قصه جميله لشابان اخوان دنيا

[الجار الوفي]

[السلام عليكم ورحمة الله وبركاته
هذه القصه سمعتها من احد الشباب واعجبتني جدا(ن)
ألا انني لا أعلم عن صحة هذه القصه المهم ............
كان فيه رجالين عايشين مع حلالهم في البر وكانت صداقتهم قويه
لدرجة انه يقالهم اخوان دنيا..وكان واحد فيهم الي هو سعد عنده اهل
لاكنهم في قريه بعيده منهم وكل بعد وقت طويل ايمر عليهم ايشوف احوالهم.
اما صالح فماله اهل (مقطوع من اشجره)الوكآآآد عاشو الرياجيل ,,,,,,,,,,
وكان معروف عنهم الكرم والاخلاق الطيبه بس كان ايضايقهم قلة المال
والحلال مهوبكثير ..
بعد فتره من الوقت وسعد جاي بيسقي ابله على البير الا ذالبنت المزيونه
الي تروي قربتها !! سلم عليها وردة السلام وفيهاابتسامت الخجل
احتراها لين اخلصة وقعديسقي وهو عينه لها لين ادخلت بيتها
وكد البيت الاهو بيت (كبيرهم او اميرهم) الي على الما
رجع لخوه صالح وقاله الي هو شاف وقال انا ابيك اتخطبلي اياها
رد عليه صالح ...... ابشر وانا اخوك .... جهز حالك بكره انروح انخطبها ..
راحواليوم الثاني اخطبو المره وهيوبهم الرياجيل وفنو عليهم ((المهر))
وامهلوهم 6 اشهورارجعو البيت قال صالح لسعد ياولد من وين بنجيب ذالمهر ذآ كله
وحن ماعندنا الا ذالنوقات الي انتمنح منها قال سعد اسمع ياخوي !!!!
انابروح صوب ذالقرى كود اني اعينلي شغل واجمع من وراه المهر
بس انت ياخيك لا تخلي المره اتروح لين اجي ::::::::::
راح سعد .... احتراه صالح6 اشهر الأولا ماجا والثانيه ماجا
جووه اهل المره قالو وين سعد قال الغايب عذره معه قالو الرجال صارله سنه
قالهم الرجال رايح يجمع المهر واعذروه يارياجيل عطوه مهله بعد6 اشهر
خلصة المهله ماجا قالو الرياجيل ترى اول خطاب بيجينا بنزوجه
قبل تكمل اسنتين سمع صالح انه بيجيهم خطاب .. اسبقه صالح وخطب المره
قالو اشلون اتخطب وانت ماعندك مهر قالهم المهر ابلي بس خلولي ناقه
اتمنح منها واركب عليها ,,,, وافقو الرياجيل,,, وزوجوه
خذا المره وراح بيته وقالها اسمعي يامره والله ماخذيتش الا عشان احجرش
لخوي سعد لينه موصيني عليش قالة هذا خير ماسوية الله لايفركم.
اقعدو بعد6 اشهر ماجا الحين صارلهم سنتين ونص ماجا قالت ....
ياصالح سعد معد اضنه حي ماودك ندخل ونخلص (نعرس)
فال ..اذا تمت ثلاث اسنين اعرسنا !! !! !!
قبل اتم بشهر جاهم سعد انطحه صالح يالله حيه ارحب ارحب
ياولد انت حي ولا ميت اشغلتنا عليك ياخوي قال الا ابشرك اني ابخير
وحصلتلي شغل وقدني تاجر وعندي محلات(ن)في القريه وعادني برجعلها
بس تكفا يخيك افلانه وش اعلومها(المره)قال هذيهي في البيت خذيتها...
حجر(ن)لك وهي ذلحين طالق فقام وحب خشمه واشكره يوم جا عند الصبح
اعزمو الجماعه وسوو عرس(ن)جديد وعطى الرياجيل المهر ورجع حلال اخيه
اليوم الثاني عقب العرس حب خشم صالح وقاله انابروح لشغالي في القريه
وابغاك اتروح معي بس عيا صالح ايهمل البداوه والوحده الي هو عايشها
عقبه قال سعد انابروح بس انت لاتسج ان لك اخو دنيا اذا احتجت شي
من امور الدنيا مرني في القريه ... راح سعد ومرته وقعدصالح وابله,,,,
مرت السنين وصالح في وحده وكثرو عليه الضيوف وقل ماله
وكثرت اديونه..... عقب فتره فكر في اخيه سعد قال انا ليه ...
ماروحله اكيد بيسدد اديوني ولا بيساعدني !! !!
راح ينشد في القريه من بيت سعد قالوله شفه البيت الرفيع الي فوق السوق
دق الباب فرد سعد ..اقلط ..دخل الضيف الا ذا رفيقه صالح ...يالله حيه سلم عليه
تفضل .. تفضل اهنا تقهو وريح ولابغيت شي انزل للمحلات تحت ومهم بمقصرين معك
اناياخوك بروح عندي اشغال .. قعد صالح اشوي وهو متضايق اشهد(ن) الدنيا والفلوس
غيرت سعد رفيقي نزل مر المحلات قال سعد اموصيني اجيكم قالو ماوصانا بشي
تضايق ازياده مرله زاوية اجدار مهدوم قال خلني امسي والصبح اسرح لحلالي
يوم قده قبل الفجرالاصوت اثنين ورى الجدار واحد ايقول لثاني انت امسك هذا وانا بروح اسرق
الثاني قال .. في خاطره انا ليه ممسك هالحراميه يمكن ايجازوني اهل القريه بخير
قام عليهم ومسكهم قالو يارجل اذكر الله انت ضعيف وحنا اضعاف اخذ الصندوق هذا
لين انجيبلك الصندوق الثاني اذا طلع الزراق ماجيناك روح تراه حلال عليك
طلع عليه الزراق ماجووه انحاش بالصندوق وهو في الطريق بطل الصندوق الا كله ذهب ..
وفلوس راح الرجل سدد اديونه واغناه الله وبناله بيت(ن)كبير في قريه اخرى
يوم قده في بيته يوم من الايام الا ذالعجوز الي معها بنتها جايينه قالت العجوز......
ياولدي منت خابر احد يبينا نشتغل عنده قال الا انا ماعندي احد وابيكم اترتبون بيتي
وتغسلون ملابسي وافقو واشتغلو عنده وقعد كل ما صارتله مشكله
اتحلها له العجوز صارت العجوز مثل امه فكر في البنت وخطبها من العجوز وزجته
بعد فتره خطر على باله ياخذ راي العجوز في اخيه سعد..قالها السالفه (من _الى)
قالت روح وسولك عشا كبير في ديرة سعد واعزم كل ربعه واعزمه معهم
ولمنهم اجتمعو وتعشو قل السالفه... سوى كل الي قالتله يوم قال السالفه
طبعن ذكر انه حجر البنت وذكر كل شي وماقالهم انه سعد يومخلص السالفه قال..
لرياجيل وشرايكم في ذالخوي كالو سودالله وجهه الا فيه مافيه كلن قعد ايحط
ويقولون منهو ذالردي قالهم هذا الرجال الي بينكم سعد ..أفاا..افااا ..افاا
مايسويها سعد .. قال سعد ..اذكرو الله يارجال قالو لا اله الا الله..
قال اخي ماقصر يوم حجر وبيض الله وجهه وكل الكلام الي قاله صحيح
يوم جاني في البيت ما بغيت احسسه انه هو الضعيف وانا الغني سلمت عليه سلام بارد
ونزلت للمحلات وقلتلهم لاتعطونه شي نزلهم ولا عطوه وامسى في طرف اجدار مكسور
وسمعله اثنين بيسرقون كنزفمسكهم وعطوه الكنز صحيح ياصالح ولا لا قال ايبله صحيح
قال سعد انا الي مرسلهم لك علشان ايكون رزقك من ايدك مهو انك تحتاجلي
عقبه فر صالح بيض الله وجهك يارفيقي قال سعد لا لحضه لحضه عقبه
بنيتلك بيت وجاتك عجوز وبنتها العجوز شغاله ومثل امك والبنت تزوجتها
قال صالح ايبله صحيح قالسعد ترى العجوز امي والبنت اختي ..
قامواخوان الدنيا ضمو بعض وقعدو يبكون .. وارجعو جيران واخوان ..
وســــــــــــــــــــــــــــــــــــــلامتــــــ ــــــــــــــــــــــــــــكم
.................................................. ....................................
اسمحولي اذا اطلت عليكم او وجد اخطاء
.................................................. ...................................

[ضامي]

لاهنت يالشيخ

قصه رااائعه

["..عـَـذْبـًة الأطْـبـَآآآآع.."]

.
لاهنت على القصه
.

[سعود المعيضي]

لاهنت على القصه الجميله
هذي الصداقه على اصولها
تقبل تحياتي

[ناصر ال صليع]

لاهنت على النقل

[‏• فِرِِقِآإڪ خِيرِِهِہ ©]

لاهنت على القصه

[الجار الوفي]

يامرحبآآآآآ بكم والله لايهينكم على المرور

[النــ فهيــد ــاجعي]

لاهنت،،،

[الجار الوفي]

ولا انت ...ومشكور على المرور

[فهيد اليتيم]

بيض الله وجهك ياالجار الوفى على القصه وممكن تكون القصه قحيقيه لان الدنيا كلها تجارب وبلاوى ومنها قصص كثيره تشبها فى خوت الدنيا ومشكور