انساااااااني

[محمد ضرمان الشولاني]

مساكم وصبحكم الله بالخير جميعا

اعتذر منكم يالغالين عن الانقطاع الا إرادي والذي حصل لظروف صعبة وأسأل الله فيها التساهيل.

واترككم مع هذه القصيدة

ياللي جفيت الغلا بالماضي انساني=وانسى خفوقن تعلّق في رجى ودّك
ما عاد ينفع تعيد الماضي الفاني=ما دام دربك وطيته في دجى صدّك
اتصد عني تبي لا جيت تلقاني؟=غلطان يا مقفي الخطوات في عدّك
مديت لك ثوب عزّن يرفع الشاني=واخترت ثوبن يناسب قدرك وقدّك
هذا خيارك بغيته في رجى ثاني=يومني ابغي وصالك في رجى لدّك
عنيت نفسك وقلبي فيك عناني=وش عاد تنفع دموعن سيلها خدّك
إمسح دموعك بيدن طعنها جاني=وتشوف قطرات دمي من طعن يدّك
لعبت في صدق حبي لعب ورعاني=وخلطت بالحب مزحك في هوى جدّك
اسأل ليال الحزن والشعر والحاني=وبيبان بيتك قبل ما تعزم بشدّك
سلمت قلبي وفكري لك ووجداني=وجازيت مدّي وبذلي شح في مدّك
وارخصت في سوق حبك كل خلاني=واصبحت في غدر بيعك خصمك وندّك
وحفظت سدّك ولا بيّح به الساني=وبيحت بلسان جهلك سرّك وسدّك
من قبل صدّك بغيتك شوق ولهاني=واليوم ردّي على جيّتْك لي ردّك
لا عاد تطري رجوعك لي وترجاني=خلّك تذوق العنى في يومك وغدّك

وسلامتكم،،،

[سلطان ال شريد]

الشـآعـر: مـح ـمد ضرمان الشوؤلاني . . . .



مرررحبـآ ومسسهـلآإ . . . . .




عنـيـت نفـسـك وقلـبـي فـيـك عنـانـي
وش عـاد تنفـع دموعـن سيلهـا خـدّك
إمسـح دموعـك بـيـدن طعنـهـا جـانـي
وتشوف قطرات دمـي مـن طعـن يـدّك
لعبت فـي صـدق حبـي لعـب ورعانـي
وخلطت بالحب مزحك في هـوى جـدّك
اسـأل ليـال الحـزن والشعـر والحانـي
وبيبـان بيتـك قبـل مــا تـعـزم بـشـدّك
سلمـت قلبـي وفكـري لــك ووجـدانـي
وجازيت مـدّي وبذلـي شـح فـي مـدّك





لله دركـ يآإشـيـخ ...//!


ابـدآإع فـي ابـدآإع ..//!


ولآهؤو غريـب عـلـيـك //!



لاعآإد تغيب عننا في الابدآإع





تقبل مروؤوري ...



فـي انتظآإر جديدكـ

[خالد بن رمثان]

عنـيـت نفـسـك وقلـبـي فـيـك عنـانـي
وش عـاد تنفـع دموعـن سيلهـا خـدّك
إمسـح دموعـك بـيـدن طعنـهـا جـانـي
وتشوف قطرات دمـي مـن طعـن يـدّك



أرحب يا بو راكان

صح لسانك على ذالجزله

أبطيت علينا ما عاد شفناك

فإنتظار جيدك هنا ..

[محمد ضرمان الشولاني]

الاخ العزيز والشاعر القدير
سلطان ال شريد

ارحب تراحيب المطر ودان

لا هنت طال عمرك على المرور الجزل والاشادة الوافية يالذيب

واسعدني جدا مرورك يالذيب

فلك شكري وتقديري،،،

[محمد ضرمان الشولاني]

الاخ العزيز والشاعر القدير خالد بن رمثان

تبقى طال عمرك تبقى

صح بدنك ولا هنت طال عمرك على المرور والاشادة يالذيب

ولا تفقد الا اللي يغليك

ان شاء الله انه اخر الغياب

فلك شكري وتقديري،،،