ارحبووو.. انا اليوم جبت لكم قصيدة للعجمان فدييييييييتهم

[خشف الرعابيب]

ارحبووو.. انا اليوم جبت لكم قصيدة للعجمان فدييييييييتهم
لشاعر الوطن : فالح بن قشعم..


يامطلق بعـد راق جـوّ القصيـد وزان
ولاتهون صلّح لـي مـن البـنّ بريّـه

صحيح البناخي مايؤمّر علـى العمّـان
لكنّك ياعميّ رجـل روحـه رياضيّـه

تعذر المهوجس لا أشغله ساجع الالحان
لاغيّب ودش اجواء القصيـد الخياليّـه

ماعاد ايعرف سلطان من صاحبه سلمان
ياكون البيوت الليّ من البـدع ممليّـه

وانا والله ان قد ليّ وانا للغنى شفقـان
بعد مانتهى الشهر الفضيل ومساعيّـه

وجا العيد جعل الله يعيده على الاوطان
بأهليه واشعـوب الخليـج وضواحيّـه

سلامي سلام اسلام ماغاب نجم وبـان
وماحنّت ارعـود السحـاب الركاميّـه

على قوم اخو لجعه حريب الردى راكان
حميد السجايـا مقـدم القـوم فالهيّـه

اكبار الجموع امطوّعت عاصية الارسان
بيومٍ عبوسٍ يفرق الحـيّ مـن حيّـه

هل المدح والناموس من ماضي الازمان
ومطاليق واعلـوم المطاليـق مسميّـه

انا اقدّر العجمـان واوجـب العجمـان
لو ان ماني بعجمي ولا امـيّ بعجميّـه

لكن بيننا حلف ونسب والصحيح اخوان
وربـع ورفاقـه والعـلاقـات وديّــه

نحب امحلفنا حـب عبـدالله لسلطـان
وهـم مثلنـا والحـب فطـره الهيّـه

توثّق محبتنـا المواجيـب والصفطـان
واعلوم الرجال الليّ على الطيب مبنيّـه

ماننقاد للخبلان لارحـم ابـو الخبـلان
سرابيت مافهيـم مـن العقـل ذريّـه

بزارين كل منهـم يحسبنّـه الفهمـان
حفظ له اعلوم وجاك يسـرد حكاويّـه

كتب له قصيده كلها حكي مالـه شـان
وهو خارج انطـاق الحـدود المحليّـه

يشب الحطب وايروح ماكن شيٍ كـان
وتبلش بـه اكبـار العقـول بدعوايّـه

وهو لوّ تهوشه فالعصى طوّح السيقان
حذف غترتـه واللـيّ تشلّـه مخابيّـه

راع الفعل مايقدم على الزور والبهتـان
ولايبخس احقـوق الرياجيـل موليـه

يعرف الاصول ويكرم الجار والضيفـان
وبتّـاع لاعالـو عـيـال الحرامـيّـه

مايجحد افعول اهل المواجيب والعرفان
ياكون الرخوم امن العـروق الدوينيّـه

لفت دعوت الداعـي ولبيتهـا طربـان
والمصافـح الوفيـن نفسـي شفاويـه

وانا باسم قومٍ فاللقا تتعـب الفرسـان
اكبار المحازم طور الارض ورواسيـه

بني هاجر والساس من عالية قحطـان
احصون الظفـر وامزبنيـن الجلاويـه

تحيّة وفا واخلاص تسمو بلا جنحـان
عليكـم ياقـومٍ بالوفـا نارهـم حيّـه





صح لسان ابو محمد وكفو بالعجمان ويستاهلون مليار نعم

[لبى قلبي 101]

كفو والله بالشاعر والعجمان
ويعطيش الف عافيه اختي على القصيدة

[خشف الرعابيب]

اشكرش على مرورش يا الغاليه

[تركي الميموني]

صح لسان شاعرها

وتسلم ايدك الزين طاغي

على القصيده الرائعه

ويستاهلون

أبدعتي وبانتظار الجديد والمزيد

من روائعك

تقبلي مروري

[خشف الرعابيب]

ابشر وشكراااااااااااا على المرور

[سبع البحور]

أختي يعطيش العافيه !!
وقصيدة جزله من شاعر جزل والهواجر اخوان وعواني وبينا وبينهم رفقه ..
والطيب ما هو غريب من اهل الطيب وابن قشعم شاعر مافيه كلام الله يوفقه ..

عموما ً الله لا يهينش وتسلم يمينش على النقله ,,,