السلام عليكم
حبيت ان اضع بينكم هالكيبورديه وعساها تعجبكم
اكتفييت من الغرام اللي هقيت انه مصيري
..... وها أنا الآن قلبي لايريدك ترجعين
//
//
كم أنا ذقت التعاسه والهوى مرُ مريري
..... وامتلى قلبي الأسى والعين هلت عبرتين ؟
//
//
ليت نار الحب ان تاتيكي شي من كثيري
..... ربما لو تعلمين النار لاشتد الانين
//
//
آه كم عيني تمنّت ان ترى زولش خطيري ..
..... كم تمنت ان ترى السلال يقفي بش سنين
//
//
غاسل ايديني ترى من حبّش بصابون فيري
..... من غرامش مابقا اية بقايا في اليدين
//
//
من عرفتش والبلاوي تكتنفني في مسيري
..... ذقت من حبش عذاب وضيم للقلب السجين ؟
//
//
تلتهب في وسط صدري مثل نيران السعيري
..... اشتكي لش كل ليله وانتي قلبش مايلين
//
//
قصّتي وياش قصّه مثل قصّة توم جيري ..
...... تلحقيني بالشكوك وسقت لش قلبي رهين
//
//
كل مامديت حبلي حبل حبّش لي قصيري
..... ماتعبتي مثل مايتعب معش قلبي الحزين
//
//
للأسف خابت ظنوني فيش وأنبني ضميري ..
..... عشق صادق ماعطيته اسواش وانتي تجحدين
//
//
كم وياما ينقظي ليلي وانا طرفي سهيري
..... ماهتنت بالنوم عيني من شهور ومن سنين ؟
//
//
صرت كني جمس احمر في هوى دربش يسيري ..
.... رفرفه مهتز من صدّش ويسمع له ونين
//
//
كنتي لقلبي المكينه تحركين تروس قيري ..
.....لين طيحتي عزومي ماقدرت اشحط ثنين ؟
//
//
راثعه فيني وانا عجزت عنش لاستخيري ..
..... ارثعت فيني الزقاير كل وقت وكل حين ؟
//
//
ولاّ أنا خلاص أبنهي قصّتي واسلك مصيري
..... مابقا لش يام وجهين اي حب واي حنين ؟
//
//
علّي القا من غلاها ناعمٍ مثل الحريري
..... تسكن بقلبي واقلطها على عشقي الدفين
//
//
تستحق الحب مني تنتشي نفحة عبيري ...
..... وانتشي معها شذا الفله وريح الياسمين ؟
//
//
اتمخطر والحشا منزالها وصدري سريري....
.... وراقده بين الضلوع اللي لها حصن ٍ حصين
//
//
وانتي يالله جعل وقتٍ لي معش كله عسيري ...
..... بكره يردش غرامش ولفراقي تندمين ؟
//
//
بتركش وانا اعرف انش لو عرفتي شخص غيري ...
..... مالقيتي قلب صادق لجلش يبيع الثمين ؟
//
//
والنهايه قلت لش يامعوّده روحي وطيري
..... غلطتي اني وفي وانتي بقلبي تلعبين
//
//
وسلامتكم
03-02-2006, 01:36 PM
العرض العادي
