الله يسامح حبيبي

ااطلالل البيلسان · #1 20-06-2011, 04:44 PM

الله يسامح حبيبي لو تعمد زلته=يوم يدفن بالظنون أحلامنا وسط القبور
دعوتي له بالتوافيق إبقايا رحلته=والهجر وان زاد كيه يخمده زفر الصدور
والوفا وان كان عابر فاعتبرني مارسمته=وان بخلت بقول أحبك فاعذريني عالقصور
كم تحملت الغياب وكم من عيوني ذرفته=دمع ونات الليالي لين أبكيت الصخور
وكم صرخت آهات من ضيم الغياب ولا فضحته=ارفقي وإلا ارحميني وقفي صك الكسور
وكم تناسى في وعودي كم وأنا ياكم عذرته=وكم على حر الهجوس أصبر وجوفي به يفور
من غلاك إحساس صادق بالمشاعر لك بذرته=ألين بستان المشاعر فاح عطره بالزهور
والله وربي حلمتك شي ماعمري حلمته=وأنزرعتي بالخفوق وبالشعور ولا ششعور
وفي دقايق ياحسافة مات كل اللي زرعته=يبست عروقه وجفت من حواليه العطور
من غير ماتسمع جوابي قلتي هذا اللي حصدته=بالكلام الحب ماضي وبالفعل قطع الجسور
أستبحتي بالحكم قطع الوصال ولا استبحته=أستحليتي الخناجر تذبح أنفاس النحور
أستصغتيها نهاية وأنا حبك مارخصته=والطبيعي بالمعرفة كل مكبوت بيثور
ليه وأنتي اللي وقفتي جرحي اللي كم نزفته=ليه وأنتي اللي نشلني من وجع غدر البحور
ليه وأنتي اللي احتضني بالوفا وأنا احتضنته=ماتريثتي ثواني لين تقرين السطور
ليه مابيحتي سدك والشحوب بظرف وقته=ماسألت إنسان عنك وأنا من طبعي صبور
ليه فتحتي عيوني عالطريق اللي قفلته=وقبل مارحل أوعديني لايصيب القلب جور
واعذريني حان وقتي وسامحي باللي قرفته=من خطا ياجعل حظك من سرور في سرور

العــــديم · #2 20-06-2011, 04:57 PM

أستبحتي بالحكم قطـع الوصـال ولا استبحتـه
أستحليتـي الخناجـر تذبـح أنفـاس النحـور
أستصغتيهـا نهايـة وأنـا حبـك مارخصتـه
والطبيعـي بالمعرفـة كـل مكبـوت بيـثـور

صح لساانك
إحساس راقي وكلمات عذبه

دام إبداعك