[/size]كونوا رجالا كي نعود نساء
كان شخص من اقاربي يريد الزواج من امراه رومانسيه وجميله بس الاهم انها تكون مكسوره الجناح
عشان ماتعانده ويبغاها ضعيفه الشخصيه<<نذاله من اولها
وفعلا راحت عمته واختارت له بنت من اقاربنا فيها كل الصفات السابقه بالاضافه انها يتيمه وفعلا تزوجوا
ولكن بعد 8سنوات زواج اصبحت المراه عنيفه وقاسيه وعصبيه وهي الي كان يضرب فيها المثل في الرقه والنعومه لدرجه اني لما شفتها ماصدقت عيوني ولما سالتها ليش صرت كذه قالت لما مشيت جنب الحيط (الجدار) داسوني الناس بس الحين انا بمشي بنص الشارع وخلي احد يفكر انه يفتح فمه والله لايخليه يندم على الساعه الي ولد فيها <<<<قسوه مفرطه
وراحت وانا مازلت مصعوقه وفي نفس الوقت ماني قادره اصدق وانا الي كنت اعرفها الحنونه واللطيفه
والضعيفه اذكر حتى حقها ماكانت تاخذه عشان ماتجرح الي ظلمها
طبعا انا ماسكت وكنت ابي اعرف السبب الي غيرها فسالت وحده وجاني الجواب وياريتني ماعرفته
قالت لي انها كانت ضعيفه وهذا الي خلها ام زوجها تدوس علها وتضايقها وتتعمد اهانتها
وماكانت تقول لزوجها بس لما اشتد الوضع قالت له ومش عشان تشتكي بس عشان يصلح بينهم وكانت الطامه الكبرى قالها عشانك تبغيني ازعل امي.صارت تقوله انا ماقصدت كذه انا قصدي .....<<<تعبت وهي تفهمه ولكن لاامل
لانها كانت ضعيفه كانت تبغاه تدافع عنها لما تنهان امامه وهو ولا كلمه بعدين اهي البنت صارت تدافع عن نفسها بادب فالزوج الحين طلع صوته وصار يهينها ويقول لها عشان انتي ماعندك ام ماتحسين ولاتقدرين الام الحمد لله انه امك ماتت قبل ماتشوفينها <<تخيلوا حالتها ساعتها
وطبع بعدين صارت مثل مانت شايفه والحين زوجها ماهو متقبلها ويقول لعمته الي اخطبت له انا قلت لك ابغي مراه ماهو رجال (القصد مكسوره الجناح وماتحط راسها براسه)قالت له العمه جبتها لك والكل كان يتمناها وهي كانت عاجبتك لما اخذتها فالحين انت لما خربتها هذا ماهو ذنبي حرام عليك عشانها يتيمه ومالها ظهر صرت تدوس عليها
كلمه:
المراه كالورده اذا سقيتها نمت وتفتحت واهدتك عبيرها
واذااهملتها ذبلت وسقطت بتلاتها ولم يبغى منها سوى الاشواك
فتحمل ايها الزوج الفاشل حصاد فشلك
واقول لكل رجل يريد ان ترجع المراه انثى كن رجل وسوف تعود
اخوتي اخواتي :
#1مارايك بالمقوله القائله (كثره الدوس يولد الانفجار)؟
#2مالسبب في قسوه ام الزوج على ابنه زوجها وظلمها بالرغم احيانا من انها ظلمت من قبل؟
#3من تعتقد المسوول ام الزوج ام الزوج عن انتكاسه تلك الفتاه ؟
#4مارايك في الرجل الذي يختار المراه الضعيفه لكي يدوس عليها وتكون انثى اي (تسكت عن حقها)؟
انتظر ردودكم لكم خالص الود
منقول من واقع الحياه
11-06-2010, 05:16 PM
لان بصراحة ماشفت اي تفاعل من اعضاء المنتدى والموضوع غير مكرر لكن فقط العنوان
العرض العادي
