قصيده مدح (الي تعجبه بعتبرها اهداء مني له)

[غلا البدوان]

لا صار كلن يفتخر في خويه ××× محزم ظفر لاحدته سود الأيام

ينخاه لا ضاقت عليه البريه ××× ماعنده الا كلمة ابشر وقدام

لي صاحب ٍ بهالوقت ماشفت زيه ××× تعجز توفيه القصايد والأقلام

فيه الشجاعه والكرم والحميه ××× وفيه الوفاء والطيب فارس ومقدام

ابو فرج لا صارت المهمهيه ××× جيته وحقق لي صعيبات الأحلام

ياجعل تفداه النفوس الرديه ××× انا اشهد ان خوته في صدري وسام

له الغلا والطيب والمقدريه ××× وترفع له البيضا على روس الأعلام

والله لو ان الموت علمه بيديه ××× لأبعد عنه بس للموت عللام

من رآس عوداً مايهاب المنيه ××× وربعه على الشده طحاطيح وحزام

ظفران يشهد فعلنا بالوفيه ××× وقت الجهل والا على عهد الأسلام

هذي حروف الشعر مني هديه ××× تبقى الشهاده دايمه طول الأيام

وأقبل سلامي والوفآ والتحيه ××× من صاحب ٍ يغليك عام ٍ بعد عام

يالله عسى دايم حياتك هنيه ××× ويكفيك ربي عين حاسد ونمام

[{إنـسـآنـة}]

صح لساانك ،،
تقبلي مروري ،،

[الاصيله]

صح لسانك

ويستااهل من هي له


لاهنت

[الهنــــــــــوف]

صح لسانك ولسان من قالهاا خوش قصيدة يالغاليه .. تقبلي مروري المتواضع

[نصير الطاحوس]

لاهنتي عالموضوع

[جـاركـ الله..!]

صح السان شاعرهاا ولاهنتي علي النقل

تحيااتي ,,

[*ابوخالد*]

صح السانك والسان شاعرها

ولاهنت على النقل الرائع

[خالد بن نفل]

صح لسان شاعرها ولسان ناقلها
ولاهنتي على الذوق الرائع
وتحياتي لش