سلام ياللـي بسمتـه تجلـي الهـم = يانـور عينـي ياهـواي وغـلايـه
ياللي ملكت الشوف والسمع والشـم = والذوق والاحساس حتـى النهايـه
ياللي بـلا شوفـك تسـوّد وتظلـمّ = دنيـاي يادنيـاي يااكـبـر منـايـه
حبك جرى في وسط جسمي مع الدم = ارحـم ترانـي واصـلٍ منتهـايـه
ارحم تراني حالتي هـم فـي هـم = عايش بغربه مـع عنـاي وشقايـه
ظميان حب وجيـت للمنهـل الجـم = ارجوك جد بالوصل واقطع ظمايـه
محبتك تغنـي عـن الخـال والعـم = والاهل والاقراب حتـى اصدقايـه
اليا حصـل حبـك فلانيـب مهتـم = لو لامنـي عـاذل وحاسـد وتايـه
ماهمني من عاذل القلـب لـو نـمّ = ماهز شعره مـن هـواك وهوايـه
ومن قال خله قلت له ( قم بس قم )= بلاك ماتدري عن اصـل الحكايـة
ماتدري ان الحب قـد سمنـي سـم = ولا لـي دوا الا هـو داي ودوايـه
طلبت حبك ياعنا الـروح قـل تـم = مالي سواكـم ياعنـا القلـب غايـه
كتبت معـك روايـة الحـب بالـدم = ارجوك كمّل معـي كـل الروايـه
وســـلامـــتــــكــــم
13-06-2004, 04:15 PM
العرض العادي
