العسل ما ينخلط يا ولد مع سم حيّه

[الذآهبه]

يحسب أنه لا نظرني بتأسرني عيــونـه
مادرى أني في عـيوني أذل أهــــله وحيًه

يحسب أنه لاضحـك لي بتغريني سـنونـه
أدري ان ضحكته من خلفها ملـيون نيــًه

يحسب أنه كل ما اقفى وودعنــي بهـونـه
هقوته لغاب ماني على الفرقا قويًـه

قال:أنا ولد قبايل ولازم تحــشــمونه!!
قلت: أنا بنت الاصل والعروق التغلبيّه

قال: انا ذيبٍ ذياب الفلا ما يقدرونه
قلت: له منك العفو طيب في هاذي الخطيّه

قال: تكفين أرتجي منك اي كلمه حنـونه
فوق قلبي لا تزيــدين فوق الكي كيـًه

قلت: له ترا النصيحه لمن مثلك مهونه
العسل ما ينخلط يا ولد مع سم حيّه

الزمان الي صدوفه على قلبي طعونه
ولا تجدد ماضيٍ راح وجروحه نديّه

قالت: أمي يضحك الليث ولا تغرس سنونه
الحياه الي على العز خير مّن المنيّه

فيه رجل يخاف وعرضه من العالم يصونه
وفيه رجلٍ في دروب الردى له نار حيّه

وأنتهى الكلام واللي في صدري تعرفونه
وطحت ولا عاد اتحمل وانا ضلوعي قويّه

و المودآع خير ونفوسنا وما يشتهونه
قبل لا تجزي من عاملك بالحسن.. سيّه


بنــت الأخــيــل

[●• Ŝђǿǿq •●]

اللًه
أبيآت رآئعه
صح لسآنكً وتِسلم يمينكً ..~

[ركز معي يا حظ !]

راقت لي ...


سلمت الايادي يالذااااهبه ...

[الذآهبه]

صح الله بدنتس ياشووق
لاعدمت هالمرور فديتس

[الذآهبه]

ركز معي ياحظ

الله يسلمك
ودآم لنا هالتوآجد

[المنفرد]

صح الله رسانش

قصيده في منتهاء الروعه

جوها موهيا للمتلقي

حبرها يزهو برقه

طرح يعكس الرقي

حظورها يعبر عن رزانتها

سلمت اناملش الذهبيه

[الذآهبه]

المنفرد
صح الله بدنك يالنشمي
لاهنت على هالمرور الطيب
عسى يطيب فالك


,,

[العــــديم]

قال:أنا ولد قبايل ولازم تحــشــمونه!!
قلت: أنا بنت الاصل والعروق التغلبيّه


ونعم يالتغلبيه
صح الله لسآنش
ابدعتي



الشطر الأخير من القصيده غير موزون
وهذا لايفقد القصيده روعتها

[الذآهبه]

نعم حالك
وصح الله بدنك يالعديم
وجاري مراجعة الشطر

لاعدمت التوآجد

[محمد بن منصور]

السلام عليكم ورحمة الله وبركاته

صح لسانش.

شئ جميل يجتمع الجنسين في محاورة جميلة..