يا هل الجهراء إبن منيخر يسلم علي عبيد بن علي بن جديع (وصوا السلام لاهنتم)

[الأسد]

بسم الله الرحمن الرحيم
السلام عليكم ورحمة الله وبركاته
يا هل الجهراء إبن منيخر يسلم علي عبيد بن علي بن جديع (وصوا السلام لاهنتم)

سلام مني عد ما غرد الطير=وإعداد ما هلت سحائب تهامه
سلام مني للرجال المناعير=أهل الوفاء والطيب وأهل الكرامه
اللي توردها علي جمة البير=قوم الشجاعه والظفر والشهامه
خوالي اللي يحتمون المظاهير=لا ثارت الهيجاء وثور عسامه
خيالة السمراء رجال(ن)مشاهير=أفعالهم تذكر ودون الجهامه
وعبيد له عندي معزه وتقدير=معزة(ن)من قبل ياتي فطامه
الرجل وافي ما حصل منه تقصير=الطيب ميراثه خواله عمامه
لو أمدحك يا عبيد بأغلي التعابير=رجل(ن) سواتك عارفين(ن) مقامه
في مجلسك تلقي الدلال المباهير=يوم الردي تبرك عليه الرخامه
من طلعتك والراس كله سعاطير=وإلا الردي دائم تراعد عظامه
الحر الأشقر شاق كل الصقاصير=عدل المناكب فيه زود وصرامه
تلقي الجبال الشاهقه له مواكير=والبوم يطمن تحت ظل الثمامه
كل المراجل فيك من دون تذكير=لبستها يا عبيد لبس العمامه
يا جعلها لك يا السنافي مسافير=مشهود لك بالخير والإستقامه
يا بن الرجال اللي تقود الطوابير=بيت المعزه والشرف والزعامه
وجديع له فعل(ن) كما سالم الزير=وألا كما العبسي ليا أوما حسامه
قلته وأنا من لابة(ن)تفعل الخير=اللي لهم في قمة المجد هامه
خيالة الحجباء سيوف(ن)بواتير=مثل البحر في هيجته وإلتطامه
نطغي ليا منه طغي شيخ وأمير=وللي زبنا بشره بالسلامه
الطيب ما ياتي بليا مخاسير=وللطيب بوجيه الأجاويد شامه
لنا مع الأجواد ورد ومصادير=ومعزتك تبقي ليوم القيامه
حنا علي شوفك نسوق التباشير=لا يلحقك من صوب أخوك الملامه
نفرح ليا شفنا ضيوف ومسايير=إنقدم الترحاب والإبتسامه
لا تعتذر يا عبيد ما به معاذير=الكل منا صادق(ن) في كلامه
الصدق مثل الصبح وهاج(ن) منير=والكذب مثل الليل دامس ظلامه
محد(ن)تريح من كثير المشاوير=لا خلص المشوار جانا دوامه
الرجل قالوا عيشته عيشة الطير=والرزق في سير القدم وإبترامه
دنيا(ن) ومثل الشجره أم العصافير=وألا البعير اللي طويل(ن)سنامه
وحنا عليها مثل وصف المداوير=واللي لقاها ما يقرط بهامه
من فرحته مرتاح ما واصل السير=يرتاح باله ثم يهني منامه
القاف واضح ما يبي له تفاسير=واللي حلم بالليل ينسي حلامه
لكن سنامه يا الشلي راح للغير=حنا يا لله ريشة(ن) من حمامه
يفدونك اللي يعبدون الدنانير=ما ميزوا بين الحلال وحرامه
يا بو علي جعل الردي عمره إقصير=ما منه خير(ن) والهلامه هلامه
صغت البيوت الوافيه صبح وإعصير=وصف الحرير ووصف ريش النعامه
بنات فكري جات غصب(ن) بتصخير=جزل البيوت أشر عليه ب علامه
أنا مصورها علي أحسن تصاوير=مثل الهنوف اللي لها حسن قامه
اللي عليها حايلين الحجاجير=واللي عشقها عض كف الندامه
وإن سلهمت لي بالعيون المحاجير=ما همني يا عبيد لمعة زمامه
ما ظن تشغلني بكثر التفاكير=لو المبيسم عمد يرخي لثامه
عليتها من فوق روس الشناظير=خيالي اللي قام يبني خيامه
يا مدبر الدنياء عليك التدابيير=يا مكون نجوم السماء والغمامه
الختم مني عد نبت النوايير=في روضة(ن) ما تنبت ألا الخزامه
وإعداد ما هبت هبوب المعاصير=من عندنا مسك(ن) وعنبر ختامه
صلوا علي من نور الخلق تنوير=نور كما بدر السماء في تمامه
رسولنا اللي بين الشر والخير=شفيعنا وإن جاء نهار القيامه

[عـزام]

لله درك يا ابن منيخر وارررررررررررررررحب ترحيبة البدو بالمطر

أشهد انك جزل وصح لسااااااااااانك من الجهراء لهيت ومن هيت لى ماله مدى

ويستاهل ابن جديع ويستاهلون خوالك خيالة السمرا

ابن جديع انت تقصد الشايب عبيد راعى ويسه

وتقبل تحياتى يا ابن منيخر

اخيك الولهان

[راكان اليامي]

صح الله لسانك يالبركان الثاير
قصيده جزله من جزل

[حبيب]

بسم الله الرحمن الرحيم
السلام عليكم ورحمة الله وبركاته
يا هل الجهراء إبن منيخر يسلم علي عبيد بن علي بن جديع (وصوا السلام لاهنت


صح السانك ولاهنت

كفوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووو

خيالة السمرا

الله لايهينك على النقل

وتسلم ياالغالي

تحياتي

[بندر]

يااااااااسلاااااااااام
عزالله انها بيوتن وافيه وجزالله
كفو يستاهلون خيالة السمرا وخيالة الحجبا
وصح السانك ياابن منيخر

[الأسد]

الولهان
لا هنت بيض الله
وجهك وافي وسباق للطيب
ما لك لوي راعي ويسه عمه
عبيد بن علي بن جديع من سكان الجهراء
بس وين اللي يوصلها ما فيه من هل الجهراء يتمزهل
بعدين وين أل سفران ما حد علق عليها
وأل قنيبر وينهم ويينهم ما حد علق
في أنتظاركم يا مال الشحم
لك الشكر يا الحصان إبن الحصن يا الولهان

[الأسد]

راكان اليامي
صح بدنك لا هنت

[متعب الوقت]

كفوووووووووووووووووووووو وصح الله لسان شاعرها ويستاهلون الطيب ولاهنت عليها وبيض الله وجهك

[الأسد]

حبيب
ما عليك زود ولا هنت يا الطيب

[الأسد]

مزبن المجرم

ما عليك زود ولا هنت يا الطيب