كون ويسه والتامتين

معقل الخبلان · #1 21-06-2005, 10:12 PM

كون ويسه وتعرف كذالك بالتامتين
صبحت قبيلة بني هاجر قبيلة ال مره في مكان يقال له ويسه ثم نزحو ال مره الى التامتين ولحقو بهم في التامتين حول الاحساء وودارت المعركه بينهم وانتصرت قبيلة بني هاجر و وحسب عرفهم ان بني هاجر ردوا القضاء في هية البرنس الذي لم يكن بها الى جمع قليل من بني هاجر وكانت هية وسيه او التامتين اخر هيه جرت في منطقة الاحساء بين بنمي هاجر وقبائل اخرى بعد ان وحد هذه الجزيره الملك عبد العزيز ال سعود طيب الله ثراه

فقصد الشاعر الفارس حرفاش بن ناشي الكدادي

وقصيده له ايضا رحمه الله
يرد بها على احد قبيلة ال مره

ان كان يطري البرنس فاخذت الحله= الكثر يغلب الشجاع ودبرت الوالي
منا خذو كل عود ن صايبه عله= خذنا قضاهم سريع كل عيالي
ترى اول الجمع عرضناه سيف الله= اللين خذينا اعيال سوقهم غالي
مامر على التامتين وشاف فعل الله= نسوانهم تداوج مالها والي

القيهبان · #2 21-06-2005, 10:47 PM

الى اخي الغالي

رغم اني حاولت ان ارد نفسي عن الرد لان التهويل سيكون له نصيب في قاموسك ولمن احببت ان اخبرك ان المبرنس حدثت سنة 1898 م اي اخر معركه بين القبايل في تاريخ السعوديه لان ال مره كانت اخر قبيله بايعت...

يعني القصه من نسج الخيال...

ولكن عندي سوال لماذا سمية في قطر الابرقه..؟؟؟

لان البراق قتل عندها على يد العقيد محمد الدعيه...

اما جنيح فكل يعلم انه للمره عليكم ولا الومكم اذا قلبتم الحقايق ونسبتوا الرياحيه وكنزان لكم وهي هزايم بشهاده ابن عفيشه...

اما الشئ الثاني هذي قصايد تثبت الحقيقه::

فقال الفارس المشهور شويرب المري

يا راكب حر شدوده تغايير.............ولد ارك ما قلطوا له زواره
ينصى قروم يحتسون المسامير....بالشحم واللبن اللي يزيد بهاره
يستاهلون امبهر اللبن لا دير.......وحنا السنام اللي يتيه حواره
جاو الهواجر عانة في المسير.....وارخوا قاب الخيل والجيش غاره
اما عطيتوا الخيل بيض الغنادير....ولها سعيتوا في دروب الحضاره
ويقول ناصر قافل الصيد ما ذير....ويدور لنا وسط القبايل دواره
صيده رمى به والسبايا مدابير......هل سربة تجعل بكبده مراره
اقفى مثل العلق من على البير.....يرفع صوته ماحد زيد زاره
ربي مقدرنا على الشيخ تقدير......كم شيخ قوم قدينا وداره
ربعي تحرص عند تالي المظاهير.....تحريص طيب ذمة في دباره
اذا اقبلوا كنهم اعيال السفافير.......وان دبروا ما شيف فيها نياره
يا ذيب فوده ناد ذيب الجوافير........دونش لحم واهتجي من قفاره
حتى سباع بحيلق عينت خير.......تسبن وتلبن وامتلبن الحجاره
اشلى له ان قعد في المقاصير......في دار عيسى سعد من زيد زاره
يبغي ابلنا من دونها ينعق الطير.....وهو يحسب انها من جواني العماره
كلها لعينا خلفها والمعاشير.......والكاعب اللي طار منه اقشاره
ارخصت شيبي عند تالي المظاهير....يوم الذليل جاعل روحه اتجاره

وهذي اخرى في جنيح اللي قلبتو حقيقته:::

يا راكب وجنا عليها كلافات..........تشدي لهيق حقق الشوف ذاير
تلفي على راعي الحكايات الجميلات........فان كان فكره في التماثيل حاير
ان ناصر ميت ما بعد مات........الله جعل يومه قد العج ثاير
متوسد عيد الركاب الونيات..........ومتلحفن من لابسن الشهاير
غاروا علينا جامعين العوانات..........طامعين من خلفاتها والعشاير
وحنا نطحناهم على ظهور زلبات......نعطي على يوم الملاقى البشاير
عقيدهم مطروح قدم المغيرات..........ومقابله جملة خيول عقاير
يا ما رمى عنده شجعان له اصيات......عليه شقن الصبايا الستاير
فعلن نفلنا به جميع البداوات............مع كثر ما مريت غاير
هل سربة تقبل على الموت عجلات........وان دبرن لاكن قدهي نحاير
نطعن لعيون الفتيا الجميلات...........لا طار ستر البيض والصوت غاير
لعيون طلعات العشاير وخلفات.........في وردنا ما حن نهاب الخساير
يستاهلون مقند اللبن الافوات............وحنا السنام مشمرخ والفقاير
صلنا وقدنا للسرايا هل ابيات.........مع هجمة فيها تضيع الفكاير
سرنا وجيناهم على خمس شدات.......نسبق بها الغارات قبل النذاير
واقفت بها طوعات الارسان عجلات...من الوهد ومعكفات الجماير
يا ير قلبي يوم راحت بهم افوات.........متغانمين بالشفن للحواير
خلوا المباني والصبايا والستيرات.......عقب المباني يجعلون الحضاير
نزلنا غصبا نزلة ما به جات.......يرسم بها كبد الحفيف المقاير ..

وهذي الاخره يا الغالي

غزت قبيلة بني هاجر (( المخاضيب)) على فخيذة من ال مره في مكان في الجوب جنوب الجافوره , والمكان يقاله ( عطسه) بير وكان على البير فريق من ال مره وكان القبيلة الغازيه ينتظرون وراد اللبل الحاصل ان القوم غاروا على الفريق القطين ففزعت حدى البنات وطلعت لها على راس خيط وقامت تحثي بالتراب تبقي جماعتها اللي وزانهم يشوفونها,, فشافها حداهم وصاح على الرياجيل وغاروا ربعها على المعتدين وكسر من القوم ثلاثين خيال منهم الفارس(......) من الركابين وترثته موجودين اللحين في الريان ومعروفين. وفض بن خليل على ذلوله الهميم( بتشديد الياء) وهو مصوب وغنموا منهم سلاحهم............. الخ
وشعر الفارس راشد بن المغرز النابت المري

صاح المصيح وأعتلى راس مشذوب ......................................... نف التراب وجاه دقل الفزاعي

وانا مع اولهم على كور مرعوب............................................. . لاني من ذهني ولانيب واعي

كل أقشع(ن) مدوخل(ن) في سمل ثوب..................................... نقله من البارود في القرن صاعي

ياما حديناهم مع ضنك لهبوب ....................................... ظنك(ن) وهو من عقب عطسه وساعي

شبهتم بحشو(ن) على السوق مجلوب............................. وطي عليه الحد يوم إستباعي

تبري الحثايم كلها هية الجوب ...................................... بانت من إيمان السكارى النواعي

كله إللعينا اللي من البيض مسلوب................................ فيها الجمال إلا رمت بالقناعي
وسوالم

وقال ولده الدواي

يوم(ن) على عطسه قليل(ن) مثيله................................. وأنا أحمده نصر الشبب فيه ثاير

يوم إللتقينا فوق جا ل النثيله........................................ حل البلا فيهم وجات الحشاير

ياما حديناهم بخجما(ن) دويله......................................بارودها سوى سوات القثاير

وبن خليل(ن) طق يبقي الحليله................................... فوق الهميم واستقاد الكساير

كله لعينا كل ملحا جثيله.......................................... وإلا كبار مغرزات العشاير

وهذا يوم جو النعامه الشهير::

هذه القصيده لأبن رهمه وحضر تلك المعركه ويصفها رحمة الله عليه :-

الله من شي جرى يوم الاثنين........ ثور على جو النعامة اقتامه

راحوا علينا مابعد حن بدارين........ مثل الجراد الى انتشر من تهامه

والله لو إن خيلنا في الثلاثين ......... ان يرسى بيوم يوم جو النعامه

فإن خيلنا ما غير تسع وثنتين ........ ومن عانه الله ما تردا مقامه

وقام ابن عايد يزهم الربع لدنين ...... قد هو يبغي سابقه والسلامه

اقفى يصيح وينعت الربع الادنين......عقب الطمع يقول يالله السلامه

كنه الخريش اللي خريشٍ زمانين ..... ما عاد تظهر من سواد الجهامه

يا مخصي الخرفان يابوعباتين ........ عبدٍ مليك ما ظهر من عمامه

قدحن على قبضة ابن عايد شفقين....اشفق من القرناس قبض الحمامه

قطعانا ترعى الخطر بين حدين........وتنزل اذا كثر الخطر وازدحامه

ياسبعة الجيبان يلي تجوعين...........دونش لحم صيد اعظاما جسامه

خذالله روحش منتي تجازين............فهودش اللي كل يومٍ لش كرامه

ولا انسى قدام والا ننسى مقتل ابوضرس وغيرهم

وللعلم ناطى دياركم في ما مضى

واحب انهيها بملحمة المبرنس والبتيل::
وهذه قصيدة سالم الحايف علية رحمة الله:

راكب اللي تنهد الكور وتشله ,,, دارب مافوقها كون هولاني

إن لفيت خميس بألخبر قله ،،، والبشير يطرشه صوب ضيداني

خبره باللي جرى عقبهم كله ،،، وامدح اللي يجعل الروح نيشاني

والهواجر جمعهم ما نوى الذله ،،، لين شافوا صادق الموت عزراني

جمعنا بجموعهم جنب الحله ،،، في نحانا طايح كل ديقاني

جاونا بسبيع ومطير بالسله ،،، من كتب له قدرة جالها عاني

يوم ذيب مصلخ جاه رزق له ،،، والسلف رده على ذيب كنزاني

من نزل بالحبل ذبحه على حله ،،، كون ياخذ من ضنا يام جيراني

وهذه قصيدة الشاعر عامرابن طفله علية رحمة الله:

راكب اللي مشيها زرفال** صوب بن شافي برد علوم

خبره فن جمعنا العيَال*** يجعل الجمع الكبير اثلوم

حن هل العادات وهل الأنفال*** مارضينا بالهظايم دوم

بيرق يمشي بقصف آجال*** والمحرج للعمار يسوم

مانربي الخيل والجهال*** كون نبغيهم لمثل اليوم

بشرو ذيب لحقه الحال*** بالعشا من ضربنا المسموم

وهذي قصيدة نغيمش الشولاني العجمي اللي كان حاضر في المعركه.. علية رحمة الله:

ياراكب اللي كنها فـرد غـزلان,,,,,,,,,,,,,,,لاصاعها من يمة الريـح زيلـه

تياسرت مع يمة الجـدي لابـان ,,,,,,,,,,,,هجنٍ عليها في المساري دليلـه

فاءذا لفيتو شيعو ذكر ضيدان,,,,,,,,,,, اللي تعدى الجيـل الاول وجيلـه

قولو سلام الحرص ياطير حوران,,,,,,,,,,,بحفوةٍ يا اللي علومـك جميلـه

انـا بشيـر للمعـادي بخـذلان ,,,,,,,,,,,,,عزٍ للراسـك ياذعـار الدبيلـه

من هازنا زرناه بخشوم الاضعان,,,,,,,,,,,ومروبعات في المنـازل ظليلـه

يبرى لها من يمة الخوف فرسان,,,,,,,,,,ومالٍ الى نوخ يشيبـك عويلـه

تراوحت صم الحوافر بفرسـان ,,,,,,,,وتخالفو ضرب اليدين الطويلـه

سرنا عليهم والسفر ما بعد بـان ,,,فعل الله الماضي على كل حيلـه

ياميةٍ في حومة السوء ظفـران ,,,,,,ياما ذهب في وردهم من قبيلـه

يامن يبشر بالخبر ابن سلطـان ,,,,,,,,,,,سبـع القبايـل فرقتهـم قبيلـه

ياليتكم شفتـو طلقيـن الايمـان ,,,,,,,تنخاهم انساهم وراحـو سحيلـه

حنا انتصرنا والمعادي بخـذلان ,,,,,,ولا يامن الاحكام راعي دغيلـه

زيزومنا بو راشد ذيب الاقـران ,,,,,,حييت يا شيخ علومـك مهيلـه

شيخٍ ليام الى امتلى الجو دخـان ……. لاهوم شيال الحمـول الثقيلـه

وهذه قصيدة راشد ابو صيبعه... علية رحمة الله:

انا هاض مابي قنوف تزبرت ......... بين المبرنس والبتيل شتعالها

حقوق مطرها وبلها سم هالك ..........وسقينا الهواجر يوم كدرت حثالها

والبير الى عادت هيام تقضبت ........ مايرقع المايح الى رش جالها

سرنا عليهم حين ما ردوا البرى........ حتمة النفوس قاربات آجالها

لعين بلاع ذبحنا ابن سنبل .......... وراحت به الضبعة تعشي عيالها

ذبحنا مبارك غدة الجوع والضماء ...... عنت له القدره وهو ما عنا لها

وكله لعين بيضاء عفيفه ........... اللي نهار الهوش تنخا رجالها

ولا لعين كل ملحا مشرهفه ............... قمنا النوخها ونثني عقالها

وهي الطول من ذلك

وهذه قصيده شافي بن محوال... علية رحمة الله:

جاو العوازم والهواجر من قُطر ............ وسبيع ومطير يبغون الجهام

لجو علينا كلهم لجة جعر ............. وكل علينا من عداوته ستقام

قمنا لهم من دون حسكات الوبر ............. دون ابلنا نكسر صليبات العظام

مخيلة هلت سحايبها المطر .............. وين انت منها يوم هلت يالخمام

يدفق بها سيل من الدم الحمر ............... والصوات حمران النواظر والكتام

الهاجري يخنق وعيا يستقر ................. بالحكي والا الفعل ما عنده زحام

يحرم عليكم منزل الروض الخضر ......... ماتنزلون الا بديران الوخام

حنا تذيلنا مواسيكم كسر .............. الين باقيكم زبن ولد اليمام

وهذه قصيده شويرب المجاحيد. علية رحمة الله:....

ياركب حر بدا راس نابه .......... مافوقه كون الميركه والشدادي

منصاه مطروش يجر المهابه ....... اللي فضا العسكر بليلة هجادي

والله يالولا سيته وانقلابه .......... ان حن هل العيلات واهل المعابي

والهاجري شبشب علينا الحرابه ...... والله جعل حربه لجنده نفادي

تناهقت معهم حمير الشعابه ........... وعلوى جاك منهم جرادي

والكل منهم جاك ينقل زهابه .......... يبغون خلفات عليها العتادي

مطاولتنا من عصور الصحابه ........ ونعطي لبنها للي له الوقت حادي

من بغى ربعي خذينا ركابه ............ نقرش عليها من حلال البوادي

فأول شببنا الفقم ربي حدا به .......... وجمع العوازم حل فيه الحصادي

سرنا عليهم سيرة طلابه ............ ضمينها حرص وجاء في البلادي
كم سابق خذنا رسنها نهابه .......... وكم خير يجعل بردنه اقنادي

وكم جودل لهم طلع في حداده ......... عقب الطرب تلبس ثياب الحدادي

وكم جودل منا درع في ثيابه ........... من وقع اهلهم يلبسون الجدادي

من عقب ذا كل يهمل ركابه ........... في الحبل خلوها بليا قيادي

وانا حاب اكتفي بهذا الحد واقول لا تنسوا يوم العقله يوم انكم مع ابن ثاني وترى موجوده القصه بقصايدها..

وانتم تعرفون ال مره والعجمان ياخذون ابلكم بالغصب والسيف

ولا ننسى العيينه والريااااااااااااااااااحيه وغيرهاااااااااا

ويوم مقتل ذرباااااااااااااااااااااح وهية الحساء...

ولا انسى المناعيه وغيررررررررررررررررررررررها

وكلها متوفره غير طعني واللعن الشيطان

اخيك محبك يا مي واعتز..

Abdulmohsin · #3 21-06-2005, 11:18 PM

مشكور على التوضيح يالقيهبان يعطيك العافيه

معقل الخبلان · #4 22-06-2005, 08:12 AM

الاخ يامي واعتزي اضحكتني الرنس كانت 1333هجري ولم تكن على بني هاجر بل كانت على جمع واحد فقط رجال قليلي كما وضحها الشاعر والفارس حرفاش بين ناشي
واضحكتني يوم قلت جنيح لكم هذا يدل على عدم معرفتك بتاريخ قبيلتك والقصايد اللي انت جايبها ماتدل على انتصاركم في جنيح واضحكتني عندما ذكرت معارك غيرك اللتي لم تكن ضد بني هاجر

والهواجر جمعهم ما نوى الذله ،،، لين شافوا صادق الموت عزراني

يايامي يليتك تفهم اشوي والهواجر جمعهم مانوى الذله يعني جمع واحد والجمع المعروف انه مية شخص ضد قبيله بالاف والكثره تغلب الشجاعه
واذا هذا اسلوب ردك واسلوب مناقشتك مارحت ديره

الاخ عبد المحسن اضحكتني بتعليقك اي توضيح الله يهديك

Abdulmohsin · #5 22-06-2005, 08:26 AM

معقل الخبلان

الظاهر انك تبي من يعقلك شوي وبنسبه لبني هاجر ونعم ولاكن الشمس ماتحجب بمنخل

حذيم · #6 22-06-2005, 10:06 AM

يعطيك العافيه يالقيهبان
واتمنى منك ومن اخوي عبدالمحسن انكم معاد تردون عليه

القيهبان · #7 22-06-2005, 10:12 AM

حبيت اختمها معا هذا الشخص بكلام يدك الجبال

واقول يا معقل الخبلان

انا ما ازور والتاريخ يشهد لنا حتى ابن عفيشه شهد لنا ان الطوله لنا واليك قصيدة ابن عفيشه عساها بس تكون كافيه لك رغم اني اعرف انه ما يقنعك العجب والا الصدق..

لا شك ما اتعبنا يكون محلفنا.....................يام مكتفة الجمل في الحريبه
اللي اللى لقوا لنا الوجه خفنا.....................من حيث لقواهم علينا تعيبه
والى تصالحنا جحدنا جنفنا......................وكل ولاخر سكر في حليبه

جنفنا::::اي المواجع والالم التي لحقت بهم من يام

واقول اذا تمدحت بفعول ربعي فهم يام مذبحين الشيوخ..

واحب اتزقف عن هذا القدر

ومن دق الباب جاه الجواب وانا اخوك

فمان الله

والى عبد المحسن وحذيم خالص السلام

يامي واعتز سابقا

معقل الخبلان · #8 22-06-2005, 10:21 AM

اضحكتني بشده يا يامي واعتزي

حتى ابن عفيشه ماسلم من تزويرك

ياخي كمل القصيده الله لايهينك

وهذه القصيد كامله

ياهيه ياللي بالكلام اختطفنا
لاحلك الله عرضنا وش تبي به

لاباس لامن بالكلام اعتطفنا
لاعاد مايقدر بنا الا عبيبه

ماهوب عيب لاعمرنا طوفنا
والبيت الآخر فالفضا نبتنيبه

لامن قبضنا مشبر منتقفنا
ماهيب تخلفنا العلوم المريبه

لو من بغانا بالتماني خطفنا
كان الموالي حطنا له كسيبه

لكن لطم العايل الله حسفنا
مايهتني بالشرب من حن شريبه

عوجان ماكل يعدل صدفنا
ومضرب هدفنا مايسره طبيبه

لامن رمينا بالتفق ماشطفنا
نكسر مواسيط العظام الصليبه

ولاننفد العده الامن رزفنا
الا ايلا قابل طنيب طنيبه

نصبر بلطمة حفنا في نعفنا
من حيث وافي حقنا نقتضيبه

وايلا غلبنا مانكسر حسفنا
لابد له في مثله كسر هيبه

لازان مضرابه عليه انتصفنا
فأيلا جاه مردود البرا يرتضيبه

يا ما شكت عوص النضا من صلفنا
ناست بنا ضد رهجنا قليبه

وعجنا ودجنا في رسومه ولفنا
ومن راس مضماه اختطفنا عزيبه

وياما مشى قد الضعاين سلفنا
خيل وجمع لا مشى له حطيبه

وان خايع الأزهار نبته قطفنا
وصدنا الجوازي في ملاوي شعيبه

ونجعل رفيعات المنازل غرفنا
لو هي على حد الخطر مانهيبه

وايلا من عقيد باحتماله خطفنا
جانا مع سد الغبا يتقي به

اول طوارف نشرنا له لففنا
ونلطم رثامه حين مانلتقي به

وايلا دهمنا طامع في عطفنا
في باله انها عند الأول نهيبه

ناتيه في حال تغير شيفنا
وترجع صورنا غير ماكان هيبه

شينين وأشين من شيفنا شلفنا
شلف تفج السابعه والتريبه

وايلا من الخفرات العماهيج شفنا
حسر وكلن سترها تنتخيبه

نثني عليهن لو يصير بتلفنا
بسيوف شل الراس ماتلتهيبه

لو كان تكثر في المعاره جيفنا
لعيونهن سوق الفنا نشتريبه

في ماقف من دمنا به نشفنا
من بين نظهر منه او نختفي به

ومن طاح منا عند راسه صنفنا
عرج بنا صم الرمك تلتوي به

وعاف الضديد وشاف منا عففنا
وأقفا على الامتان ينقل صويبه

من حربنا سامح وألآخر لقفنا
سبره يبارينا ويبدي رقيبه

ننزل جهار بغير جار سلفنا
ونرفع مبانينا بالأرض العشيبه

وايظا الى ضاع السحا له طنفنا
ونجير محتمل الطلب من طليبه

لابت مخاضيب عزيز شرفنا
ضياغم طيب النبا نكتسيبه

كل ايلا قر القرار يعرفنا
هواجر مخراجنا يندريبه

باقصى المشارق لاتهامه طرفنا
والجد قحطان الذي نستميبه

ماقول بالعليا على الناس طفنا
بل كلهم قسمه بها محتظيبه

لاشك ماتعبنا يكود محلفنا
يام مبركة الجمل للحريبه

لاكن لامنهم نصونا وقفنا
لوكان لقواهم علينا صعيبه

وايلا تصالحنا جحدنا جنفنا
كل والآخر سكر في حليبه

ومن زار منهم نعتبي له ضيفنا
وجزل الكرامه عندهم نحتريبه

وان جات من الأقصى عليهم شنفنا
معهم ولانرضى عليهم غليبه

ولاعودت من بيننا وانحرفنا
كل على البيضاء يلاعب صحيبه

ياما خذوا منا النصف وانتصفنا
منهم ولاأحد داس درب يعيبه

تمت وصلوا ماسعينا وطفنا
على نبي بالهدى نقتديبه

فيا مري

ارجو منك التحري بدقه والتناقش بكل وضوح

معقل الخبلان · #9 22-06-2005, 10:26 AM

عبد المحسن

ماعليك زود

وال مره ونعم

مانقول فيهم الا ونعم وافين

وهم على فكره خوالي ولا ارضى عليهم بالغلط

القيهبان · #10 22-06-2005, 10:43 AM

انت والله اللي ضحكتني ضحك يلج منه القلب

الابيات اللي ذكرتها حذفتها جعلني فداء خشمك وللعلم موجود في كتاب ابن عفيشه نفسه فكيف بك تحذفها على كيفك تحذف الابيات اللي ما تعجبك::

لا شك ما اتعبنا يكون محلفنا.....................يام مكتفة الجمل في الحريبه
اللي اللى لقوا لنا الوجه خفنا.....................من حيث لقواهم علينا تعيبه
والى تصالحنا جحدنا جنفنا......................وكل ولاخر سكر في حليبه
اقراء الكتب وتفهم معنى القصيده يا الغالي

وهذي قصيدة واحد من الهواجر يوم صاروا يهايطون في مجلس على ال مره قال يا الربع والله ما رواكم انجوم الشمس عند الضحى الا ال مره..

وشعر ذا القصيده:::

انشهد ان حمود ما عنده بصاير..............يحسبن ان علي غشيم في نسيبه
ما درى اني له على العيرات زاير............وخابر ربعه مواقفهم تعيبه
وال مره سمهم في العظم ساير ...........ةخابرين وقعهم يوم الحريبه
كم عقيد لا عرفهم راح ناير..................نشرهم لا شيف من كل يجيبه
جاروهم ما خششوا منه الذخاير............وكا منهم ناقته تمنح قريبه
عادهم اذا حولوا عند العشاير..............جنبوها اهل الغزايز في الكسيبه

وغيرها وغيرها

انا لو بجادلك انت تنتقل لمنتدى اعيال عمك وتنقل القصايد المزوره وانا ما ازور القصايد واذا الدعوى فيها كذاب فالله العالم من اللي قلب كنزان وجود حتى الرياحيه اللي تكلم عنها الظواهري قلبتوها لكم...

وهذي قصيدة وحده من بني هاجر عندما كانت زوجة راعي السويداء اغار اهلها على راعي السويداء من ال مره وهو لوحده وجندل منهم من جندل ومنع البقايين واللزوجه من الحزن على قتل اولاد عمها طلبت الطلاق في هذي القصيده::
يا محمد يا حامي الدنا ويا زبن من خاف..............واي هشال الخلاء يمتونه
غزيت وكل غازي تاليه الانكاف.........................وكل غزاي هله يرتجونه
عطني طلاقي دام الهجن زلاف.............................عاد الجماعه كلهم يسمعونه
يا شيخ طالبتك من الزمل هياف........................من ابلكم ما بغيكم تشترونه

والله يا معقل الخبلان ويش باقول ..
سكر الموضوع بسكات واللعن الشيطان وترى نقلك من المنتدى اللي قصصه خياليه ما راح يفيدك

وللعلم اقولها في وجهك كاش لا مقارنه بين ال مره والهواجر
والا العجمان والهواجر

انتم حبيسين الخطيين السريعين
الى ضرب يامي يلين بهم الحجر...........يعطب بهم زبر الحديد اذا ضرب

ولك خالص تحيات محبك ومغليك ولو خوالك ال مره وتم لسانك انا اكفيك

لا هنت ودور للصدق ولا تحف ابيات يا الغالي