هذي الوقعه حدثت بين قبيلة البدارين الدواسر اهل ثادق (( التي تقع بالمحمل شمال الرياض 120 كم ))
وقبيلة الدعاجين من عتيبه واسباب هذيه المعركه اخذوا الدعاجين ابل البدارين اهل ثادق واقفوا بها فلحقهم البدارين وحصلت معركه شرسه استبسلوا فيه البدارين فأنتصروا في المعركه وقتل فيها عقيد الدعاجين نهار بن زنيدان
والمعركه عند ابرق عرهان القريب من محطة فيحاء العتش 30 كم شمال ثادق
والوقعه علي وقت الامير علي بن عيسي البدارين أمير ثادق وهي مثبته بوثائق بتاريخ 1324 هـ موجودة بموقع اسرة العيسى :
www. aleissa.itgo.com
وهذه قصيده للشاعر عبدالمحسن بن فوزان ال سويلم البدارين
قال من فنه على الزير غنى بـه
ون بدا في هرجه جاب معناهـا
دار يا للي فرعة العتك وهضابـه
عقـب شيبـان بنوهـا سكناهـا
حق نحمى حمى بلدنا ونرعا بـه
ما نبالـي كـل مـاراح يفداهـا
كم عقيد جاء يبيها حذفنـا بـه
لاضواري تاكله مات مـا جاهـا
سعد من حنا ضحى الكون له لابه
نحتضي بلقالة اللـى حضرناهـا
هيه ياللى تنقش الكف بخضابـه
جادلـن بقصورفيحـان مرباهـا
الذليل اللى خطبهـا تهـزا بـه
مال هابه لو من المـال ياداهـا
شوقها فعل المواجيب يحظى بـه
كل نفس شهودها فعـل يمناهـا
ال زايد فعلهم سيف وقضى بـه
لا العدو هم علة الكبـد ودواهـا
قايلة يـوم الفكـر دار دولابـه
اذكـر الله ثـم اصلـي عـلـى طه
21-06-2007, 06:44 PM
العرض العادي
