لا شـمـوخ وكبـريـاء وأنــف يـرقـى للـسـنـود .... لا يطوفك ابدااااع ..!!!!

[جـاركـ الله..!]

بسم الله الرحمن الرحيم

السلام عليكم ورحمة الله وبركاته

صباااحكم ورررد.

حبيت أنقل لكم واحدة من أجمل قصائد الشاعر المبدع/ ياسر التويجري :

لا شـمـوخ وكبـريـاء وأنــف يـرقـى للـسـنـود
والقضيـه أكبـر أكبـر مـن شمـوخـي وإدِبــي

للجهـالـه إيــه والله فــزت فــي كــل البـنـود
والغـبـاء لـكـل شـخـص ٍ مايـقّـر إنــي غـبـي

أستبّـد وكـنـي الـلـي ماخـلـق مثـلـه إســود
لين داور هالزمـان وقـص خشمـي وشنبـي

إيـه راحــت وتركتـنـي ويمـكـن إنــه ماتـعـود
وداسـت برجلـه لعانـه وجـه قلـبـي وأهـبـي

وكرّمتنـي فـوق نزفـي وشكرتـنـي للجـهـود
وقـالـت إنــت وبإحتـقـار ودق كـفّـه منكـبـي

من تكون ومن أكون وطول عمرك لـو تسـود
ماربطـنـي مــع شتـاتـك إلا يمـكـن مذهـبـي

حمّلتني فوق وسعي وأكبـر حلولـي صمـود
والصمـود لغيـر مـوقـف مـثـل هــذا مطلـبـي

وطحت كني في مكاني شـي تافـه مايكـود
حـتــى أرض ٍ إحتـوتـنـي ماتـحـفّـت بـركـبـي

كني اللي حاصل ٍ لـه دعـوة ٍ مـن قلـب عـود
وافقـت لـه إستجابـه وإسـتـوى لــه مايـبـي

وش عليهـا يـوم راحــت وتركتـنـي للـشـرود
وشبّـت النـار بيديـنـي وإستعـانـت بحطـبـي

وش عليـهـا يــوم ســوّت إحتـفـالات الهـنـود
ورسمت رمز الضحيـه فـوق عينـي وهدبـي

وشكّلـت قلـبـي طـبـول وقدّمتـهـا للحـشـود
وإستعانـت فـي حلاهـا وإستقالـت منصبـي

وإستلـذّت صـوت قلبـي لا تعـلاّ صــوت عــود
وإستـغـلّـت كـــل درب ٍ يـــم رومـــا وتـعـبـي

ليت وقت ٍ قد مضى لي قبل حرمان الصدود
يغدي الـدرب ويجينـي أو أجـي لـه لـو حبـي

يوم فوحي من غلاها ريح مسـك وريـح عـود
وإن سكت لغير قصدي قالـت آمـر وش تبـي

تنقـهـر عبـلـه عليـهـا وســط طـيّـات العـقـود
وأقهر العبسي بحب ٍ دون سيـف ومشعبـي

لامشتني مع دروبي وأصعب دروبي حسـود
كن قلبه قلب ذيب ٍ وسط جـوف ٍ فـي ضبـي

ترسـم بـريـده بكـفـي مالـهـا حـكـم وحــدود
وأنـثـر الطـايـف عليـهـا بالقـصـيـد المـغـربـي

كرّهتنـي فــي حيـاتـي وأنكرتـنـي للجـحـود
يـوم فـازت فـي ضياعـي وإستملّـت ملعبـي

إرجعي لي لو سمحتي إرجعي لـي يالعنـود
دام قلبي يوم رحتـي فـي ضلوعـي مختبـي

مايفـيـد الـحــال بـعــدك لانـيــاف ولا خـلــود
وش يسوّي كل مكسب دامك أنتي مكسبي

إذبحيني لو بغيتـي وإلغـي إسمـي بالوجـود
وإكتبينـي تحـت عطفـك دام بـيـدك مخلـبـي

وكـان خفتـي مـن خيـانـه قيّديـنـي بالقـيـود
وعقّدي لي تحـت نملـه وسـط غـار ٍ مرعبـي

ماعـلـيّ مــن المـلامـه والاهـانـه لــو تـــزود
والـرجـولــه مانـبـيـهـا لا نـويــتــي تـقــربــي

واجـد اللـي يحسبـون الحـب تفتـيـل الـزنـود
ظافـريـن وكــل واحــد بـنـت قلـبـه تنسـبـي

الدعايـه دبلجتهـم مـن شـمـوخ وبـيـت جــود
فـي بحـور ٍ لـو تبعـتـه كــان يـغـرق مركـبـي

ماعلينـا إرجعـي لـي لـو سمحـتـي يالعـنـود
دامك أنتي أكبـر أكبـر مـن شموخـي وإدِبـي

وصدّقيني لـو يحـول الوقـت دونـك بالسـدود
ما أنكر إنك يـوم رحتـي طحـت واثـق بركبـي
للمزيد من مواضيعي

ارجو ان تنال اعجاب الجميع .
معى خالص تحياتي لكم :هادي العجمي

[حكاياغيـــم]

صح لسان ياسرالتويجري

رااائعهـولاهنت يعطيك

العافيه

ووودي لك {


،،

[مطلق الخالدي]

صح لسانك ولسان شاعرها
ولاهنت ع النقل الرائع
تحياتي,,

[جـاركـ الله..!]

لاهنتو علي مروركم اللى منور صفحتي

[نايف العز]

صح لسانك

تحياتي

[جـاركـ الله..!]

صح ابدنك يانايف ولاهنت علي مرورك العطاار

[عبد الله العظيمان]

صح لسانك ولسان شاعرها
ولاهنت ع النقل الرائع
تحياتي,,

[جـاركـ الله..!]

ارررحب يا عبدالله ولاهنت علي مرورك اللى نور صفحتي