قصائد ابن الذيب وشين الحلايا

[العائذبالله]

الاخ المبدع العماني ..

لو تكرمت ان تتحفنا ببعض قصائد الشاعرين المميزين

ابن الذيب العجمي ... و شين الحلايا الدوسري

وبالاخص قصيدة ابن الذيب التي يقول فيها :

اشرب الفنجان واكب البيلة ..........طيب واحب سلم الطيبيني
وهي قصيدة رائعة تستحق ان تدخل ضمن المنهج الدراسي لمادة النصوص

الادبية حتى ينهل هذا الجيل منها ..

[العماني]

حياك الله ياالعائذ بالله

وهذه قصيدة راشد بن حسن ابن الذيب التي طلبتها،وراح بزودك بقصايد محمد بن ناصر الرجباني (شين الحلايا) بوقتها ان شاء الله.

قالها إبن الذيب من هاجوس باله=كلمة(ن) يلعب بهـا والبـال زينـي
قالها يومه طراله ما طراله=مـن هواجيـسٍ تشيـب المرضعينـي
غرّني بعض الرجال بكثر ماله=مادرى إن الموت في حبل الوتيني
كيف ينفعني وبعض الناس خاله=ما يقوم البيت دام الساس طينـي
ماش وين اللي عوايده الشكاله=مثل إبن ظافر حمـد ليتـه يجينـي
الثنا والجود دايـم فـي خيالـه=علّمـه ظافـر سلـوم الطيّبينـي
جوّد العليا ولزّمها عيالـه=وأدركـوا مـن علمتـه دنيـا ودينـي
واهني من باع حظّه وإشتراله=سار في درب النبي وأخزا اللعيني
موقفه ماكل رجّـالٍ ينالـه=ومـن بغـا ممشـاه يقعـد مرّتينـي
وكم ذبح من حايلٍ من حر ماله=وعادته لطمـة خشـوم لعايلينـي
حالفٍ ماخذ على الطرقي رياله=وبالثلاث محرّم إنها مـا تجينـي
لا لقيت اللي على السكّه لحاله=يلتفت ويقول : ويـن المستحينـي
أوقف الموتر حيا وأبغا الجماله=يوم ولد اللاش وجهه مـا يلينـي
والطمع في كرّوة الرجلي رذاله=خصّ به وإن جا مجال الغانميني
والردي في حالةٍ ماهيب حاله=يا عوينـه مـن كـلام الطيّبينـي
الولد وان طاب قالوا :من خواله =وان تردى تر خواله خايبيني
الولد وان طاب طيبه من خواله =بالخوال يسال قبل الوالديني
وأركبه لعيون من زينٍ دلاله=ما تحاكـوا فـي قفـاه الرامسينـي
ما بغى غيري وأنا مابغا بداله=قاعـدٍ لـي بالرجـا مـدّة سنينـي
ما قعدنا فالعمل نبغـا الرزالـه=ناخـذ العليـا طريـق الفايزينـي
وأشرب الفنجال وأكب البيالـه=تابـعٍ سلمـي سلـوم الأولينـي

[فيصل بن حجرف]

السلام عليكم
اخواني يرجى تزودينا بقصة هذه القصائد بما انها في ديوان قصه وقصيده

وا نقلها لديوان الشعر اذا كانت قصائد بدون قصة

[مـحمـد]

[بندر]

الله لايهينك على المجهود الطيب يالعماني
والشاعر راشد ابن حسن ابن الذيب رحمه الله كان طيب وكان مايمر عبريه الا شلهم معه ويقولون انه مره وقف لعجوز ومعها حمارها فقالها اركبي والحمار مهيب شايلته السياره فقالت:خلاص رح انا بنتظر ابن الذيب عندها اركب الحمار وقال لها انا ابن الذيب يابنت الحلال
وكانت نهايته بعد ان اوصل احد العبريه الى نجران في حادث سياره
ونسأل الله له الرحمه والمغفره

[مـحمـد]

مزبن المجرم
هذه القصيده مناسبتها القصه اللتي قلتها انت

[العائذبالله]

بيض الله وجهك يالعماني على هذه القصيدة واعذرني على التاخير لانني مالقيتها في قصة وقصيدة..

عزيزي من هو ابن الذيب هل هو عجمي او مري ؟

والعماني هل هو اسم للدخول في الموقع ..

اذكر ان هناك اسرة من يام يقال لهم العماني ..

[العماني]

كاتب الرسالة الأصلية العائذبالله
بيض الله وجهك يالعماني على هذه القصيدة واعذرني على التاخير لانني مالقيتها في قصة وقصيدة..

عزيزي من هو ابن الذيب هل هو عجمي او مري ؟

والعماني هل هو اسم للدخول في الموقع ..

اذكر ان هناك اسرة من يام يقال لهم العماني ..

ووجهك أبيض .

ابن الذيب عجمي من آل ضاعن.

وانا طال عمرك من العماني الدواسر.

تقبل تحياتي،،

[العائذبالله]

لاهنت ياشوق البنت..

والنعم بالعماني الدوسري .. وترانا مانسينا وعدك بنشر قصائد شين الحلايا

[راكان اليامي]

الله لايهيييينكم على المجهود