قالت تضيـق أن غبـت بالحيل قلت أيـه

[(جساس)]

قالت تضيـق أن غبـت بالحيل قلت أيـه
أكـره حياتي كلها في غيابــك
وشلـون وأنتـي قلـبي ملكتيـه
أكيد نبضـه يختلف فـي ذهابــك
قالـت صحيـح..؟وقلـت ياغايتـي ليـه
ماتعرفيـن أنـي أمـوت بجنابـك
أعشــق وصالـك وأكـره الهجـر طاريــه
وأعيـش لحظات الغـلا في رحابـك
والليـل فـي ذكـراك تطــرب مساريـه
ويشوقنـي بالحـب لحظـة عتابــك
والقلـب لـو بيـدك جرحتيــه منّيــه
ماقـول غيـرإلا هــلا مرحبا بــك
القلـب وعيونـي وروحـي وراعيــه
كلهـن رصيــد مسجّــل فـي حسابــك
يفـداك من تمشـي على الأرض رجليـه
ويفداك من ذاق الغلا واعتـزى بـك
قالت حبيبـي,,وقلـت لبّيــه لبّيـه
لبّـا الخدود اللي زهـت في شبابـك
قالـت أحبـك والغـلا شـف مواريـه
وسط العيـون السـود يشكــي عذابـك
أنـت الحبيـب وباقـي الناس ما بيـه
أمـوت فـي لامـاك وأعشـق ترابـك
الحــب فـي عيونـك غرقـت بموانيـه
والشـوق وقّــف بي على حـد بابــك
ولو تلحق الشرهه حبيبي مشاريــه
مابيـع حبّـك دام قلبـي رضــى بــك
ميـرالدلـع مابيـن غالـي وغاليـه
أنـا أدرى أنـه مايزعّــل جنابـك
قلـت الدلـع والزيـن عندك مباديـه
والعـشق يحيا لأرتـوى مـن سحابـك
يااللي ورود الحـب فينـي زرعتيـه
وأنا كتـبت الشـوق داخــل كتابـك
ليـن الغـلا مـن نهـر حبـي سقيتيـه
وأحيا بساتين الغلا وأرتـوى بـك
يافرحــة الحاضـر بنكهات ماضيــه
أكــره حياتـي كلها فـي غيابــك

[شـ م ـآلي..!]

الله يعطيك العافيه اخوي على هذه القصيده الجميله

لكن عندي ملحوظه بسيطه وهي بالبيت الثاني اول شطر

وشلون وانتي قلبي ملكتيه < --< احس فيه خلل هون .!

ع العموم عوافي ع الطرح .!

تقبل مروري .!






.

[●• Ŝђǿǿq •●]

أنـت الحبيـب وباقـي الناس ما بيـه
أمـوت فـي لامـاك وأعشـق ترابـك


تِسلًم يمينكـً ..~

[الـعـابـر]

صح لسانك ولسان شاعرها

[الاصيله]

صح لساان الشااعر


ولاهنت جسااس ع النقل الرااقي


تحيااتي لك

[عذبة الصفات]

صَــ√ــحِ لسانك اخوي جساس ولاهنت ع الابيات الروعه
تسلم يمناك

[ابورامي]

قلـت الدلـع والزيـن عندك مباديـه
والعـشق يحيا لأرتـوى مـن سحابـك
يااللي ورود الحـب فينـي زرعتيـه
وأنا كتـبت الشـوق داخــل كتابـك
ليـن الغـلا مـن نهـر حبـي سقيتيـه
وأحيا بساتين الغلا وأرتـوى بـك
يافرحــة الحاضـر بنكهات ماضيــه
أكــره حياتـي كلها فـي غيابك


الله والله يدرك شي من عذوقه صح لسانك ولسان الشاعر لاهنت