أبيات مختارهـ من روائع الشاعر المميز حمد المسرع

شيخة قبيلتها · #1 14-05-2010, 08:05 PM

السلام عليكم ورحمة الله وبركاته ...

أبيات مختارهـ من روائع الشاعر المميز حمد المسرع ...

كان قصدك عذابي لاتوصي حريص=الزمن ما يقصّر وانت فيك ابركه
لاتعاند تراني صرت مثل القريص=ماحدن راح صوبه والعذاب انهكه

توك صغيره وابتديتي تحبين=من علمك ليل السهر ياصغيره
بدري عليك العشق يابنت هاللحين=حرام هذا القلب وشهو مصيره

ياليتني دكـتور عـيـنش واداويـش=في ذمـتـي لـرفـق بـهـا مـن غلاهـا
والله لـعالجـهـا مـن الـروح بـشـويـش=وامـسح دموعـش لـين تـرجع وراهـا

قالت اتوشوش؟ قلت طبعن أوشوش=تراش متّصله على بيت عجمان
قالت وش انتوا؟ قلت سيلن يطمّش=من يوقف بوجه الـسلاطيـن خسران

ابتدا التفكير والهم والهاجس رقص=رقصتن يغري بها الفكر في وسط الذهول
حابسن نفسي عن الناس كني في قفص=دارت الايام فيني ودارت بي الفصول

النوم سلطان ونعاسي غلب عيني=تصبح على خير واشوفك بعد بكره
هللحين اخليك لكن لا تخليني=الله معك ياغلا لكن على فكره

ياغزالن من حلاها ماقدرت أميّز=تايهن والعين من زين الغضي معذوره
جعل يسقا لا دخل سبعه ورحت أفيّز=نلتقي بالديره اللّي بصيفها ممطوره

ماشكيت من العذارى ولا ظبي البراح=اشتكي نار ٍ بوسط الظماير حارقه
ودي اطلع منك والصدر ماليه انشراح=همي اللي طاول الصدر ليت افارقه

تصبح على خير ياصوت ٍ يسامرني=يدفي شعوري ليامن عانق اسماعي
ليمن سمعته يسرّيني وياخذني=مدري على وين ياخذني وانا واعي

كتبت إميّة قصيده عقبها ألّـفت لي ديوان=لها تسعه وتسعين ٍ ووحده قلتها فامي
وجتني عقبها زعلانة ٍ وتقول ياخوّان=تحط اشعار في غيري وانا اللي ناشف ٍ دمي

ارجع ترى شوق قلبي صوبك مفوّل=سلّم علي وامسك الكفين بكفوفك
ماهوب انا اللي تجي تلقاه متحوّل=انت المعزّب وانا من خيرة ظيوفك
علمني انت بتجي أو عادك مطوّل=لني صراحه تعبت اشتاق ماشوفك

مايعيب اهل الفقر جلسة ٍ فوق الحصير=بس ربي لا كتب رزق للعبد انبسط
لا تطالع شيب راسي ترى ماني كبير=لا طردت الشيب مني على راسي قلط

الصاحب اللي ذقت احلى دلاله=من دلـّـتــه ياما وياما تقهويت
له منزل ٍ في وسط روحي لحاله=وفي كل شبر ٍ داخلي صار له بيت

من زمان مودّع العشق وايام الغرام=من زمان اعيش لـحـظـات عـمـري مـهـتـنـي
من زمان مـعانق الـغـيم واطراف الغمام=عـقـب ماروحـي شكـت لي تـقـول اوجـعـتـنـي

ليه تكذب بالمشاعـر وتلعـب بالقـرار=وانت خابرني من سنين لك ستر وغطـا
ليه حديت القلم يكتـب بيـوت ٍ قصـار=وانت تدري فارس الشعر للخيـل امتطـا

انا اشهد ان الحزن وسط الروح عيّن له مكان=والجرح يسكن في حشا روحي واخاف اقاشره
ياليت ذاك الوقت يرجـع والدقايـق والثـوان=والقا البعيد اللي قطع حبـل الهـوا واباشـره

لا جيت ابي غيره ضميـري تأنّـب=يقول لي غيره من النـاس مـالاق
محّشوم عنـدي وبغلاتـه إمّوجـب=يزيد حبه كـل صبـح ٍ ومشـراق
لعيونه اتحاشـا العـرب واتجنّـب=الحب واحد واعذب الناس عشـاق

مع اطيب امنياتي للجميــع ...