يام يام ويام يـــــــام لمنه قيل يام=لان قاسي معدن ماخضــــــــــــــع للمبــــــردي

[راكان اليامي]

هذي القصيده اتتني بالايميل وقيل ولم يذكر فيها اسم الشاعر
بس على اعتقادي هي من احد ابناء الشاعر جابر الغليسي وهو عاشق الجزل

ياملائكة الرضــــــا البيض نقـــريك الســـــــلام =انقليه بجنح الايمـــــــــــــــان واقريه ابلـــــــدي

بلغيه لديرة العدل والرسل الكـــــــــــــــــــــــرام =موطن الأشراف نبع النبوة والـــــــــــهـــــــــدي

وصليه لمهبط الوحي والبيت الـــــــــحـــــــــرام =منك الف ومني اللي قدر فيه جــــــــــهـــــــــدي

وبعد مارسلت التحية بدا عذب الكـــــــــــــــــلام =قبل ماكتب كايدة في الورق يسبق يـــــــــــــــدي

وصوب فكري نادرات الجزل سوت زحــــــــام =ودها للدار تكتب بمجد وتـــــشــــهـــــــــــــــدي

ثم حذفت عمامة الراس وارخيت اللـــــــــجــــام =لسبق ترسي على الارض وتنوش الــجــــــــدي

سبق مايملك ارسانها نسل الــــــخـــــــــمـــــــام =مايطوله كون ترثة راعى الكـــــــــف النــــــدي

سبق كانت لابي ملك يشهد له وســـــــــــــــــــام =في بياض اعناق جزل النـــــــــــــوادر قــــلــدي

الغليسي جابر قـــــايد فــــــروخ السنـــــــــــــام =ياجماعة لازم افخر بسيــــــــــرة والــــــــــدي

والله العظيم ثم والله وعلي الحـــــــــــــــــــــرام =انه حق افخر واشاري وامـــــــجــد واقــــتـــدي

بالمقام اللي وصـل عـــــــــالي القمـــــــــة وزام =فوق فوق اعلى قمـــــم هـــــــــامة المجــد يغدي

الحليم الشيخ والشــــــــــــاعر الفذ الهــمـــــــــام =التقي اللي بدينــــــــه خشـــــــــوع يزهـــــــــدي

والشجيع اللي خويه بــــاذن الله مايضـــــــــــــام =طاهر السيرة لا يظـــلم ولا هو يحســـــــــــــدي

سيرته تصغي لمــــــــادح وتكتــــــــــم كـــل ذام =النعم له غصب حتى من اللي يــــــــجــحــــــدي

غصب عنه يقول جابر نعم عجل الـــــــــــــولام =لي بغيت اسكت حسد نار قلبي تلهـــــــــــــــــدي

وما درى انه ونعم غصب على خشم الهـــــــلام =داهل الشبعة من عاده على صدر الثــــــــــــدي

ومادرى ان به نـاس من حشمته صارو حشــــام =سيرة عطرة وذكر بفــعل وكــــــــــــــــــــــــدي

يغني المجلس عن العــــود الازرق و الخــــــزام =سيرته مكان طيب المجـــــــــــــالس توقـــــــدي

عيلم يروى به العطش وكبــــود الهيـــــــــــــــام =كم برد من جاش مصلف وكـــــم بل اكبـــــــدي

لي كتبت به الفخر قال شعري للامــــــــــــــــــام =وان مدحته من على القائمة شطب اعــــــــــددي

وقال خل المدح واكتب لقانية الوشــــــــــــــــــام =ودامك بحق الغليسي تنقص فابعـــــــــــــــــــدي

دامك تنقص من المدح وبيوتك قــــــــــــــــــــدام =فدور لمن له غير الرجل هذا تقصــــــــــــــــدي

قلت ياشعري عذر مبتدي مالي عـــــــــــــــــوام =شاعر متحمس للقصيد ومبـتـــــــــــــــــــــــــدي

قال جرب في الغزل والبراقع واللثــــــــــــــــــام =مثل غيرك من لزين البنــــــــــات يمجـــــــــدي

لانك من جيل يطبل لتصوير الاعــــــــــــــــلام =تجعلون المفرد الجمع والجمع افـــــــــــــــــردي

قلت هذا اللي قدرته وجدته والختــــــــــــــــــــام =جملة من ملك فكري تصــــــــــــــاغ وتســـردي

يالله انك لاتنزل عزيزين المقـــــــــــــــــــــــــام =ويالله انك لا تعز الردي نسل الـــــــــــــــــــردي

المراجل مزهبي والشجاعة لي حـــــــــــــــــزام =والذخيرة هقوتي والعزيمة منـــــــــــــــجــــــدي

وذكر ربعي عزوتي من خوال ومن عمــــــــــام =سيف هند في يميني لما جيت اعـــــــــــــــــــدي

نسل همدان المعارك محرم الانهــــــــــــــــــزام =ليزهم يام ودهم وايله جمع ارفـــــــــــــــــــــدي

ماوحى ايكون رزم الركايب والزغـــــــــــــــام =والعزاوي والعجب لك. وياعود اصمــــــــــــدي

زلزلت قبايل المدح لي دك الغـــــــــــــمـــــــــام =يشهد التاريخ والناس ماني بوحــــــــــــــــــــدي

لابة توفي العهد للملك نسل الامــــــــــــــــــــــام =تفتخر في طاعة اللي لا ثقلت يركـــــــــــــــــدي

نسل من طلعات علمه كما بدر التــــــــــــــمـــام =نور اللي في الجهالة للاصنام اعبــــــــــــــــدي

ثم تؤيد مشعل اللي بوادر الاهتمــــــــــــــــــــام =تتبع من يوم في كرسي المجد اقـــــــــــــعـــــدي

عم نجران من ظلما الى غابة اسقـــــــــــــــــــام =نوة براقها الخير والعطف ارعــــــــــــــــــــدي

واسبلت منها قنوف العطا تجلا الكتـــــــــــــــــام =والكرم والمد والجود والوصـــــــــــــــل ابـردي

وفرحوا العالم بنور جلا عتم الظــــــــــــــــــلام =شمعة زالت دجا ظرف ليل اســـــــــــــــــــودي

والوفا من يام همدان مرخية اللجـــــــــــــــــــــام =لي بدى وجه على وجه واللاش اشـــــــــــــردي

عزوة لى سمعها اشجع شجيع استـقـــــــــــــــــام =وقال نعم غصب عزوت محيزة الــــــــــــــردي

يام يام ويام يـــــــــــــــام لمنه قيل يــــــــــــــــام =لان قاسي معدن ماخضــــــــــــــع للمبــــــردي

عارف يام تفكه واشد من اللـــــــــــــــــــــحــــام =لابة لي جا النذر خيمت في الجـرهـــــــــــــــدي

لي كتبت بها الفخر لمني كنه غيـــــــــــــــــــــام =ولا عرفت اين النهاية ولا كيف ابتـــــــــــــــدي

البداية مجد عانق سما شرق وشــــــــــــــــــــــام =يستبيح مجلدات الكتب لو يجــــــــــــــــــــــردي

والنهاية لو كتبها بليغ اكــــــــــــرم كــــــــــــرام =صعب يوفيها من المهد حتى يـــلــحــــــــــــــدي

يوم كلفني قصيد الفخر جزل المـــهــــــــــــــــام =قلت حاضر باكتبك وافتخر واذبح هــــــــــــــدي

للحضور ويام همدان شكري والســــــــــــــــلام =اعذروني عد شعري على قد اجــــــــــــهـــــدي

ولو تحمس ملقي الفخر عذرا مايــــــــــــــــــلام =ودي ارمي غترتي واتعزوى واعـــــــــــــــــدي

[فيصل بن حجرف]

لاهنت ياراكان

وصح لسان قايلها

واكثر من رائعه اخوي راكان واختيار موفق بنقلها

تحياتي

[راكان اليامي]

ولا انت وتقبل تحياتي

اخيك

[غــزال البـراري]

راكان اليامي

كلمــــــــات رائعـــــه



سلمـــت يمناك

ولا هنت على النقــــل الجميـــــــــــل

ومشكور وننتظر منك الاحلى

تقبل تحياتي

غــــــزال البراري

[راكان اليامي]

يامرحبا والله بغزال البراري

وصح بدنش
وتسلمين على الرد

[عزوف]

يـام يـام ويـام يـام لمنـه قيـل يــام
لان قاسـي معـدن ماخضـع للمـبـردي

هالبيت الرائع شدني لقراءة الموضوع ولقيت الاروع لما قريت هالقصيده

ونعـــــــــــــم بيام يا راكان

اختيار موفق ياراكان

[راكان اليامي]

يامرحبا بعزوف

وتسلمين على الرد

واهم شي نالت على رضاك

وتقبلي تحياتي

[cool]

السلاااام عليكم ورحمة الله وبركاااته

عم نجران من ظلمـا الـى غابـة اسقـام
نـوة براقهـا الخيـر والعطـف ارعـدي

صح لسااانك راااكااان الياااامي وصح لسااان الشااعر ومااقصر وابدع في قصيدته.

الله يعطيك العاافيه الغاالي ولا هوب غريب منك الاختيااراات الراائعه.

كـووول

[راكان اليامي]

هلا وغلا ياكوووووووول

صح بدنك

واشكرك على الرد

[قبلةالعجمان]

اللـــــــــــــــــه اللــــــــــــــــــــــــــه
شهالقصيدة الصراحة رهيــــــــــــــــبه
صح لسانك لا هنت