ليت السفر ممنوع!

[!! عـيـا الـبـخـت]

ليت (السفر) بين المحبين ممــــنـوع
تحجز(جوازت) المـــــــــحبين بالذات

حتى لوأن ( السفر) حق مـــشروع
المشكلة.. لأهل الهوى حزن وآهات

لاغاب (خلّك) والرجاء فيه مقـــطوع
لابه (رسايل) تاصلك واتصـــــــالات

الخط مغلق...كنّه (الكرت) مـــــنزوع
من ضيقتك تلعن جميـع الاشتراكـــات

تضرب على الكفّين والقلب مفــجوع
تضيق بك عقبه جميـع المســـاحـات

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمــــــوع
و(القلب) عايش بين حسره وونـــــات

لوّك تجر الصوت ماهوب مســـــموع
ياطول مـا بينـك وبينـه مسافــــــات

يمكن ظروفه متمشت له على طـــوع
ويمكن سلا فكره بروحـه وجيّـــــات

سايح بدار(الغرب) والأجر مدفــــــوع
يسرح ويمرح بيـن سجّـه ولـــــــذات

الجو صافي بين خضره وينبـــــــوع
وأنت بسموم(القيض) مابه إجــــازات

الهم مدهالك من أسبـوع لسبــــــوع
لاحل ذكرى (الترف) هلّيت عــــــبرات

صار(السفر) كنّه مثل حبّة الكــــــوع
جمع الحبايب سابع المســـــتحيـلات

بس الأكيد أن (الغلا) فيك مــــــزروع
(الحب) يبقى بالضمايـر ولا مـــــــات

الصدق قلته والزعل دوم مرفــــــوع

وقت(السفر) تبدي كثيـر المعانـــات

[ديمتري]

في ليل دامس ضايعٍ مابه شمــــوع
(الفكر) تايه فـي دروب المتاهــــات

(العين) تذرف بالدقايق له دمــــــوع
و(القلب) عايش بين حسره وونـــــات

الله الله بيت معبر وقصيده اروع صح لسانك يا !! عــيا البــخت...لاهنت تقبل مروري

[!! عـيـا الـبـخـت]

ولا انت ياخوي ديمتري وبيض الله وجهك انتظرووا المزيد... انشاء الله

[العجاجي]

بيض الله وجهك قصيده راقت لي تقبل مروري

[!! عـيـا الـبـخـت]

وجهك ابيض يا العجاجي هلا بــكـ زود وانتظروا المزيد....انشاء الله

[‏• فِرِِقِآإڪ خِيرِِهِہ ©]

عيا البخت الله لايهينك على ذا القصيده
وتقبل مررروررري المتواضع

[يوسف الثنيان]

صح لسانك وبيض الله وجهك

[غنآتي]