قصيده في قبيلتي قبيله العجمان

[بو بدر الكفيف]

قصيدة في بني عمي طويله
على الصخري أحاول وأرتكي له
بني عمي سلاطين المجالس
شياطيـــــن الوغا عــــــــز القبيله
نزلنا والطويل يقود جمعه
رجال(ن) من ســــلالات نبيــلــــه
سكنا في رحى وادي يهول
وكل(ن) بالشدايـــــد يحتمـــــي له
وفي ليل العيينه والبنادق
بطشنــــــا في فهـــد ويا عميلـــــه
خذينا ثار ضيدان بن خالد
ومن يغــــــدر بنـــا يا عزتيــــــــله
تشوف الجمع يمناك ويسارك
مع خيــــــل تعلى فــــي صهيلـــــه
تفج نحورن فرسان ومشايخ
وكل(ن) بالوغـا (( خلى خليلــــــه ))
وفي جوده مع كنزان نفخر
وبالهيجـــــا فعايلنــــــــا جزيلــــــه
(محافيظ) المراجل والكرامه
هل الطولـــــه فعايلهم جميلـــــه
(نواجع) للزمن عز وشكاله
مكانتهم على راس الطويلــــــه
(بني هادي) طحاطيح المجالس
رجالن ماتعرف المستحيلـــــــه
(وآل سلبه) زيازيم الحرايب
رجال(ن) مايعرفون الهزيلــــــه
(آل مصرا ) صناديد الفعايل
رجالن مايعرفون الثقيله
(وآل ريمه) مشاكيل ودواهيل
ليا ركبو على سرج الكحيــــــله
(صوالح) ياسعد منهم سناده
رجال(ن) ما تعذربهم فشيلــــــه
مع (آل لزيز) نفخر في نسبنا
ليا ثار الفشـق قــــــدح الفتيلــــه
(شوامر) لا اعتلى صوت البنادق
كبوووود إللي تحاربهم عليلــــه
(هتالين) الحرايب والمعزه
ومن يغزي عليهم طاح حيلـــــه
(سفارين) الكرم والجود فيهم
ومدحي في فعايلهم قليلــــه
(ضواعن) هم بعيدين المغازي
سمات المرجله فيهم خصيله
(وآل حبيش) ذربين المعاني
وكم شيخ تعجل في رحيله
(وآل خويطر) رجال الملاقا
وكم شيخن رجيله ماتشيله
(وآل سليمان) ربن المجرمينا
سيوف للعدا دايم صقيله
(وآل وبير) فرسان الصعايب
كما ويل تحدر من مخيله
(وآل مفلح) مصاعيط المجنن
يعاون صاحبه دايم عليله
(وآل عرجا) أجاويد وأكارم
ألا ياويل غازيهم ياويله
مرازيق محزمه القنازع
وياميه خناجرهم سليله
سلام الله على يام العريضه
سلام يعتني لي وأعتني له



مع تحياتي ابو بدر الكفيف

[فايز بن محمد الفايز]

صح لسانك

كفو بالعجمان

لاهنت يابو بدر

[بو بدر الكفيف]

المشاركة الأصلية كتبت بواسطة فايز بن محمد الفايز

صح لسانك

كفو بالعجمان

لاهنت يابو بدر

ولا انت يا بو محمد

والله و الف نعم بالعجمان

[بـداح عـبـدالـله الجـعيـديـه]

لا هنت ياعبدالله

عى القصيده وتسلم يمينك

[فايز الحويله]

صح السانك يا ابو بدر

ويعطيك العافيه

وتسلم يمناك علي النقل المبدع

وارجو منك الابداع دايم

تقبل مروري

[بو بدر الكفيف]

المشاركة الأصلية كتبت بواسطة بـداح عـبـدالـله الجـعيـديـه

لا هنت ياعبدالله

عى القصيده وتسلم يمينك

ولا انت يا بو عبدالله

بس اقوول ترى انا ماني بعبدالله انا محمد

[بو بدر الكفيف]

المشاركة الأصلية كتبت بواسطة فايز الحويله

صح السانك يا ابو بدر

ويعطيك العافيه

وتسلم يمناك علي النقل المبدع

وارجو منك الابداع دايم

تقبل مروري

صح بدنك يابو عبدالله و شرفني مروورك

[مطنوخ خلقه]

صح لسانك

وبيض الله وجهك على النقل الجزل الي يشوش

[بو بدر الكفيف]

صح بدنك

و يسعدني مروورك

[(سعد بن محمد)]

صح السانك واعتلى شانك