السلام عليكم ورحمة الله وبركاته
:
:
:
:
:
:
:
:
:
:
:
:
:
قصيــــده للشاعر : بادي بن جريعان العــــرجاني
في الحقيقه لاأعلم مناسبة القصيــــدة , ولكنها أعجبتني ونقلتها لكم
ياشاجع ابن عوير مسيـك بالخيـر=قدلك ثمان أيام ويـن أنـت غـادي
موترك خبـط وأتعبتـك المشاويـر=من راس مرقابن إلـى بطـن وادي
وينك تلاحقنـي تـرا مانـي بخيـر=ابغـي تـرد العلـم للـي يـنـادي
الوضع ياابن عويـر يحتـاج تفسيـر=الوضع مؤسف وأنت تفهـم مـرادي
حنا ( آل عرجاء ) هيه يـا نافـخ الكيـر=حنا هـل الفزعـه كعـام المعـادي
يومه زهمنا الشيخ في غزوة مطيـر=ولازهمنـا إلا وحـاديـه حــادي
محـدن تـردى كلبيـنـا مناعـيـر=ومحدن تأخر يـوم نـادى المنـادي
وكلن يحث اللي وزانه على السيـر=ايليـن جينـا ثـم غزينـا هجـادي
في الصلب حنا اللي حمينا المظاهير=على الوغى ماحـن نبـدي الرقـادي
هذا الدليل ان حـن نسمـى مظافيـر=وان حن هل الطولات..هـذا وكـادي
شـوي لكـن حـن نهـد الطوابيـر=شـوي لكـن كنحـن جــن وادي
صغيرنا يصمل..ولو عـاده صغيـر=ويشيش راس اللي عده في المهادي
وفقيرنا يفـرح لاشـاف المساييـر=ويذبح لهم...لو يذبـح ام الشـدادي
وآذانـنـا ماتنـطـرب للمزامـيـر=تطرب على الحرب وصهيل الجيادي
وايديننـا ماهـي تحفـظ الدنانيـر=نعطي وننسى اللي عطتـه الأيـادي
ماخلق فينا اللي يحسـب المخاسيـر=وما خلق فينا اللي يخـون المبـادي
ومن ضدنا يبشـر بخـزم المناخيـر=ليـن يهـديـه الله...والله هــادي
ولاضير لو يخطون الأقراب لاضيـر=نصبر على الأقراب صبـر المهـادي
لكـن لاضقنـا نسـوي المناكـيـر=حتى يميز الابيـض مـن السـوادي
نصبر..لكن نشيش ونطيش ونغيـر=وماحن نسمـي لاهبدنـا الرمـادي
الكل منـا وسـط راسـه سعاطيـر=والطيـش فينـا فعـل ماهـو أرادي
اقرب مثل.. لامن قصد (سالم جخير)=فأنكاني مـا ششـت مانيـب بـادي
في ذمتي كني مـن القـاع باطيـر=وأحس فـي دمـي خلايـا جـدادي
ياقوووم يا عنتر ويا سالـم الزيـر=لامن وصف جداننـا فـي الجهـادي
أفعالنـا تنعـد ضمـن الأساطـيـر=والوحش يشبع لانطحنـا الأعـادي
والعذر لامن صار في الحكي تقصيـر=ماقلت غير اللـي عرفتـه وكـادي
من عقب ذا برسلك يا شاجع عويـر=للي سكـن بقصـى حنايـا فـوادي
لامن طرت قمت أزعج الصوت واسير=والله مـاعـاد يهنـالـي قـعـادي
تأثيرها فـي داخـل القلـب تأثيـر=صوت السديس ايلا غدا الجو هـادي
وخدودها كنـك تشـوف النواويـر=ولون الجسد يشبه للـون الزبـادي
وطعم الثغر كنه حليـب المصاغيـر=وريحت نسمها كنهـا ريـح كـادي
ونظرة عيونه كنهـا نظـرة الطيـر=مجوعـه راعيـه وقـت الـهـدادي
في دمها خفه.. وفي طبعهـا غيـر=وفيها دلع وأسلوب ماهـوب عـادي
ومن الدلع مـا تدعـي إلا بتصغيـر=والا دعت.. يهتـز حتـى الجمـادي
وعدها تحاتي الحب..وتشك..وتغيـر=وتقول: أخاف يخـون قلبـك ودادي
فلاجيتها قل قال : مسيـش بالخيـر=الحب عـاده.. لكـن الشـوق زادي
وان ما عذرتي رجلي من المشاويـر=قولي معي جعـل الله يعيـن بـادي
تحياتي
11-11-2009, 11:45 AM
أقـــرب مثـــل لامن قصـــد (سالم جخيـــر)=فأنكاني ماششـــت مانيــب بــــادي ( روعهـ )
العرض العادي
