$$$الليـــــــــــــــــالــــي الــــــــــطـــــــــــويــــــــــلــــــــة$$$

[@ سعود الحماده @]

يـاقلبي اصبر على ماجاك من هــــــــم
هــــذا مقدر لــي وويـــــــش الوسيـــلـــــة؟؟
تــرى الصــبـر يــاقـلـب في آخـره علـم
أصـبـر وأكـافـح باللـيالي الــطــويـــلــــــة
هـاذي حيـاة العــشـق حــلــوه مع سـم
لاصـرت من تـهـواااه عــزم رحـــيــــلــــــه
اقـفـى وأنـا أمـسح دمعـة الـعيـن بالكم
وجـريـت ونـة من يـفـارق خــلــيــلـــــــــــه
حــبــه ملـكـنـي يـاعـرب ليـت يـفـهـــم
مـلـك الـمـلـك للـعـبـد لآمـر يــجــيـــلـــــــــه
أبـو خـدود(ن) كـنـهـا الـقـطـن وأنـعـــم
أبــو عـيــون(ن) تـذبــح الـلـي يــخـيـلـــــه
أمـا الـخصـر محـزوم من غيـر مـحـزم
والـشـعـر ظـافـي فـوق ردفـه يـشـيـلــــــــــه
حـبـه سـرى بـي مـثـل مـايـسـري الــدم
والا كــمـا تـسـري غـيـوم الـمـخـيــلــــــــــه
يـازيـن هـرجـه لـي لامـن تـــكـــلـــــــــم
صــوت الـحـمـامـه فـي الغصون الـظليلــــه
اشـتـقـت لـــه شـوق اليتــامى الـى الأم
اشـتـقـت لـه شــوق الـبـــدو للـمـسـيـلــــــه
حتـى حـلاة الـنـوم بـالـعـيــن يــحـــــرم
وش بـيـدي يـانـاس مـافـيـه حـــيـــلـــــــــــه
هـاذي ثــلاث سـنـيـن من هــم في غـم
طــاااالبـــك يـارحـمـان هـــمـــي تـزيـــلــــــه ...


أخـــــــــــــوكــم // سعود الحماده

[محمد المحلكم]

كفووووو


قصيده رائعه


صح لسانك

تقبل تحياتي

[مهرة الصمان]

اخ سعود قصيدة جميلة وكلمات اجمل صح لسانك ولاهنت

والله انشالله يزيل همك

لك كل الشكر وتقبل تحياااااتي

[@ سعود الحماده @]

صح ابدنك اخوي الشاعر المحلكم ولاهنت على المرور الطيب ولاعدمنا مرورك .

[@ سعود الحماده @]

اختي مهره صح بدنش ومشكووووووره على المرور الكريم ولاعدمنا مرورك ..

[مــايــهــاب]

السلام عليكم ورحمة الله وبركاته



صح لسانك ولاهنت


يامبدع



قصيده اجمل من الروعه



وانا في انتظار جديدك

[@ سعود الحماده @]

اخوي مايهاااب صح بدنك والله لايهينك على المرور الطيب ولاعدمناااك