قصـــــيــدة ســيــاســيـة مـعبرة عن نــفســها..!

[ابن راشد22]

يالله لطفك في تصاريـف الأقـدار=وانت الـذي بيـدك اعنـة سببهـا
نرجيك تضفي دارنا منـك بستـار=وتنصر رجالن مـن دماهـا تهبهـا
يا دارنا بندشتس وش كان وش صار=منهو شفا روحتس ومنهـو عطبهـا
منهو الذي سيفه على الضـد بتـار=حلحيل يفـرج مـن يمينـه نشبهـا
ويشلع كما حر علـى الخـرب دوار=هـذي تغربشهـا وهـذي خلبـهـا
ويوم السنين المحـل والقـوم فقـار=منهـو الـذي كفـه تشبـع عربهـا
ويا دارنا بالله وش جاتـس يـادار=ليـه الجماجـم دانـيـات لذنبـهـا
وليه الجهاله والجهل واهـل العـار=سادوا على روسـن رفيعـن نسبهـا
وليه الرويبض بالقبايل دمـه ثـار=شـك بولاهـا والجناسـي سحبهـا
يرسل جنوده تضرب عيال الاحرار=ويـوم الغـزو قفـى وداره نكبهـا
كاسر وابن زايل ولاهـوب مغـوار=اربـع ملاينـن ببطنـه غـدا ابهـا
وليه العدا لعيال بـدوا هـل الكـار=قامـت تعـاون والحكومـة سببهـا
قامت ردايا الناس لمطيـر الاخيـار=وعتيبـة والعجمـان تفتـل شنبهـا
وتقدح ظفير وشمـرٍ سـر وجهـار=والعازمـي والوايلـي فـي حسبهـا
والهاجري وقحطان في ليل ونهـار=ورشايدة وسهول حـرب وزعبهـا
وسبيع واهل الحق من كل حضـار=واهل الحمايـل نالهـم مـن لهبهـا
واعلامنـا يجـره اليـوم جــرار=بالزيـف والكذبـات يمـلا قربهـا
مذموم يكرم حيدره وكـل الاخيـار=ومزروع يفتن شوخنا مـع شعبهـا
والآخر اللـي بالوثـن زور اخبـار=وكلن خبـر يـوم ان بـلاده نهبهـا
وحي الطرب يقودهـا كـل فجـار=ذاك الطلي والورع واللـي عجبهـا
ويادارنا نفداتـس بالمـال واعمـار=ويـوم الغـزو ارجالنـا نحتسبهـا
نقبل جموع قـروم مافينـا خـوار=ذيابـتـن روع عـداهـا قنبـهـا
وختامها صلوا على خيـر الابـرار=احمـد ولـي الله وصفـوة عربهـا

منقووول...!

[alkhuzama]

صح لسان الشاعر ,,,,,, ولا هنت على النقل
عين وصابت الكويت !!!

[دواوين الاثنين]

صح لسانك فعلا صدق ابيات قوية

[الشاعر خألد العجمي]

صح لسـانك ولاهنت ع النقل

[امبراطوري]

صح لسان الشاعر ,,,,,, ولا هنت على النقل

[بـــ مطير ـــنت]

صـح الســـــان الشاعــــر
وتسلـم علـى النقــل

[نصــيرة الطاحوس]

لاهنت على النقل ............وصح لسان الشاعر

[ابن راشد22]

صحت ابدانكم جميع
وعز الله شانكم

[اسد مطير]

ذيابتن روع عداها قنبها



صح لسان شاعر ها

[لنا بالمغرب ذكريات]

لاهنت