،
بسم الله الرحمن الرحيم
وش كثر باقي على الليل ويَنام؟
........... لو سألتك؟ قولي: لا جيتك أنا ..!
يا صباحي .. لو تعرفين الهيام
........... كان أخذتيني إلْ أحاسيسك ضنا
يِتعب الدرب الطويل أهل الصيام
........... وتايهك .. ماله بعَدك إلا الفنا
ماتخيّرت العشق, لأنّه حرام !
........... إيــــه لا أصبح للجسد كله عنا
حتى روحي وُسّمَت بالإنهزام
........... ياضياع العرش من كفٍ بنا
ما جنيت إلا هواك .. وليت دام
........... وغيري إلْ كلك بلا موعد جنا
صاير إلْ ساعات باكر ازدحام
........... من رحلتي والزمن واقف هنا
آه يا باكر .. تخيلته لا قام
........... كيف كان يرتّب الموعد لنا!
يا حبيبه .. ما على مثلي ملام
........... وحسرتي تحرمني إحساس الهنا
والله إني راضي في حضنك أُظام
........... بس ما أبقى الغريب اللي انثنى
الأسير يكون له سجنه وسام
...........لكن بدونه .. هو اللي إنحنى
كم تمنيت أسرق الضحكه وأنام
........... من شفاه الداله .. اللي ما عنا
وكم كرهت أعيش عاشق مستهام
........... عن وصال معذّبه .. ماله غِنا
في عَرق يمناك للجرح إلتئام
...........وأنتي إلْ هذا الجسد مثل الأنا
كنت أبي .. بس ما رضيتي الإلتزام
........... ووش يفيد إن صنت أنا ما بيننا؟
والنهايه عَ الهوى الصادق سلام
........... دكّه غيابك .. وطيّرته أنا
للشاعر فارس الجعفري
،
24-06-2010, 05:50 AM
وش كثر باقي على الليل وينام ؟! تَسْألني ؟ أكيد لا جيتك أنا
العرض العادي
