هذه قصيدة من قصائدي والتي اتمنى ان تنال على اعجابكم
يا نور عيني يا بعد كل غالي=ياللي مكانك بين رمشي وعيني
انت الذي بالقلب اول وتالي=وانت الذي حبك ترى يحتويني
اموت بعيونا هدبها ظلالي=واموت بخدودا كما الوردتيني
ان غبت احس ان الليالي طوالي=وان جيت احس ان السعاده بديني
يانور عيني بهذلتني الليالي=يوما سعيد ويوم عايش حزيني
وقتي قسى ولهم شلته لحالي=واللي ابي عيت تجيبه سنيني
لا شك ابصبر والصبر دوم حالي=واطلب من المولى لحالي يعيني
الحب يا حبي ترى لا يزالي=غصبا علي الحب لازم يبيني
وان جيت يمك لا تزيدي الجدالي=اروي ظماي من الهوى والحنيني
حبيبتي انتي ترى راس مالي=مدي يمينك لامسيها يميني
ان كان تبغاني فـ جاوب سؤالي=اتحبني ردي علي كلمتيني
ان كان ردك (لا)عزي لحالي=وان كان ردك لي (نعم) جاوبيني
17-07-2005, 06:19 AM
العرض العادي
