حل البنشر في البر

[فالح بن ناصر]

بسم الله الرحمن الرحيم


السلام عليكم ورحمة الله وبركاته


واسعد الله اوقاتكم بكل خير


بما أن الكثير منا يطلع للبر وربما يقضي اياما وليالي وهو في البر اتيت اليكم بهذا الموضوع الذي ستجدون فيه الفائدة باذن الله
وربما قد يكون تطرق له احد من قبلي بشكل او بآخر لذلك اقدم اعتذاري له مقدما


نبدأ


كثيرة هي الاعطال التي تحصل معنا في السيارة ومن هذه الاعطال البنشر


وابسط انواع البنشر التنسيم(نقص الهواء او خروجه بالكامل )عن طريق الابرة مع ان الاطار واللستك سليمين


تخيل انها حدثت معك وانت في البر فماذا تفعل؟


لديك حلين:


الاول تقوم بتعبئتها بالماطور


فاذا تعذر الحل الاول يعني الماطور خربان او انك ناسيه
اكيد تنتقل للحل الثاني


وهو تركيب الاسبير
لكن اذا وجدت الاسبير مبنشر او مامعك بالاساس
او انك ماقدرت تفكها بسبب الغبار والاتربة حاصة السيارات اللي استبنتها تحت


فماهو الحل؟


↓



↓




↓



الحل بسيط


↓



↓



↓



↓




تحتاج الى لي لا يتجاوز طولة 3 أو 4 امتار


مركب في طرفيه راسين كما في الصورة





خله معك دايم اكيد تبي تحتاج له


وان شاء الله تبي تدعي لي









طيب كيف نستخدمه


اول شئ نضرب مثال للتوضيح /


انت حاط الهواء في الكفرات عشرين


نسمت معك احدى الكفرات وبقي عندك ثلاث كفرات فيها 20


تقوم بسحب خمسة من كل كفر وتحطها بالكفر المنسم


يبقى في كل كفر 15(20-5=15)


يصبح بالكفر المنسم 15(5+5+5=15)


اصبحت الان كل الكفرات متساوية 15


طريقة سحب الهواء نضع احد الرؤوس في الكفر المنسم والراس الثاني في الكفر السليم


كما في الصورتين







الان تقدر تدق سلف وتروح اما لاقرب ورشة او انك تروح لاقرب طريق ويرزقك الله بواحد معه ماطور وينفخ لك كفراتك


او على الاقل تقدر تاصل مكان فيه شبكة وتكلم خوياك او ...الخ


الوكاد انه احسن من مقابلتك لسيارتك وهي مبنشرة وماحولك ولاحواليك




وفي الختام ان شاء الله تكون الفكرة وصلت




منقول من الايميل

[ALAJMI]

بيض الله وجهك خوش طريقه بس وين يتعين ذاللي

[فيصل ال رشيد]

يعطيك العافيه

[فالح بن ناصر]

لا هنتوا جميع على حضوركم

[حمد بن فهد]

السلام عليكم..

حل ممتاز..

لاهنت يا بو ناصر..

**ودي قبل ردي**

[ابو شقره]

الله يعطيك العافيه ياناصر على النقل
وعزالله انه طريقه زينه
ومنك نستفيد
لاهنت

[فالح بن ناصر]

المشاركة الأصلية كتبت بواسطة حمد بن فهد

السلام عليكم..

حل ممتاز..

لاهنت يا بو ناصر..

**ودي قبل ردي**

وعليكم السلام

ولا انت

وشاكر لك حضورك يالغالي

[فالح بن ناصر]

المشاركة الأصلية كتبت بواسطة ابو شقره

الله يعطيك العافيه ياناصر على النقل
وعزالله انه طريقه زينه
ومنك نستفيد
لاهنت

الله يعافيك

اسمي فالح

ولا انت

وشاكر لك حضورك الكريم

[MSB]

السلام عليكم ورحمة الله وبركاتة

الله يعطيك العافية يابو ناصر وبيض الله وجهك

موضوع رائع ومفيد .. بس مثل ماقال احد الأخوان وين هالـ لي ؟

تقبل مروري يابو ناصر جعلك ماتهون

[فالح بن ناصر]

المشاركة الأصلية كتبت بواسطة msb

السلام عليكم ورحمة الله وبركاتة

الله يعطيك العافية يابو ناصر وبيض الله وجهك

موضوع رائع ومفيد .. بس مثل ماقال احد الأخوان وين هالـ لي ؟

تقبل مروري يابو ناصر جعلك ماتهون

وعليكم السلام ورحمة الله وبركاته
جعلني ما افقدك على حضورك
بخصوص اللي تقدر تسوي تجميع والقصه بسيظه
لي وراسين كلبس هواء
أتوقع تلقى هالقطع في محلات الرحلات مثل السنيدي أو ما شابه
أو تلقاها عند قطع الغيار
هو اجتهاد بسيط وتحصل على اللي هذا
لاهنت على حضورك اللي ما نستغني منه