قصيدة خالد الفيصل..

[نوال]

يقطعك دنيا ماله أول وتالــــــي
.........لوأضحكت! للغبن تقرع بالأجــراس


المستريح اللي من العقل خالــــي
.........ماهو بلجات الهواجيس غطّـــاس


ماهو بمثلي مشكلاته جـــلا لــي
......... أزريت أسجّلهن بحبرٍ وقرطـــاس


حملي ثقيل وشايله باحتمـالــــي
...........واصبرعلى مر الليالي والأتعــاس


وارسي كما ترسي رواسي الجبالــي
............ ولايشتكي ضلعٍ عليه القــدم داس


يابجاد شب النّار وادن الدلالــــي
............ واحمس لنا يابجاد مايقعد الــراس


ودقّه بنجرٍ ياظريف العيالــــــي
............. يجذب لنا ربعٍ على أكوار جــلاس


وزلّه إلى منّه رقد كل سالـــــي
.............. وخلّه يفوح وقنّن الهيل بقيـــاس


وصبّه ومدّه ياكريم السبالـــــي
............. يبعد همومي يوم اشمّـه بالانفـاس


فنجال يغدي ماتصور ببالــــــي
............ وروابع تضرب بها أخْماس وأسداس

["..عـَـذْبـًة الأطْـبـَآآآآع.."]

صح لسانه ,,
وتسلمين يالغلا ع النقل الرووعه ,,

[نوال]

صح بدنش عذوووووبه..

نورتي صفحتي ..

لاهنتي ..

[مطنوخ خلقه]

صح لسان الامير
الله يعطيك العافيه على الطرح العذب

[نوال]

الله يعافيك ..

لاهنت ..

[دوسري يحب العجمان]

تسلم يمناك اختي نوال
ابيات رووعه وجزله واختيار راقي ومميز
هذي الابيات للشاعر محمد السديري ومطلع القصيده :
يقول من عدى على راس عالي
رجمن طويل يدهل كل قرناس

حبيت اوضح انها لسديري مو خالد الفيصل

لاهنتي على الذووق الرائع

[نوال]

لاهنت