لبيـه يايمـه ومليـون لبـيـه
(لبيه ياصوت ذبحنـي غيابـه)
يالله ياهـمٍ سكـنـي وأداريــه
لو يحملـه غيـري لا مامشى بـه
تسعة عشر عام ونا حامـل فيـه
اضحك واجامل ولا حي درى بـه
يالعن ابو بيت ومـن سكـن فيـه
بعيني بعد فقـدك مثـل الخرابـه
مابه غير افريّشك و مرقـد فيـه
يضحك علي اخوي ويخفي اكتئابه
كثر علي الهم يـا ويـن اوديـه
عشعش على قلبي وسنن انيابـه
تكفين يايمه يكفي مـا انـا فيـه
عودي ترى ضاقت علي الرحابـه
كني محكوم بحكـم ويقضيـه..
طول عليه الحبس ما فكّو ابوابه
مابيه بيت فاقـد ضحكتـك فيـه
مابيه زاد مبسمـك مـا اهتنى بـه
لا واحسافه بزرك الـي بزيتيـه
لامافرحتي لـو بزهـرة شبابـه
يالله حسبـي عليهـا ولا اخفيـه
كره وسط جوفي نخّـى اركابـه
حسبي على العمات والله يشفيـه
ويرد له عقله ويحكـم صوابـه
اما انا ببزى مـن لـي تركتيـه
وبصير له حضن الدفى في غيابه
وسلامتكم
01-10-2005, 10:54 AM
العرض الشجري