تحقيقا لطلب الاخ العزيز ( العماني ) لقصيدة: يا ديرتي لا تحسبينا شديدي

[ابوحمد الشامري]

هذه القصيدة لشيخ راكان ابن حثلين عليه رحمة الله طلبها مني الاخ العزيز ( العماني ) وحيث ان هذه القصيدة ليست موجودة في دواوين الشيخ المطبوعة في الاسواق فإن طلب اخي العزيز امرٌ علي يجب ان البي له طلبه.
قيلت هذه القصيدة بعد معركة (حمى ) مسندها الشيخ راكان على الشيخ مبارك بن صباح ويتهدد ويتوعد بها ابن رشيد لان الشيخ راكان والعجمان لم يحضروا معركة (حمى ) ودليل ذلك قول الشيخ راكان عندما رد الدين لابن رشيد بعد هذه معركة فقال:

ذكرت حمى ليت حنا حضرناك= حتى تضيع مروتك والهقاوي
يا ليت حنا يوم جيتوا نطحناك= حتَّاه ما يبقى لجمعك شلاوي
واذكر نهار(ن) بالهليطة جزرناك= طرحانكم مثل الخشيب متساوي

فكانت معركة ( الهليطة ) ردا على معركة ( حمى ) التي لم يحضرها الشيخ راكان والعجمان.
ولكن بعد هذه المعارك عقد صلح بين الشيخ راكان والشيخ محمد بن عبدالله الرشيد حيث قال في هذه المناسبة قصيدة مطلعها:

يا عبيد يوم(ن) القمر ما بعد غاب= والليل طرَّف وادبحنَّ النجومي
قم سو فنجال(ن) له الرّيق ينذاب= يِعَبال الشِرَّب ناطحين العلومي

وهذه القصيدة التي قال الشيخ راكان مسندها لشيخ مبارك ابن صباح بعد معركة ( حمى ) والتي طلبها مني الاخ العزيز ( العماني ):

يا ديرتي لا تحسبينا شديدي= نبغي إن وسَّع من جنوب(ن) إخطاها
يا دار نبغا لش نهار(ن) سعيدي= قوم(ن) بغوا جالش إبنسحل إدواها
من صلب يام(ن) ملينين الحديدي= عَجَب عيوني لا وِكب صَب ماها
مشَّاهم اللي مَال حكمه ضديدي=جمايله ما حن بنحصي ثناها
دولة شريف حكمها اليوم بإيدي= الترك والباشة زيادة بلاها
يا مقصد المولى عِوين وجديدي= إنك توفقني النَّفسي إرضاها
وخلاف ذا يا راكب(ن) فوق هِيدي= بُواطن(ن) قَطع الرَّيادي إمناها
ملفاك أخو مريم زبون الوحيدي= زَبن الطحوس إليا هفت في إغذاها
يا شيخ ما عيَّنت بيت(ن) جديدي= ما قد لكم احد قد وطى في إحماها
ليت(ن) لكم والله علينا شهيدي= طوارفِك لا جات لا هُو ذَراها
لا جات خِدامك حَرار وعبيدي= زود(ن) على الحشمة إنجدد إكساها
غير يا شيخ جاك العلم منّا وكيدي= حَمَّى نبي ناخذ سريع(ن) إقضاها
ارفع شراع الحرب يا ابن رشيدي= جاتك موردة يام مما حداها
جَتك الجموع اللي تنوش البعيدي= يامية(ن) بالهوش تَروي قناها
شلف(ن) تَروي مقاضيب بِليدي= صوارم(ن) كان المشاعل سناها
تبغي غم(ن) لي وانا اليوم عيدي= رنّت مزامير السَّعد من سماها
ويا حزام لا جاء القدر ما يفيدي= وما دبَّر الوالي على النفس جاها
غَار صار يا شيخ وأنا ما عاد في إيدي= لا عاد اقدرها ولا الله رفاها
غَار يقول قومه طيرنا والقصيدي= ولاَّ قديمات الجمايل نساها

ابو حمد الشامري

[سياسي^مستقل]

رحم الله الشيخ الشاعر الفارس


ولك مني كل تحية يا بوحمد على الجهد الطيب


سياسي^مستقل

[فيصل بن حجرف]

لاهنت يابو حمد
وبيض الله وجهك

[العماني]

بيض الله وجهك أخوي بوحمد ولاهنت طال عمرك على ايراد هذه القصيدة الجزلة ومشكور على الشرح الطيب والوافي منك.ورحم الله الشيخ راكان


ارفع شراع الحرب يا ابـن رشيـدي
جاتـك وردة يــام مـمـا حـداهـا
جَتك الجموع اللـي تنـوش البعيـدي
ياميـة(ن) بالهـوش تَـروي قناهـا

ولاهيب غريبة عليك يا بوحمد ولاهنت مره أخرى.

تقبل تحياتي،،،،

[محمد آل نصار]

لا هنت يابو حمد على هذه المعلومات الوافيه .









ابن فادر

[راكان اليامي]

ارفع شراع الحرب يا ابـن رشيـدي
جاتـك وردة يــام مـمـا حـداهـا
جَتك الجموع اللـي تنـوش البعيـدي
ياميـة(ن) بالهـوش تَـروي قناهـا


لاهنت يابو حمد على القصيده وعلى الموضوع عامه

[نـاصـر]

ارفع شراع الحرب يا ابـن رشيـدي
جاتـك وردة يــام مـمـا حـداهـا


الله لايهينك يابو حمد

بس فيه غلطه عندك بسيطه واسمحلنا انصلحه

جاتك مورث يام مما حداها

هذا الصحيح والله اعلم

[ابوحمد الشامري]

مرحبا الف بالاخ العزيز سياسي مستقل اسعني مرورك يا السنافي وتشرفت به.

ابو حمد الشامري

[ابوحمد الشامري]

مرجبا الف بالاخ العزيز ابو عبدالله اسعدني مرورك يا السنافي وجهك ابيض.

ابو حمد الشامري

[ابوحمد الشامري]

مرحبا الف بالاخ العزيز العماني اسعدني مرورك ياالسنافي وتشرفت به وما طلبت شيء ياابو مبارك.

ابو حمد الشامري