قصه معذبهم وهو في (غرفه التحقيق) وسبب غيابه الفتره الماضيه

[(( سهيل ))]

بسم الله الرحمن الرحيم

السلام عليكم ورحمة الله وبركاته

قصه معذبهم وهو في (غرفه التحقيق) وسبب غيابه الفتره الماضيه وسبب تسميته (معذبهم)<<<خخخخ

(الجزء الأول)


مرة من المرارير على قولة عنترة التكروني..... جلست العصر أتشمس في السيب حق بيتنا ممددن عصاقيلي الفاتنة المليانه نفر وبقع زرق (من كثر ما أتكسر وأنا افحط مره بماصوره مره بجدار وهكذا ...).... وجنبي بريق الغضر الأحمر اللي حوافه مصديه (يقالك متولع بالتراث....).... وهذاك الشاهي اللي ضابطته أم معذبهم الله يخليها ويطول بعمرها..... جالس أشرب شاهي وأتشمس وخذ يا هواجيس......... مرة أفكر.... ليش الناس إذا تجمعوا في العزايم ما عندهم سواليف؟؟؟؟......... ما عندهم الا: وينكم؟؟ مبطين ما شفناكم (أسخف سؤال... وتحس ان اللي يقوله ما يعرف يسولف وساقط بالسواليف...)..... ومرة أفكر لو طاحت السماء على الأرض شلون أتوزى ؟؟؟؟......... وبعض الأحيان أشطح بهواجيسي واقول: ياليت الجح يكون مربع بدل ما هو ممطوط كنه أصبع صعيدي ماكل كيماوي........... وهو أنا بس فكرت في الجح ولا لا.... وتجيني هذيك الفكرة الخيالية........... ليش بدال ما أنا كل عصرية أتشمس في السيب (منتب عاقل جزر الكاريبي على غفلة...) ليش ما أستغل وقت الفراغ هذا في شي مفيد عشان آخذ درجة النشاط كاملة..... قصدي عشان أكسب كم قرش أبيض في هالزمن الأسود اللي كنه قلب كافر....

الهايلكس 79 موجود..... والعزيمة موجودة (غداء ولا عشاء؟؟؟..... لا فطور هههههه بلا استخفاف دم)........... واكثر ما كثر الله مزارع الجح.......
من زود الحماس ودي يجي الفجر بكره عشان أدّهر من الصبحيّة..... وأنا رجال ملول ولا عندي صبر..... فجر يعني فجر منيب رايق.... هالحين العصر يعني قدامي مغرب.... عشاء.... أنصاف ليول..... وبعدين فجر..... لا مايصير الوقت كذا طويل.... واقوم وأخبط راسي في جدار السيب وطحت مغمى علي (يقالك حركة عشان يروح الوقت بسرعة من فرط الحماس...).... وتجي أمي الله يجزاها بالجنة وتغطيني بكنبل قديم عندي اللي عليه رسمة أسد.......

يوم جاء الفجر ألا وتقول حاط ساعة خرّاش...... فزّيت كني مروّع ....... وأغسل وجهي وأتوضى للصلاة بسرعة البرق الخاطف في يوم ماطر (قاريها في تقويم ولا بعد فهمتها، واللي فاهمها يدز لي على الخاصة)........ وأروكع للفجر صلاة سواليف الله يتوب علي، ومن زود العجلة قريت في الركعة الأولى أول آيه من قل هو الله أحد والركعة الثانية الآية الثانية يعني من العجلة ما قريت السورة كلها (طبعاً كلش بحسابه... العجله هذي واللعب بالفروض دفعت ثمنها وعرفت أن الله حق)... وأخلص من الصلاة وألبس ثوب الصوف المخرم واللي فيه حروق جمر مادري من وين جت هالخروم<<<سؤال يطرح نفسه...

وألبس الزبيريه (تكرمون ومن قال.... عاشت أيامك).... وأشغل الهايلكس وأمسك طريق الملك فهد وجهي شمال طالع لساجر اللي أشغلونا بجحها.... طبعاً أنا في الدلاله زيي زي جدتي ما أفك الطريق ولا أدل ........ لكن قلت يامعذبهم نيتك صافية وأنت رجال تبي تترزق الله يعني طقها وألحقها وكل الطرق تؤدي لساجر...... لكن كل اللوحات اللي تجيني (قصيم/سدير/كويت/تركيا) ما فيه ساجر...... قلت ما بدهاش ساجر هذي أكيد أنها ديرة حونشيه وموزينها ولا يبون يعلمون أحد عنها لكني واصلها يعني واصلها..... ومن سأل ما تاه..... واوقف عند ديرة ما تتسمى جعل الله يخسف بها..... و أسأل أول شايب شفته.......

أنا: هييي يا الطيب وين ساجر؟

هو: هه؟ وشو؟ وش تبي أنت؟

أنا: أبي ساجر.... لكن بدون مخلل <<<<<<جالس يقلب عليه كلام عرف انه اصقه

هو: وشو؟؟ (أنا ما أداني الصقهان وفي نفس الوقت أستانس عليهم إذا مني قعدت أقلب عليهم وهم ما يسمعون)
هو: ما أعرفه يالله انقلع...

أنا: ساجر.... ديرة الجح اللي منها خلف هذال وجهيمان

هو: جهيمان؟.. أييييييييه.. ساجر..... أنت في ساجر يا ولدي ورى ما تقلط وتتقهوى.. أم العيال مسويه تبوله وكفتة بربري...

أنا: مرسي أوي يا طنط.... لكن أنا رجال مستعجل أبي جح عشان يمديني على سوق الرياض

هو: ما فيه خلاف... أنا عندي مزرعة مليانه جح... أنت بس أدخل داخل....

أنا ما صدقت خبر...... وقلت جاك التيسير من أوله يامعذبهم ...... أكيد الوالده مبسوطه وصاكتك بدعوه....

وأدخل المزرعة بالريوس هههه... ما عندي وقت ناوي أحمل وأدز للرياض بسرعة البرق (أسمع بالتشبيه)... لكن في نفس الوقت الشايب هذا ما ارتحت له.... أشوفه صاد ومطلع جواله الأريكسون (الدعاية هذي مدفوعة الثمن) وقاعد يدق ويهمهم وهو يطالعني ويبتسم (يعني تراني ما أتكلم فيك)..... لكن أنا ذيب.... صرفت الرجال يمين وشمال وسواليف في الجوالات واسعار الصرف والعملة ومشاكل البطالة في أوكرانيا..... كل هاللفه عشان يوريني جواله... وآخذه وأطالع آخر مكالمه.... ويصير ملعـ.... ولد الذين داق على 990 (يا خرااااااااااااااااااااااااااشي).... أنا حسيت أن الدعوة فيها إن
(لا يالذيب عسى ما تكلفت... حسيت بس...)......

المهم قلت له: مشكووووووووووووووور يا أبو الشيبان وما قصرت....وجحك مبروك عليك والله لا يغير عليك.... يالله مع السلامه يا حاج....

رد وقال: بدري يا هوه؟ وين الناس؟ وهوه دخول مزارع الجح زي الطلوع منها؟...


أنا تخلخلت عظامي.......... مهوب من كلامه (ما يخسي الا هو... صفقه على وجهه على مسكه منومه وأطرحه)... لكن اللي شفته شي جعله ما يمر على أحد........... الدنيا من بعيييييييييييييد زرقاء.................. شوي وتصير حمراء............. شوي تقلب أزرق............ شوي ترد حمراء................. ما فهمتو؟ هذي سيارات الشرطة جايه تسوي مداهمة للمزرعة عشاني فيها............... أنا أنقطع نفسي وصرت أتنفس مع أثمي (واحد جااااهل يحسب النفس ينقطع عن الخشم بس)........... وأركب الهايلوكس وأعطيه الأول وأدعس بأقوى شي لدرجة أن ساقي اليمنى جاها شد عضلي........ ماش الهايلوكس ما مشى..... صرت مع الربكة ما شغلته......... وأشغله ولا أشتغل الموتر شرّق (هذي تفاصيل... الجنس الناعم ما يفهمونها لو يطيرون ويوقعون)........ وأشغل السيارة وماش ما عندها خبر تشتغل (زي أفلام الرعب لما الممثل يركب السيارة ويشغلها عشان ينحاش ولا تشتغل والسفاح القاتل جاي لمه ببطئ... الوضع زي كذا)....

وأخيييييييييييييييييييراً الهايلكس أشتغل......... وأدز علطول بأطلع مع باب المزرعة ولا ذاك الشايب الملـ... قليل الأدب واقف قدامي (بزعمه فدائي) وهو يصرخ: تكفى لا تنحااااااااااااااااااااااااش أبي المليووووووووو.... طبعاً ما كملها لأني دعسته وكني أشوف ضروسه نشبت في الدفرنس.............. وسيارات الشرطة قربت مرة من المزرعة وسوو زي الطوق حول المزرعة......... أنا سويت فيها مغامر وأدعس وأقابلهم وجه لوجه.... هم خافوا وقالوا الولد شجاع ورهيب وأسمعهم بالمايك: وخروا عن هالقوي يا هووه نروح زحفان على المقلعين .......... واسمع تصفير ويطققون بواري......... أنا أنبسطت وكبر راسي وأديور وأرجعلهم مرة ثانيه وفي نيتي أستهبل.... تنطيل... ردة وجه.... جلنطات..... الشغل اللي أنتم خابرينه (وللمره الثانية هذي تفاصيل... الجنس الناعم ما يفهمونها لو يطيرون ويوقعون).... المهم رجعت لهم وسوو زي الحلقه حولي بالسيارات وأقعد في النصف بينهم أستهبل.... تخميس واطقق بواري وأطلع نصف جسمي من الدريشة.... أمشي على كفرين وأطلع الولاعة وأحكها بالأرض ألين يطلع شرار...... أرفع غزاله........ الشباب كيفوا وقاموا يصفقون ونادوني بالمايك: يا مقلع أنت يا مهستر يا مهجدهم يامعذبهم انت<<<<طبعا من بعدها ماصارو الناس ينادوني الا معذبهم واللي يرحم والديك وقف نبيك توقع على فنايلنا... أنا راسي كبر وصار أي حركه راسي يلمس مراية السقف.... وقفت ونزلت....الشماغ على الكتف وأمشي بشوي شوي وما دخلت ألا أصبعي الكبير بس في الزبيريه عشان يطلع صوت وأنا أمشي..... والسلسلة أم مترين قاعد ألف بها على أبهامي دار ما دار.... يوم وصلت لهم قلت: يا ورع أنت وياه شوي شوي بالدور.. يالله صفوا سرا منيب فاضي زحمة وقرف.....

قرب مني الضابط وهو يبتسم ابتسامة غريبة وقال: صدق أنك مخفة..... ويرعصني بذاك البقس اللي خلا راسي يصقع في ظهري لدرجة أني أشوف العسكر اللي وراي مقلوبين........ مع هالبقس طبعاً أغمي علي....... وصارت هذي خطة منهم أنهم يرجعوني لهم بدون مطاردات وقلق.... وأنا لأني برييييييييييييييييييييييييء مرة صدقت وانطلت علي الحيلة (أنطلت مأخوذة من التطلي وهو مأكول حالي كتير كتير).............




لماذا تم القبض علي؟؟؟؟؟؟؟
ما قصة لاعب الكونغ فو الصيني والمتواجد في غرفة التحقيق؟؟؟؟؟
ما قصة الزنزانة التي بدون باب أو حارس؟؟؟؟؟؟؟؟؟
أهم شي.... هل الشايب اللعين مات أم أنه....................... مات؟؟؟؟؟؟؟؟
ما سر الطفاية التي في غرفة ضابط التحقيق؟؟؟؟؟؟؟؟؟؟
هل معذبهم جامد القلب كما يقال وعابط مع الحكومة.......... أم أنه مع أول كف كب الخراف كله وكع بكلش؟؟؟؟؟؟

يمكنكم إرسال الإجابات على الفاكس التالي/ (معليش النمرة غلط...................)

الأجوبة هذي يا مال الطفاقة جايتكم ..... أركدوا شوي وخلوكم ثقل..............<<<<<<بروح ارتاح
واذا لقيت تشجيع جبنا لكم الحلقه الأخيرة من مشروع الجح
__________________

[بنت حمران النواظر]

لا كمل

أحب قصصك الطويـــــــــــــــــــــــــــلة...

[والله ماكان الفراق اختياري]

هههههههههههههههههه
ههههههههههههههههههههههه
هههههههههههههههههههههههههههه
الى الامام يا الغالي

[(( سهيل ))]

انشالله يالغالين راح اكملها قريبا" وشاكر مروركم وتعليقاتكم العسل