هموم القلب

[علي الرطام]

دوت هموم بوسط القلب تكويني &&
سامرتها لين نور الصبح عديته
سجيت معها وهي عيت تخليني &&
وزادت على الجرح لين الجرح ونيته
مرت بطيف الهنوف اللي تسليني &&
ورحب بها خافقي والطيف لبيته
لاجيت بأسلى طواريها توعيني &&
ويعيش غصنٍ بصافي الشوق غذيته
هي اللذي حبها وسط الشراييني &&
واللي على شانها الدمع هليته
هي جرح كبدي وهي اللي تشافيني &&
أسقتني سم الغلا وانا ترويته
طال الفراق وليال البعد تشقيني &&
والحزن في خاطري والقلب عنيته
كرهت جور الزمان اللي مخاويني &&
اللي إبتلاني بليا ذنب سويته
الله ياماضي مابينه وبيني
يوم اجمل العمر كله معه قضيته
انا رجاوي الليال اللي تشاليني &&
تعوضني في وصل منهو تمنيته

[العــــديم]

صح لساني
لأن القصيده لي


لاهنت ابن الرطام

[●• Ŝђǿǿq •●]

الله الله العـديم
صح لسآنك وعلآ شآآآنك
:
:
ألف شكر ابن الرطآم ع نقل القصيدهـ الجميله ..~

[ابو سالم الدويخ]

صح لسانك يبو سعد

ولا هنت ع النقل

[المنفرد]

لله دررك على هالنقل الطيب

[خالد بن نفل]

صح لسانگ العديم ولسان ابن الرطام
جزله من جزل

[الهنــــــــــوف]

ابن الرطــــــــام ... العديــــــم

كلمات في منتهى الروعة .. تعبر عن ما بداخل القلب
من مشاعر خفية .. ممزوجه بشفافية متناهية لأبعد الحدود

الف شكر لشاعرنا المبدع العديم ونتمنى المزيد دوما
تحياتي لابن الرطام او بالاصح ( نافخ المسك ) هكذا افضل
عطرتنا بكل تأكيد ..

دمتم بود

[*ابوخالد*]

صح السانك والسان شاعرها