مدام انك تركتيني !!!

[عمهوج]

السلام عليكم ورحمة الله وبركاته

هذي قصيده وانشاء الله انها تحوس على رضاكم جميعاً :

مادام انك تركتيني,, صبر.. بعطيك انا تذكار .... بسولف و اكشف اوراقك وبثبتلك براهيني

حقيقه ماني متعود ولا عمري كشفت اسرار .... ولكني ابي تعرفين قدري لا تركتيني

من اللي كانت تجيني تقول اطلع معي مشوار؟؟ .... ابي انسى بك الدنيا وايديك اشبكها بيديني

من اللي يوم اسمّعها تقول (ألعن ابو الشعّاار .... انشهد انك الشاعر ولا غيرك يجي بعيني)؟؟

من اللي يوم أخليها.. دقايق.. فكرها يحتار؟؟ .... تجي تسألني مشتاقه.. علامك ماتحاكيني؟؟

من اللي تجمع صورّي وتعلقها بجدار الدار .... وتكتب تحتها... (تكفى حبيبي لا تخليني)؟؟

من اللي لا عزفت العود قالت أحسد الأوتار؟؟ .... من اللي حافظه شعري؟؟ و تموت بكل دواويني؟؟

من اللي كاتبه اسمي على يدها وشم و شعار؟؟ .... من اللي تحلف براسي؟؟ من اللي ميته فيني؟؟

عرفتي وش بعد هذا؟ خيانة والخيانه عاار !! .... لقيتك فجأه مع غيري ولا كنك تعرفيني!!

و شوفي ماني متحسّف ولكن افهمي ماصار ! .... ابي لا قلتي ماحبك !!! فعلا لا تحبيني


================
لشاعرها : [ عـــمــهـــوج ]

تحياتي

[admin]

قصيده رائعه اخوي عمهوج وصح لسانك واحب ارحب فيك معنا في هذا المنتدى اللي يسعدنا انضمامك له بإنتظار مشاركاتك دائما


وسوف نقوم بنقل هذي القصيده الي ديوان صدي المشاعر اللي يختص بقصائد الاعضاء

والف تحيه

[knzan]

صح لسانك .قصيده حلوه وفكرتها احلا .لاتبخل علينا عموهج دامك شاعر بقصايدك

[راشد الذويب]

صح لسانك ودام عزك ياعمهوج

امتعتنا بهذه الرائعه في كلماتها والعظيمه في معانيها

فشكراً لك من الاعماق

تقبل تحياتي

[عمهوج]

يامرحبا يامرحباااااااا

صح ابداااااااانكم جميعاً

شاكرلكم مروركم

[الساهر]

الصراحه مافيهاااااااا كلاااااااام القصيده

وصح لساااااااااااااااانك عمهوج والله القصيده طالعه من قلب

كلمااااااااتها فوق الروعه

اتمنى اني اعرف وزن القصيد عشان أعجب الجميع

ماعليه مافيه واحد طلع على الدنيا متعلم


لاهنت وننتظر منك المزيد

تقبل تحياتي اخوك


الساهر

[عمهوج]

صح بدنك يالسااااااااااهر

ولاهنت على مرورك

وزن القصيده بعطيك اياه بس بيني وبينك

احم احم بالعربي ابيك بسالفه

تحياااااااتي للجميييييييييع

عمهوووووووج

[تركي]

السلام عليكم..

كلمات رائعه من شاعر اروع جزله من راس جزل والله لايهينك على القصيد الطيب ولاتحرمنا من ابداعك.


تحياتي اخوك تركي

[عمهوج]

وعليكم السلام اخوي تركي

أبشروا بالخير جميعاً

كل شياً جديد بحطه اهنا ماني اباخل عليكم بشي نفداااااك

ولاهنت على مرورك يالذيب

تحياتي

عمهووووووج