بنت حر والاحرار لها عوايد ^^ منزل الحقران أشوم لا دنيته ..

[قبلةالعجمان]

ابشر ابشر ماعلى هالراس كايد =من طلع رجم المفارق ما دعيته
بنت حر والاحرار لها عوايد =منزل الحقران اشوم لا دنيته
ما على المقفي من المنقود عايد =من بغى يقفى ... يقفي ما نهيته
والله ان ما يلحقه مني نقايد =ينتهي ليل المفارق ما سريته
هيـــــه ياللي تحسب ان " وصلك " وقايد = جمر وصلك من عرفتك ما دفيته
صدت .. لكن للاسف وش انت صايد = دسم الشارب بصيدك لا خذيته
شرهتي ما اسوقها لانسان نايد =" وبرجي العاجي " تموت وما رقيته
الردي ما ينصى وقت الشدايد = والسنافي ما يقفل باب بيته
قلت لك مليووووون مرة يا مزايد =تبطي وجيبي عشانك ما فريته
إنتبه ... وان طعتني خلك محايد =الثمر ما هو لك ياللي رميته
لا تظنك بالرجاجيل الفرايد= شفت فيك الرجل لكن ما رأيته
يكفي ان راس مالك في القصايد =لجل عيني كل طاروق بنيته
والا انا لبستك الشهره قلايد =وضوءك اللي تلبسه مني خذيته
آآآه يا لبا اللي يسوي بدايد =شخص واحد بس هو اللي فديييييييته
اطوي ما ضينا مثل طي الجرايد = واعتبر ما صار حادث ما قريته
استرح والله بتكبير الوسايد = والله والله .... كل من قفى نسيـــــــــته

وسلااااااامتكم وتعيشوووون ..

[العماني]

صح لسانك يا قبلة العجمان بس ما خبرتينا منهو الشاعر ، ولا هاذي من كتاباتك.؟

تقبلي تحياتي،،

[قبلةالعجمان]

العماني



صح بدنك ...

لاهنت على المرور الكريم .....


بالنسبه لكتاباتي حقوق الطبع محفوظة ...

يمكن افاجئكم بديوان صوتي

[العماني]

انتي ما فهمتي قصدي

القصيدة لك ولا لشاعر آخر؟؟

[قبلةالعجمان]

اخوي ....



شنو المهم في الموضوع ...؟؟؟


لو انها لي كان لقيتها في " صدى المشاعر "




ولاهنت على المرور مرة ثااااااااانيه

[العماني]

هذا هو المقصود يوم اني سألتك.عشان لوها لك نقلتها ديوان صدى المشاعر.

مشكورة على سعة صدرك.

تقبلي تحياتي،،

[عيد بن شدقان]

الردي مـا ينصـى وقـت الشدايـد
والسنافـي مـا يقفـل بـاب بيتـه
الله الله الله
قبلة العجمان
اختيااااااااار راااااااااااااائع
صح السانش والسان شاعرتها
والله اني قريتها اربع مرات
تسلم يمناش على النقل الراااااااااااااائع

[قبلةالعجمان]

العفو ولو ...

[قبلةالعجمان]

ذياب



صح بدنك ....


ولاهنت على المرور الكريــــم ...

[محمد أبو زيد]

اطوي ما ضينا مثل طـي الجرايـد
واعتبر ما صار حـادث مـا قريتـه
استـرح والله بتكبـيـر الوسـايـد
والله والله .... كل من قفى نسيتـه


الله الله

هذي والله اللي نسته صدق


قبلة العجمان صح السانك