<<--قديمي الجديد

طبــ ع ــي كــذآ.. }~ · #1 21-04-2009, 12:37 AM

السلام عليكم ورحمة الله وبركاتة

بعد طول غياب عن المنتدى وعن ابيات الشعر

اعود اليكم بجديدي القديم من احدى محاولاتي

اتمنى ان تحوز على اعجابكم وان تفيدوني في ارائكم ونقدكم لها

الله ياكثـر الجـروح السقيمـه=والله ياطول الصبـر وويـل حالـي

ان كـان كـل العمـر وانـا يتيمه=الله يعيـن القلـب مـمـا جـرالـي

يارب لطفك والهمـوم المقيمـه=طالبك صبرني ويرتـاح بالـي

اسج وانسى ذكريات (ن) اليمه=البعض منها مر والبعض حالي

القلب ماله غير صبر وعزيمه=لين يتغلب على همي وغربالي

بس الظنـون احيـان ماهـي سليمـه=ان كـان ذا حالـي ياعزتـااا لـي

استغفرالله لا لا ماني بيتيمه =ابوي موجود بس ماهو اقبالي

معذور ..عادي.. لوابطى قدييمه=العذر مشغول ..دنيا مالها اول وتالي

دمتم بود

تقبلوا تحياتي

على دروب الغانمين · #2 21-04-2009, 01:14 AM

وعليكم السلام زرحمة الله وبركاته

صح لسانش اختي القصيد الصعب

وبدايه مميزه ماشاء الله عليش

وبالنسبه للقصيده موزون اكثر ابياتها

الله ياكثـر الـجـروح السقيـمـه>>>موزون 100%
والله ياطول الصبر وويـل حالـي <<موزون بس فيه ثقل شوي

ان كان كـل العمـر وانـا يتيمـه>>>موزون 100%
الله يعيـن القلـب ممـا جـرالـي >>>موزون 100%

يـارب لطفـك والهمـوم المقيمـه>>موزون 100%
طالبـك صبرنـي ويرتـاح بالـي >>>موزون 100%

اسج وانسـى ذكريـات (ن) اليمـه>>موزون 100%
البعض منها مر والبعـض حالـي >>>موزون100%

القلب ماله غيـر صبـر وعزيمـه>>>موزون100%
لين يتغلب علـى همـي وغربالـي >>غير موزون بالنسبه لوزن بدايه القصيده بس موزون على لحن ثاني

بس الظنون احيان ماهـي سليمـه>>موزون100%
ان كـان ذا حالـي ياعزتـااا لـي >>غير موزون ناقص حرف واحد بس

استغفـرالله لا لا مانـي بيتيـمـه>>غير موزون
ابوي موجود بـس ماهـو اقبالـي >>غير موزون

معذور ..عادي.. لوابطـى قدييمـه>>غير موزون
العذر مشغول ..دنيا مالها اول وتالي >>غير موزون

اتمنى منش اختي انش ماتزعلين من نقدي وبدايه القصيده روعه
وتقدرين تلحنين او نغنين القصيده على عشان الوزن

اختي مدامش كتبتي اول القصيده موزونه اكيد انش مع الوقت راح تكتبين قصايد موزونه من غير كسور

وفي الاخير اقولش
صح لسانش واعتلا شانش على ماقدمتي لنا

وترى نقدي للقصيده ماهو 100% لاني مثلش بعض المرات اكسر الابيات
وترانى اعليمي بعد في القصيد

طبــ ع ــي كــذآ.. }~ · #3 24-04-2009, 09:41 AM

وعليكم السلام ورحمة الله وبركاتة

اخي الكريم لليمين در

مرحبابك وصح ابدانك ولاهنت على مرورك وتقييمك للقصيده

وبالنسبه للقصيده الشطر الثاني من البيت الخامس

اتوقع اذا حذفت حرف التاء من كلمة يتغلب يظبط البيت

اما بالنسبه للشطر الثاني من البيت السادس

كنت كاتبه> ان كان هذا حالي ياعزتا لي<بس حسيت بثقل وحذفت حرف الهاء

اما اخر بيتين انا كنت راح استغني عنهم نهائيا واكتفي بست ابيات لان هالأبيات قديمه

وانا كاتبه تقريبا خمس قصائد كلها لاتتعدى الست او السبع ابيات<--ومصدقه روحها شاعره

اما اخر بيتين قبل لاانزل الأبيات بثواني الفته وادري انه مو ضابط بس حسيت انها ناقصه

تحياتي لك وكل الشكر لك استاذي على تقييمك لأبياتي المتواضعه

عاشقة الكويت · #4 24-04-2009, 10:49 AM

القلب ماله غيـر صبـر وعزيمـه
لين يتغلب علـى همـي وغربالـي

ابياات جميله ورووووووووووووووووعه<<<< ما اعرف للكسر وغيره انا متذوقه لشعر

وصح لسانش ...

طبــ ع ــي كــذآ.. }~ · #5 28-04-2009, 10:02 AM

اقتباس:

المشاركة الأصلية كتبت بواسطة عاشقة الكويت

القلب ماله غيـر صبـر وعزيمـه
لين يتغلب علـى همـي وغربالـي

ابياات جميله ورووووووووووووووووعه<<<< ما اعرف للكسر وغيره انا متذوقه لشعر

وصح لسانش ...

اختي الكريمه عاشقة الكويت

مرحبا ومسهلا وصح ابدانش

يشرفني ان الابيات نالت على اعجابش

اسعدني مرورش الرائع

تحياتي لشخصش الكريم

دمتي بود