من قصايد الشاعر "بارود"

[الرازي]

هذه القصيدة هي للشاعر "بارود" وهي موجه للأخ النحاوي
بعد ان سمع شاعرنا أحد الإخوان ويدعى "الهواوي" يلعب
المنكوس بصوت محزن . تهيض شاعرنا بهذه القصيدة لأن الهواوي
غنّاها على موجة الأخ النحاوي أرجو أن تحوز على رضاكم.

ألا يالهواوي جر صوتك كفيـت العـوق =تسمعت صوتك يـوم غنّيـت وأشقانـي
مع السلك صوتك حل في داخل المعلوق =دخيلك ترد الصوت لو كان مـن شانـي
دخيلك ترد الصـوت ذكرتنـي مخلـوق =عليه أتوّجد وأضـرب القـاع ولهانـي
وليفن ولفت القرب منـه وشوفـه بـوق =مقاريـد ربعـه كـل ماجيـت تنحانـي
جميع البني عندي تحت . والحبيّب فـوق =تعـلاّ درجتـن مامعـه حولهـا ثانـي
حوى الزين كلّه. والذرابه مع المنطـوق =حما سيرته من هرجـة فـلان وفلانـي
جماله طبيعي ما شرا بودر أهل السـوق =عليه ألف بإسم الله من عيـون عدوانـي
تضامر حشاها. والنحر بارقـه شاعـوق =وإلا لد شبحه قلت موت العرب جانـي
جديله على حد الكرانيـف لـه دانـوق =ضحك له غضيض صباه .والعود ريّاني
أرى سلبة العاتق على جيدهـا المنتـوق =كما سلبة العرجـون . قالـه سليمانـي
خذا خدها لونن خذانـي وخيـذ الشـوق =تكيشافي برقن لاح في غـر الأمزانـي
تدامت شفاياهـا وكـن البـرد مشبـوق =برّمة حسين الدل . سحّـاب الأردانـي
كفخ له فوادي يوم لـوّح وتـل سبـوق =معاليق جوفـي تلّـة الطيـر شقرانـي
عسا تعترض درب النحاوي مع الطاروق =على شان أبو غانم يجي فيه مـا جانـي
أبيها تسوق العود صوب المحبـه سـوق =ترده علـى عصـرن تقضّـا لسلطانـي
يبّيح خفاه العـود ثـم يظهـر المفهـوق =من أشعار أبو غانـم ثمينـات الأثمانـي
أنا يالنحاوي عقبهـا خاطـري ممحـوق =تبرّيت من قاصـي المخاليـق والدانـي
يقولون خف من أشقر الكنت وأنح شروق =وأنا يمتـي غربـن علـى دار خلاّنـي
ويا لايمن بارود جالـي عليـك حقـوق =أنا ما جرالي يا إبـن الأجـواد كفّانـي

ولـكـم وافــر الشـكـر والتقـديـر
ابو عيد