اخوان لجعة

[فهد العجمي الخفجي]

بسم الله الرحمن الرحيم
قصيده جزله للشاعر فهيد بن علوش بن عايد العجمي
في الشيخ / خالد بن مشعل بن حثلين
ويقول ابو علوش :



يقول منهو يسبح البحر ويعوم
ولا فيه غبه في البحر ما سبحها
مايمدح الا كل طيب وشغموم
ولا الرخوم تموت ماحد(ن) مدحها
وليا مدحت امدح مطاليق وقروم
وفي مدحهم نفسي تزايد فرحها
والمدح للي دايم(ن) ينطح القوم
واليا اقبلت خيل المغازي نطحها
جدانه اللي ضدوا الترك والروم
وفعالهم كل(ن) بعينه شبحها
لاقيل منهو قلت من يبعد الحوم
حر(ن) اليا شاف الحباري طرحها
شيخ(ن) ولد شيخ(ن) على الطيب مفطوم
كبد(ن) يداويها و كبد(ن) جرحها
راعي الشداد اللي له العلم لليوم
شيخ(ن) بطيبه بعض الأسماء فضحها
ماهيب شيخة كبر وفلوس وختوم
من روس جدانه خذاها و ربحها
خالد ولد مشعل عسى عمره يدوم
وعسى حياته ما يقابل ترحها
شيخ(ن) على درب المراجل له عزوم
واليا حضر نصف الأسماء مسحها
كريم سبلا يذبح الحيل والكوم
كم حايل(ن) للضيف قام وذبحها
هو فزعة العجمي اليا جاه مضيوم
لاكبرت القالات خالد نطحها
اللي اليا جيته معزز ومحشوم
ويميز العالم ليامن لمحها
مادام خالد حي ماني بمهموم
كم سكروا قدمي دروب وفتحها
عساه يبطي حي ويعيش ويدوم
اللي عن الزلات رجلي سنحها
وان مامدحت اخوان لجعه ذرا القوم
الناس مالي حاجة(ن) في وبحها