أنا اشوف الولد عزام يجهل ضيفه العباس

[عايض البقمي]

مساكم الله بالخير

الأخ عزام استلم لاهنت

سلام الله على اللي يعرفون الطيب والنوماس=من العجمان ولا من يجي زاير وعجلاني

انا اشوف الولد عزام يجهل ضيفه العباس=عساه بخير طول الليل مشقيها وسهراني

[عـزام]

هلا مساك الله بالنور


واستلم...

هلا يا مرحبا ترحيبةٍ والفاس وسط الراس=بعد جينا وغنينا وانا لّلعب طربانى

علامه جحدر الليله يساوى روحه بجساس=عساه بخير لا غنى على لاحى وليحانى

[الحــيـــران]

اللة اللة صح اللة السنتكم

علامه جحدر الليله يساوى روحه بجساس=عساه بخير لا غنى على لاحى وليحانـى

[عايض البقمي]

اشكر الحيران على المتابعة

دام البقاء ياللي علومك بين رأس وبين فاس=ترى ماعندي الا رمح يسكن جوف الأمتاني


تقوله يوم ضيعت العلوم وضاقت الأنفاس=تبى تسري معي ترجع صلاة الصبح تعباني

[عـزام]

ارحب يا الحيران وصح بدنك

واستلم يا الافق..

علومك كلها راحت شخابيطٍ على قرطاس=ورمحك خله ليوم الملاقا يا بليهانى

ولاكن ويش عذرك ليلة البارح يا ابو فراس=تحل الغاز خلق الله وتترك بيتك الدانى

[عايض البقمي]

استلم يالأفق

علومي طيب وعلومك تراها حبر ياابن الناس=يجيها زايل الأحبار ماتثبت بجدراني

تقوله يوم رحت وخلق ربي كلهم جلاس=ومن شافك تشد الرجل قال الشيخ عمساني

[عـزام]

انا بعطي على قدك وانا بعطى على المقياس=تقدم وانت ما بين العرب صاحب وقومانى

وبيتك لا بنيته ثبّته واركز عمود الساس=وبهّر دلتك ياتى لها طعم وشكل ثانى

[عايض البقمي]

أنا أميرك ونفذ لأمري اللي جاك يالحباس=على وضح النقاء المجرود دورني وتلقاني


انا اشوف الغنم ترعى وأشوف الراعي الحساس=يبى يفرض لها الواقع وهو مفلس وخسراني

[عـزام]

الله لا يهين جميع من شرفنا وتابعنا

الافق صح السانك ولا هنت تشرفت باللعب معك.

واستلم الختام..

تقوله والهروج ابلاش لا شالح ولا انت ادباس=ولا كن جنب الميدان لا من ثار دخانى

عسى الله ينصر الاسلام واللى للبلد حراس=ويعز الدين فى كل البلاد وكل الاوطانى

[عايض البقمي]

أستلم ياعزام وانهها بكيفك

أنا ماني بشالح وأنت والله ماانت ابن فرناس=انا من ربعي اللي فعلهم بالطيب عنواني

ترى بعض البحور أتَعب السابح مع الغطاس=وأنا أشوفك بوسط الموج تومي لي وتنخاني