السلام عليكم ورحمة الله وبركاته
بصراحه وبعاميه وبلهجه بدويه مافيها اي شي هذي المواقعه حدثت معاي انا
بعد ان طلع شعراء فاشلين!! بس مو الكل في منهم الزين وشين واللى يطبل ويلعب على الحبلين
كانت لي مشاركات في بعض من المجلات المعروفه بسمي الحقيقي قال لي واحد من الربع يافلان غيرك مو احسن منك وبصراحه كنت مشغول في امور كثيره يعرفها كل واحد ساكن الكويت يعني
(الدوام.البيت وغيره من الاموار) بس من فضية قلت خلاص مو صلبي وغيره احسن مني بروح
وبصدفه لتقيت بشاعر معروف (حسين الرويلي) هذا الشاعر اعرفه مايجامل ويعطيها بصراحه ولا يعرف يطبل مثل فلان وفلانتان من باقي اللى طلعو ولا عرفنا من شعرهم شي غير المهايط الصليب
وعوير والسوالف وبوق.. قالي يافلان شعرك اشبه بشعر... ليش ماتنزل اول تطلع قلت له ياحسين قولي حق منو اروح قالي عبدالله الفلاح ورحت حق عبدالله الفلاح(عبيط الشعر)
ودخلت عليه وقلت له انا فلان ابن فلان قالي ياهلا (من غير نفس تر)قالت له بالمثل قالي امر
قلت له عندي قصيده ودي وبخاطري انشره قال موجوده معاك قلت اي نعم قالي خلني اشوفه وقراها
عطيته القصيده والله والله والله قعد يقراء القصيده يمكن عشرا مرات او اكثر وبعدين قالي وبكل وقاحه مثل وجهى(لعنبو دارك معجون الاسنان برخص التراب ضبط اسنانك)قال اهو يعني فاهم!!. مادري قاعد قدام الامير (فهد بن حثلين)
قال لي شعرك هذا مايصلح حق النشر قلت له ليش ياخي زين عندي غيرها وعطيته غيرها من القصايد اللى اكثر من عشره والله رد علي ياخي اسلوبك بدوي بحت قلت له افتخر بهذا الشي
وبعدين كل قصايدك مكسوره يالعجمي
قلت له اوكي وفي بالي اقول الله بالاني (بخبل)مايعرف شي زين يعرف يدل بيتهم
لمهم وبعد فتره داعني الله يرحمه الامير وقوله ومازال الامير طلال الرشيد وبتوصيه من مبارك ابن درجان العجمي الله يرحمه ومهدي العجمي الى الرياض وبعدها مقناص الى مورتانيا مع حمد السعيد الشاعر الجهراوي ولبيت الدعوه وفي المقناص عطيت الامير المغفور له القصيده وقالي يافلان وبدون مجامله شنو الروعه وشنو هالاحساس وشنو المدى وبعد قلتها وبكل صراحه اعجبتك او مجامله
والله والله واالله وانا مستعد اني اوريكم توقيع الامير طلال الرشيد على ظهر القصيده
والله يافلان يمكن اوصل يوم حق خيالك هذا اللى كتبت فيه القصيده وصعب قلت له ممكن طلب طال عمرك قالي امرى يابو رسمان قلت له ابيك توقع على القصيده من وراء قال لي بس حاضر وشوف العدد الجاي بنزله وصورة القصيه بعد رجوعي من المقناص ولم نزلت الرياض اصدقت معاي اني التقي بمنو بامير الشعر الخليجي خلف بن هذال مااعتقد فوقه شي بعد واهو اثنا على القيصده والمصيبه اني بعد وقعتها من الشاعر حمد السعيد غزاي شبيب المطيري وذيب الشمري وطلال السعيد لين وصلت حق 14 شاعر معروفين ورجعت حق (الخبل)عبدالله الفلاح وقلت له ابيك تنشرها ورد علي ياخي والله والله والله قصيدتك مكسوره...
طبعن انا معطيه نسخه ثانيه ولم عطيته الاصل وتواقيع انصدم تتوقعون شنو رد على
(الخبل) وبكل صراحه وانا مستعد أواجها قال ياخي انا مفروض على ناس وانا مو المعد الاصلي ترا في غيري لا ياخبل وانت وين والقصيد وين ياعبدلله انت مفروض اسرحك بدجاج ولم قلت له هالكلام زعل مادري ليش يزعل الانسان التافه لم احد يقوله الحقيقه ..........علىالعموم اتمنا اني مازدت
بالكلام وانا مستعد تحمل كل الاشياء اللى ذكرتها عن المنتدى وهذي حقيقه والحقيقه لابد لها من الضهور
يالله دخليك كلها شالت الرماح
حتى البزر قام يتخمش رسنها
مات الحيا والمراجل دمها ساح
وكلن اعلن عن سوء نيه دافنها
دامه زمن حيه وعقرب وتمساح
خل الاسواد تنام ترا مو زمانها
ماعلي لو زاد عبدلله بنباح
المراجل لو ضاعت ايدي وطنها
تقبلو فائق الاحترام وتقدير
25-04-2005, 03:22 AM
العرض العادي
