..... ToM and Jerry ......

[جراح بن ضيدان العجمي]

السلام عليكم

حبيت ان اضع بينكم هالكيبورديه وعساها تعجبكم






اكتفييت من الغرام اللي هقيت انه مصيري
..... وها أنا الآن قلبي لايريدك ترجعين
//
//
كم أنا ذقت التعاسه والهوى مرُ مريري
..... وامتلى قلبي الأسى والعين هلت عبرتين ؟
//
//
ليت نار الحب ان تاتيكي شي من كثيري
..... ربما لو تعلمين النار لاشتد الانين
//
//
آه كم عيني تمنّت ان ترى زولش خطيري ..
..... كم تمنت ان ترى السلال يقفي بش سنين
//
//
غاسل ايديني ترى من حبّش بصابون فيري
..... من غرامش مابقا اية بقايا في اليدين
//
//
من عرفتش والبلاوي تكتنفني في مسيري
..... ذقت من حبش عذاب وضيم للقلب السجين ؟
//
//
تلتهب في وسط صدري مثل نيران السعيري
..... اشتكي لش كل ليله وانتي قلبش مايلين
//
//
قصّتي وياش قصّه مثل قصّة توم جيري ..
...... تلحقيني بالشكوك وسقت لش قلبي رهين
//
//
كل مامديت حبلي حبل حبّش لي قصيري
..... ماتعبتي مثل مايتعب معش قلبي الحزين
//
//
للأسف خابت ظنوني فيش وأنبني ضميري ..
..... عشق صادق ماعطيته اسواش وانتي تجحدين
//
//
كم وياما ينقظي ليلي وانا طرفي سهيري
..... ماهتنت بالنوم عيني من شهور ومن سنين ؟
//
//
صرت كني جمس احمر في هوى دربش يسيري ..
.... رفرفه مهتز من صدّش ويسمع له ونين
//
//
كنتي لقلبي المكينه تحركين تروس قيري ..
.....لين طيحتي عزومي ماقدرت اشحط ثنين ؟
//
//
راثعه فيني وانا عجزت عنش لاستخيري ..
..... ارثعت فيني الزقاير كل وقت وكل حين ؟
//
//
ولاّ أنا خلاص أبنهي قصّتي واسلك مصيري
..... مابقا لش يام وجهين اي حب واي حنين ؟
//
//
علّي القا من غلاها ناعمٍ مثل الحريري
..... تسكن بقلبي واقلطها على عشقي الدفين
//
//
تستحق الحب مني تنتشي نفحة عبيري ...
..... وانتشي معها شذا الفله وريح الياسمين ؟
//
//
اتمخطر والحشا منزالها وصدري سريري....
.... وراقده بين الضلوع اللي لها حصن ٍ حصين
//
//
وانتي يالله جعل وقتٍ لي معش كله عسيري ...
..... بكره يردش غرامش ولفراقي تندمين ؟
//
//
بتركش وانا اعرف انش لو عرفتي شخص غيري ...
..... مالقيتي قلب صادق لجلش يبيع الثمين ؟
//
//
والنهايه قلت لش يامعوّده روحي وطيري
..... غلطتي اني وفي وانتي بقلبي تلعبين
//
//
وسلامتكم

[العرجاني محمد]

صح لسانك ياجراح ولاهنت على هالقصيدة الجزلة

[الـــصـــعــــب]

جراح بصراحه انا ضعت بالتعبير




صح لسانك وجزله من جزل



الله يوفقك يارب

[جراح بن ضيدان العجمي]

ارررحب يالعرجاني
صح الله ابدنك واشكر على المشاركه
جرااح

[ابن الاجواد]

هالله هالله

جزله من رجال جزل

وصح الله لساااانك ياوجه محلف


ونتمنى لك التوفيق ايضا في برنامج التلفزيوني الي يعرض على قناه الراي الفضائيه (أمير القوافي) يالامير ونبي لبشاره منك وترنا معك ياجراح

تقبل تحياتي وتقديري


ابن الاجواد الهاجري

[مهرة الصمان]

جراح العجمي لاهنت على هذه القصيدة العتابية الجميله

لك تحياااتي ولكن مثل هذا الأحساس الصادق منك لاتدعي مثل هالأدعية مهما صار
الله يوفقك وبانتظارجديدك

تقبل تحيااااتي