وبعدين مع المحامي خالد عبدالجليل ؟؟

[بنت الوطن]

بصراحه قناة الوطن وخاصه المحامي خالد عبدالجليل فضحنا وشهر فينا وطلع علينا سوالف ماتدخل العقل

من سابع المستحيلات تكون حقيقه ؟؟


وبعدين مع هذي الفضايح ؟ ياربي ليش احنا يالكويتين نجذب بس عشان نفضح انفسنا ََََ!!!


هل يدخل العقل ان رجل كويتي ينام بشارع سنتين ؟؟ مستحيييييييييييل


هل يعقل ان حرمه كويتيه تسكن بشارع ؟؟؟ مستحييييييييل


هل يعقل ان حجاج و المعتمرين الكويتين يردون للكويت مشي ؟؟ مستحييييل


شنو الفايده من هالأكاذيب اللي تسيئه للكويت وشعبها !!!


حسبي الله عليهم ونعم الوكيل


والله الكويت ماتستاهل وربي ماتستاهل هاللي يسوونه فيها !!


شلون كويتي ينام بشاارع !! والعمال اللي يجون الكويت مامعاهم ولافلس ولايعرفون احد بالكويت ماينامون بشوارع ؟

شلون حرمه الكويتيه تنام بشاارع وفي الكويت دار للعجزه وممنوع احد يسكن بشارع .. وبعدين شنو هالحرمه ماعاندها اهل جماعه جيران !!! وربي شي مايصدق


شلون الكويتيين يردون للكويت مشي لا وربي قويه وماتدخل العقل ؟؟ شنو ماعندهم اهل ؟ ماعندهم ربع ؟ ماعندهم سيارات ؟ الناس الموجوده بالحدود محد فيهم شالهم على سيارت ؟؟


اشياء واشياء غريبه ومزعجه و تنرفز تحصل في الكويت لا اعلم منو المستفيد منها ؟؟


و نا متأكده ان فيه اشياء واشياء للحين ماطلعت ولاسمعناها ؟؟


اتمنى من كل كويتي اصيل وعنده قلب وضمير يكشف هذي الفضايح اللي تسيئ لنا

انا ماقول اني اعرف الكويت شارع شارع او شفتها لا ...

بس شفت بعيوني ناس فقراء بدرجه ماتتصورونها بس ماسكنوا بالشارع ولا ناموا على الرصيف ولا ماتوا جوع ولا راحوا لمنطقه بعيده مشي ؟؟


يكفى ياناس جذب وتبلي وفضايح حسبي الله عليهم ونعم الوكيل


وربي الكويت بخير من كان على ارضها بخير اشكروا النعم ولا تنكرونها ؟؟


رساله للمحامي خالد عبدالجليل ممكن اعرف شنو الفايده من نشر هذي الأكاذيب والأفتراءت على الكويت

و هل تدخل مخك هذي السوالف الخياليه !!! غريب امرك يامحامي ؟ شلون وانت محامي كبير وتعرف الكويت عدل تصدق ان فيه انسان بالكويت يعيش بالشاارع !! والله العظيم حتى القطو و الكلب عزكم الله ماينامون بالشارع عندهم مكان ينامون فيه


شلون الانسان ينام بالشاارع ؟!!!

حسبي الله عليهم ونعم الوكيل


وغير هذي الاشياء المسلسلات اللي كل واحد يقول انا اللي بقدم كل شي مسيئ للكويت تخيلون صارت مسلسلات الكويت تتنافس على الاساءه للكويت وسمعته شعب الكويت !!!

غريب امرهم حسبي الله عليهم ونعم الوكيل




تعبت يدي من تعب قلبي بسبب مايحصل من ظلم وكذب ولم يتعب عقلي بكشف اكاذيبهم وزيفهم وأسائتهم لجنة الدنيا الكويت الغاليه

ومن منو هالأكاذيب من من يحمل الجنسيه الكويتيه جعلهم مايتهنون فيها يارب




اتمنى ان الرساله وصلت لي من يهمه الأمر

[الجلمود]

اختي كويتيه



انامن متابعين حلقات خالدعبدالجليل


والله ياكويتيه فيه كويتيين مولاقين ياكلون


واللسبب حكومتش اللي يتحكم فيها التاجرللاسف


واذاانتي في خيرونعمه الله يديمهاعلينا وعليش غيرش


لالالاوالف لا والله اعرف كويتين مولاقي ياكل وفوق هاذاالموادالغذائيه ارتفعت اسعارها


كله لخاطرالتجااارالله يرحمك ياجابرالخيرويسكنك جنة الفردوس


واسف على الاطاله

[بو مصعب الكندري]

كل الشكر كويتية ,,

المحامي خالد عبدالجليل ,, ماني عارف قصده في التشهير في هؤلاء الناس !!

أذكر حلقة من حلقاته وضع شريط صوتي لرجل كبير بالسن كان بالمستشفى

و تتصل عليه فتاة مراهقه و تكلمه و يكلمها فا الأخ خالد عبدالجليل وضع الشريط

الصوتي كامل و قعد يعلق !!! سبحان الله !! :: وين الستر على المسلمين يا خالد

..:: من ستر مسلما ستره الله يوم القيامه ::..

!!! يعني المشاهد شراح يستفيد !!

يمكن لمه تذكر قصه الناس تعتبر منها ,, و تستفيد ,, لكن تشغل شريط صوتي

و ينشر على قناة الوطن و الفضائيات و تعلق عليه ماني شايف فيها افاده

ولا هي لايقه بحقه هو كمحامي !! ,,



كل الشكر و التقدير,,,

[الاطخم]

السلام عليكم ورحمة الله وبركاته

الله لا يهينش اختي العزيزه

عزالله انش صادقه هذا والله فضحنا

احنا اهل الكويت هههههههههه<<<يقلده

[سهوم بقعهـ]

السلآم عليكم ـمّ

وانــأ عن نفسي ـيّ وبكل صراحه ما يعجبنيّ فـ/]يّ البرنامج الا زاوية المحامي (خالد العبدالجليل) ..

أولاًً وقبل كل شيء حبيت أقول ان الانسان دايم ــاًً يبحثّ عن السلبيات والاخطاء والهفوات وينسى تماماًً الاشياء الايجابية xX .. اي ليــــــــــــــــش ..!

وبخصوص سالفة الكويتيّ( الذي كان يفترش ارصفة الشارع لمدة سنتين مدري شهرين ؟! ) الوضع طبيعيّ جداًً .. الفقر حالة حال المرض ما يعرف لاكويتي ولا غيره وبعدين ممكن فــ يوم وليلة ينقلب حال الانسان من .... إلى .... / وعـ/لى فكرة هناك كويتيين معدمينّ أي تعدوا مرحلة الفقر بكثير ..

شغلة ثانيه المحاميّ يناقش كثير من القضايا المهمة وفـ/]يّ مصلحة الشعب الكويتي .. مثل حلقة القروضّ / تأبين المجرم (عماد مغنية) / سفارتنآ فـ/]يّ ليبيا / وغيرهآ ... الخ من القضايا . < وانـأ اشوف ان طرحة لهذي القصصّ والمواضيع يمكن ان يكون من باب المساعده او لعل وعسى ان تلتفت لهم اي جهة حكوميه .. < وهذا ايضاًً نقطة ايجابيه فـ/]يّ حق البرنامج ..

واذا عـ/لى سالفة الفضايح .. (محدشّ احسن من حدّ ) // فـ جرايدنآ المحلية كانت سباقة فـ/]يّ نشرّ غسيلنآ /و/ بثّ قشنآ ع الملأ

كل الشكر لشّّ عزيزتيّ "كويتية" ..

.. تقبليّ ـيّ مرور اختشّ . > سهوم بقعهـ

[™ عبد الله ™]

السلام عليكم ورحمة الله وبركاته

اختي الفاضله كويتيه مشكورره على طرح الموضوع

انتي طرحتيه انتقادا للبرنامج وفكرته

وانا احيـّيك على طرح مثل هذا الموضوع لكي نشيد به وبالمحامي خالد عبدالجليل والمساحه الكبيره من الحريـّـه في برنامجه الذي استقطب الالاف من المشاهدين ليس على مستوى الكويت وحسب بل على مستوى الخليج العربي .

اختي الكريمه نحن لا نعيش في المدينه الفاضله ولا يجب ان ننكر الفقر والمشاكل التي تناولها العبد الجليل في برنامجه !

لماذا دائما نحاول ان نحتوي هذه المشاكل في صدورنا ولا نصدّرها سواء للحكومه او للآخرين او للمشاهد بشكل عام ّ ؟ يعني نكذب على انفسنا ونقول مافيه مشاكل ولا فيه فقر ولا فيه جشع ولا فيه بلاوي تصير في البلد ؟ وش الهدف؟
اعتقد ان السكوت عن مثل هذه المشاكل يعمـّـقها

انا اشوف انه برنامج ناجح جدا وتناول مشاكل وقضايا خطيره جدا وكان سبب رئيسي في معالجة بعض تلك المشاكل وعلى سبيل المثال ما حصل للمواطن السعودي ناصر السبيعي ورحلة العلاج الى الصين فقد كان لهذا البرنامج دور كبير في جعل وزارة الداخليه والجهات المختصه باتخاذ الاجراءات اللازمه تجاه المتسببين

كل الشكر لش اختي

[دلوعة الرياض]

أختي كويتية

مشكووورة على هالطرح الرائع والجاد

وانا بصراحة اقف معاش بهالموضوع

المحامي خالد العبدالجليل مو بس فضح شعب الكويت المحترم

إلا فضح بعد بناتهم في حلقة له بصراحة تمنيت ان محد يشوفها حسبي الله ونعم الوكيل علية

وحسبي الله على كل من يبي يشوه سمعة الكويت

هذول الناس بس همهم مصلحتهم ما همهم سمعة الكويت وشعبها

لا هنتي ياقلبي على هالطرح الجناااااااااااااااان


وتقبلي مروري

[تركي بن فـهد]

السلام عليكم ورحمة الله وبركاته


والله يا جماعه في كويتين حتى لبس واكل ما عندهم والمحامي لهوب كذاب ولا قاله الله الناس هي الي تبي الفضايح وش يسوي هو برنامج مخصص للفضايح والكويتين خبر خير عندهم بعض الي يدقون عليه اكذب من الشيطان ولا بعضهم والله انهم صادقين .

تقبلوا تحياتي

[بنت الوطن]

المشاركة الأصلية كتبت بواسطة الجلمود

اختي كويتيه



انامن متابعين حلقات خالدعبدالجليل


والله ياكويتيه فيه كويتيين مولاقين ياكلون


واللسبب حكومتش اللي يتحكم فيها التاجرللاسف


واذاانتي في خيرونعمه الله يديمهاعلينا وعليش غيرش


لالالاوالف لا والله اعرف كويتين مولاقي ياكل وفوق هاذاالموادالغذائيه ارتفعت اسعارها


كله لخاطرالتجااارالله يرحمك ياجابرالخيرويسكنك جنة الفردوس


واسف على الاطاله

8
8

الله يسامحك على هالرد اللي ماكنت اتوقعه و لا اتمناه !!!

حكومتش ؟؟؟ ليش انت مو كويتي

كويتيين مو لاقين يأكلون ؟؟ في عز االفقر قبل مئة عام مكان فيه كويتيين مو محصلين يأكلون !!

اذاانتي في خيرونعمه !!! كل من عنده الجنسيه الكويتيه بخير ونعمه ومن قال غير هذا كذاب وثم كذاب


الجلمود حدث العاقل بماى يعقل


ولك تحيااتي

[الـعـابـر]

الأخت الفاضلة / كويتية ولي الفخر

شاكر لكِ طرح هذا الموضوع

طبعاً كل شخص له وجه نظر في الرد

وانا من متابعين المحامي خالد العبدجليل من زمان من يوم كان في الإذاعة كان يقدم كل ظهر سبت

برنامج أسمه (مسائل قانونية) وكل طروحاته جادة وأشكره على نصرة أخينا ناصر السبيعي عندما

كان في الصين ، ولكن أنا شاك في موضوع إللي نايم في الشارع حلقة أمس حتى يوم أقسم خالد بأن

هذا الشخص كويتي كنت تمنيت منه أن يقسم أنه هذا الشخص نايم في الشارع منذ سنتين .

ملاحظة/ خالد العبدالجليل في مطلع الثمانينات كان يقدم برنامج الأمن والمواطن
على تلفزيون الكويت وكان وقتها ملازم أول في الداخلية هل تذكرونه . (( متابع))

مع تحياتي لكِ أختي الفاضلة