيـان =وشلون لاصرتي بعيدة معانـي
لك طلةٍ فيها تباشيـر الأزمـان =فيها الفرح والعيد فيها التهاني
أنتي ولا لك بالشبه أية إنسـان =مافيه غيرك في جماله دهانـي
ياعاصمة للحب في كل الأوطان =ياصدق معاني للوفاء والحناني
خوذي هديـه ماتقدربالاثمـان =قلبي وفكري مع جزيل امتناني

[هياوي]

كل الشكر اخوي على هذه الكلمات الرائعة وصح الله السانك

[ابن جلعود]

شكراً لك اختي الكريمة على هذه القصيدة الرائعة

[خلف الحربي]

شكراً اخوي فيصل على مرورك الكريم وعلى التنسيق لك جزيل امتناني

[عيد بن شدقان]

صح السان شاعرهاا وناقلهاا



ولاهنت


يالحربي


وكان بونا انك ذكرت لناا اسم شاعر هذه القصيده


والله يعطيك العافيه

[خلف الحربي]

شاعرها اخوي عيد شخصي المتواضع ولو كنت ناقلها لا ذكرت صاحبها او نوهة بذلك


والمهم عندي انها تكون حازة على رضااك ومشكور اخوي على مرورك الكريم

[عبدالناصر آل عبدان]

الشاعر خلف الحربي



بداية أهلا بك بين إخوتك في منتداك منتدى العجمان ضيفا كريما نتشرف بك


وصح الله لساااانك على القصيده الجميله التي تمتلئ احساس صادق



تقبل احترامي وتقديري لشخصك الكريم

[بندر]

قصيده جزله من جزل ..

صح السانك يالحربي ..

ولاهنت ,,