((الناس ما يعرفونك بس يقرونــــك**لانك خلاصة غلاي بداخل اوراقي ))

[سري للغايه]

اشراقت الشمس عكس اشراقت اعيونك
لا سلهمت (ف)الغرام وهزت اشواقي




يامتعب احساس ناسً ما يشوفنك
الا اذا فتشو في داخل اعماقي




الناس ما يعرفونك بس يقرونــــك
لانك خلاصة غلاي بداخل اوراقي




يدور في راسك اني يوم بخونك
ارتاح لا تنشغل في طاري افراقي




اجنوني المنطقي يستوعب اجنونك
وغلاك رغم الضروف المتعبه باقي




هذا غلاك انت ذا طعمك وذا لونك
تملى عيوني وتملى كل خفاقي




الناس لا حاولو فيني يغيضونك
اسرح ولا تنتبه يا سيد عشاقي




لا تلتفت للــــــكلام ولا يهمــــونك
سعادتك ضحكتي وازعاجك ارهاقي




تعيش في داخلي واحس بطعونك
اموت في شوفتك واتموت بعناقي




تدري وش السر بحضوري يطرونك
يسعون في ضيقتي و ازيد باخلاقي




من كثر ماني خايف لا يعــرفونك
اسكت مع ان الكلام يزيد باحراقي




جهات الاشواق صعب اتخيب اضنونك
شمس الوفاء من عيونك تعلن اشراقي




واصلتني بالغرام وهاضت اشجونك
وانا عن امواصلك ما تنثني ساقي




اجمع شرايين قلبي واعزف الحونك
مادام حبك يعيش بمسوتى راقي




لا صرت تسكن بقلبي ما يطولونك
ازرعلك الشوق واحساسي لك الساقي




اقول لك شي اضحك لا يهمونك
لا صرت كاسب وفاي وعهد ميثاقي

للاستماع

[راعي الشاص]

اجنوني المنطقي يستوعب اجنونك
وغلاك رغم الضروف المتعبه باقي

رووووعه ... جاز لي ذا البيت ,,
صح لسانك ولسان شاعرها ..
بانتظار جديدك يالغالي

[سري للغايه]

المشاركة الأصلية كتبت بواسطة راعي الشاص

اجنوني المنطقي يستوعب اجنونك
وغلاك رغم الضروف المتعبه باقي

رووووعه ... جاز لي ذا البيت ,,
صح لسانك ولسان شاعرها ..
بانتظار جديدك يالغالي

صح ابدنك
كل الشكر لك على مرورك

[مطلق الخالدي]

صح لسانك ولسان شاعرها
ولاهنت ع النقل الرائع
تحياتي,,