مــــعـــقـــول

[بخيتان اليامي]

أتمنـى أن تنال رضاكم وقبولكم جميعا وهذا هو ما أريده،

معقول خلٍ راح ما هو على البال = ومعقول حبٍ صار ما بيننا أنداس

ومعقول في الهجران أبقى على آمال = ما دمت أنا عارف نهاية هل الياس!

لا والذي يرعاه من حيث ما زال = ما شوف أنا غيره حبيبٍ من الناس

ولا ملى عيني من الأرض مثقال = كيف النظر يطلع من عيون عماس؟

يكفيه فخر أنّه تحكم برجال = يا شينها نظرات شامت وبّلاس

توي عرفت البعد وشلون يغتال = وعرفت في وقته مفاهيم الافلاس

أشرب هماج الماء وأقول أنّه أزلال = ياويل حالي . كيف ما عندي أحساس؟

أشتقت له شوق البدو لترحّال = ينوون بّراق سرى له تقباس

وأشتقت له شوق تمكن من الحال = سيطر على جسمي نفض فروّت الرأس

[اطياف الماضي]

الله الله يابخيتان صح لسانك

ابيات رائعة وجميلة

في انتظار القادم

تحيتي لك

[ذهب]

الـــلـه علـــيك ياليـامي
أبيات رائــــــــعه في إنــتــظار جديدك........

[صـــمتا]

ماشاءالله عليك ..

صح لسانك على الابيات وكلمات جميله

ماشاءالله كل كلمه تنطق بروعه ...

رائعه بالفعل يا بخيتان اليامي

[الفـارس]

صح اللسانك ولاهنت يا شاعر والله كلمات حلوة

[فيصل بن حجرف]

صح لسانك اخي القدير بخيتان
قصيدة رائعه وكلمات جميلة من شاعر اروع
لك كل الشكر اخي القدير

[عـزام]

الابداع

والجزااااااااااله

بخيتان اليامى

ارررررررررررررحب وصح الله لساااااااااااااانك يالقرم

[السنـــــافية]

صح لسانك

ولاهنت على القصيده الحلوه

[بخيتان اليامي]

اطياف الماضي

صح الله بدنك.

وروعتها وجمالها في مرورك يا اطياف الماضي.

تحياتي وتقديري لك،

أخوك

[بخيتان اليامي]

عجميه ملسوونه،

أشكرك على أطرائك.

روعتها في مرورك وتعليقك.

تحياتي وتقديري،

أخوك