دلّتك فاحت وانا عنها غناوي////قهو قيس وقهو ليلى العامريه

[أبو الوليد]

قصيدة للشاعر المبدع

سلطان الهاجري

الخيال اشهر من الحر النداوي
والندى رمز من اليمنى النديه
وحيلة النصاب مقطوع الرجاوي
والله انه ما يمشيها عليّه
ليش دسيت الروايه وانت راوي
تدري ان العاقبه ذنب وخطيّه
يوم جاك الليل في بر الصداوي
ضعت يالراعي وضيعة الرعيّه
صفر+صفر قلي كم يساوي؟
يعني الذمه من الذمه بريّه!!
ليش سمّوا عود جاوه عود جاوي
وليش سمّوا الابجديه الابجديه؟
دلّتك فاحت وانا عنها غناوي
قهو قيس وقهو ليلى العامريه
اعظم الامثال في شعر الخلاوي
ما طرقها في اللحون السامريه
وعزت ابراهيم والياس الهراوي
يضربون امثال هيّه وهاي هيّه
وانت لو ينحي بك السيل النحاوي
رحت مثل الحبل فـ رقبة المطيّه
من سمع سمعة شليويح العطاوي
ميّز النفس الفقيره والغنيه
يوم طار الستر عن مبسم مضاوي
ما طراه الا الشجاعه والحميّه
الأزمّه ما تغطيها الغطاوي
والسلوب العنجهيه عنجهيه
والله انك من بعيدين الهقاوي
مير تجرفك الحميّه الجاهليه
اسمع الفتوى من شيوخ الفتاوي
اسمها فتوى واسميها وصيّه
ما هويت المستحيل الا انت هاوي
روح سرمد والمسافه سرمديه
بس حاول لا تطيح الا متساوي
لا تشب الحرب وتصير الضحيّه

[ابوحمد الشامري]

يا سلام عليك يا ابو الوليد إختيار موفق لشاعر كبير لاهنت على القصيدة الرائعة.

تحياتي

[فيصل بن حجرف]

السلام عليكم

لاهنت ابوالوليد على القصيده الاكثر من رائعه للشاعر الكبير سلطان الهاجري

تحياتي لك ومشكور على الاختيار الموفق

[أبو الوليد]

ابوحمد

ابوعبدالله

اسعدني مروركم

[ابن وعيل]

اختيار موفق اخوي ابوالوليد

ولاهنت يعطيك الف عافية


تحياتي

[أبو الوليد]

هلا بك ابن وعيل

شرفتنا بمرورك طال عمرك

[الرازي]

ابو الوليد

لاهنت على هذه القصيدة الرائعة للمبدع سلطاااان

واجمل التحايا لك

الراااازي

[أبو الوليد]

ولا انت

وشاكرلك مرورك اخوي الرازي (بوعيد)

[سلطان بن جفن]

لاهنت على النقل الجميل
ولايستغرب على سلطان انه يبدع ونت ماقصرت
وياليت اختيارات الشباب اتون مثل اختيارك مع ان فيهم بركه
اخوك الصغير سلطان

[كويتي]

صديقي العزيز ابو وليد لاهنت على هذي القصيده

وش ذا الزين يا شيخ

صاير تقصد من وراي ماعليه

تحياتي لك يا غالي