مغزى الحطيم لـ الشيابين في دلقان

[متعب الدوسري]

السلام عليكم ورحمه الله وبركاته

غزوا الغييثات بقيادة الشيخ بداح الحطيم غرب ويوم جاؤا ديار عتيبه لين الشيابين هم الموالين على (دلقان) احد الموارد في نجد .

شرفوا السبور وقالوا البل ياهل البل ويوم كدوا على البل وصفقوها (أخذوها)
لين عليها وسم الشيابين من عتيبه.

قال الحطيم: وطوهاا ، الماء خالي من العرب الحين ،وخلونا نشرب قبل تلحق الفزاع البل ذي بيجي لها طلبٍ عجل(يقصد الابل الماخذوه سيأتي أهلها فازعين).

المهم يوم ظهروا من الماء لا الخيل داقتٍ بهم في مقدمها الشيخ( جهز بن هذال)يزهمونه ربعه وهو على فرسٍ سابق، يقولون له : رد البل علينا.

يوم قرب من الغييثات الغازين ، حول له شبنان بن صليل الغييثي وضربه لهو طول حبالها
ولهي تطحس داقٍ غاربها منكسرةٍ رجله ( رجل جهز بن هذال).

ولوالله ان الشيخ هذال بن فهيد أمير الشيابين لاحقٍ يحدا.

يوم قرب من الغييثات فيحول له زابن المنداع الغييثات ويضرب فرسه لينها على لحويها ( اي عقرها)

ويلحقونه الشيابين ويعطون اميرهم فرس، ويلحق الغييثات ويحول له زابن المنداع ومثل الأوله(عقر فرسه) ، ويلحقونه الشيابين ثالثه ومثل الأوله ويثلث زابن ويقول مخاطبا الشيخ هذال الشيباني:

((ثلاثي اركب خشبةٍ ونا بن غياث ولله لولا شحي(1) بك ان تلحق ولدك(2)))

(1) : لولا شحي بك ، أي ان (زابن المنداع )لم يرد قتل (هذال) حيث ان الأولين يشحون بقتل الرجال الطيبين والشجعان خصوصا أمثال امير الشيابين المشهور هذال.

(2) اعتقد زابن المنداع أن (شبنان الغييثي) ذبح (جهز ابن هذال الشيابين) في ساعتها، وفي الحقيقة تصوّب الشيخ جهز بالمعركة وقد مات على اثر صواب الغييثات له بعد فترة.


المهم ماقصروا الشيابين عند ابلهم والغييثات اقفوا بالبل .

ويوم انفك الطارد من المطرود.

ولين واحدٍ من القوم محزمه مانقص منه ولا طلقه فقال شبنان بن صليل الغييثي


لحقوا هل البل مثـل وردٍ محيميـن
يومـن ولـد الاش طـارت ريايـاه
اختف جوفه يوم لحقـوا الشيابيـن
مايـدري ان خـلاق الأرواح ياقـاه
لحقو هل البل مثل دولـة سلاطيـن
من فـوق قـبٍ بالملاقـا مضـرّاه
وكثرة عقايرهم وكثـرو المثاريـن
ومنهم (جهز )شرقي( اذقانٍ )طرحناه




وقال الشيخ بداح الحطيم في هذه المعركه





يالله يالمعبـود ياعـالـي الـشـان
تجعل لنـا حظـاً نهـار الطـرادي
انا احمد الله يوم طير السعـد بـان
رحنا بطرعـات العشايـر عنـادي
يشهد بها يومٍ على جـال ((دلقـان))
يوم (اخو هملا) جنب البـل وحـادي
و(جهز) طريحٍ من مضاريب (شبنان)
وعاداتنا بالهـوش جـدع العـوادي
وخمسة عشر منهن جواد( بن قطنان)
يقطعـك ياهـرجٍ بلـيـا وكــادي
((غييثيةٍ)) لامن عـلا الجـو دخـان
نرمـي وتالـي رمينـا بالـوكـادي




أخو هملا : الشيخ هذال بن فهيد أمير الشيابين من عتيبه
جهز : الشيخ جهز بن هذال بن فهيد
شبنان : الفارس شبنان بن صليل الغييثات
بن قطنان : من فرسان الشيابين عقرت جواده ذاك النهار.



اخوكم/متعب الدوسري

[وكيل آدم]

يعطيك العافية يالدوسري



الظاهر ناوي تحط تاريخ الدواسر كلة




المفروض تحط موضوع واحد علشان نركز

[متعب الدوسري]

المشاركة الأصلية كتبت بواسطة وكيل آدم

يعطيك العافية يالدوسري



الظاهر ناوي تحط تاريخ الدواسر كلة




المفروض تحط موضوع واحد علشان نركز

الله يعافيك
وتاريخ الدواسر لو نحطه في مجلدات ماكفته كله وانا منزل نبذه عن قبليتي الدواسر فقط
ولاهنت علي المرووور

[وكيل آدم]

ونعم فالدواسر










ومعروفين طال عمرك














واى نبذة انت منزل اكثر من مواضيع القسم التاريخي

[متعب الدوسري]

المشاركة الأصلية كتبت بواسطة وكيل آدم

ونعم فالدواسر










ومعروفين طال عمرك














واى نبذة انت منزل اكثر من مواضيع القسم التاريخي

ماعليك زووود

وأكررها مرة أخرى ان تاريخ الدواسر لو يكتب بأكمله لن تأخذه المجلدات

وتاريخ الدواسر لم يدون كله وانما محفوظ ومعروف عند القبائل كلها
وشكررررررررررا

[وكيل آدم]

في انتظار المشرفين

لستخدام صلاحياتهم

[عاشق سراب 2]

متعب الدوسري هههههههههههههههههه ونعم بالدواسر الاد زايد

بس وراك مندفع 6 مواضيع عن قبيلتك في اقل من ساعة واحدة

وش جاك

[سمح الايادي]

مواضيع شيقه . وحياك وأنا اخوك بين اخوانك


بس ياريت الأخوه يدمجون المواضيع عشان نركز ونقرأ تاريخ قبيلتك الطيبه

[مبارك الحطيم]

السلام عليكم ورحمة الله وبركاته
اخواني واخواتي أعضاء وادارة منتدى قبيلة العجمان
يسعدني ويشرفني تسجيلي في منتداكم
واشكر اخي قوقل
على وصولي لكم من خلال
ماذكره اخي متعب الدوسري ومع الاسف
ذكر القصيده مدري وين جابها منه
والوجب لايذكر إلأ بماهو صحيح او يسئل منهم ابخص منه
صحيح ذكر القصه وماحدث بين الغيثات والشيابين
ونعم فيهم وبكل القبائل
وحبيت اذكر اصحح القصيدة وهي لشيخ سعد بن بداح الحطيم رحمة الله عليه
وكل أموات المسلمين اللهم امين
وارجو من الاداره تصحيح ماذكره اخي متعب واشكره على نقله واجتهاده


يالله يالمعبود ياعالي الشان
............ياسامع ذا النون يومة ينادي
تعقل علي طير ٍطلع يم جيوان
............عساة يلطفه ولي العبادي
طير السعد مهوب طير بن برمان
.............طير السعد يعجبك وقت الهدادي
عساه يتبع دروب ذربين الايمان
..............جمال التخوت معيلين الطرادي
أهل سربة لامن غشى الجو دخان
..............ثم حل ضرب مصقلات الهنادي
يردون ورد الموت ميراد عطشان
..............لاصافح المركاض خطو الربادي
يشهد بها يوم ٍ على جال دلقان
..............يوم ان اخو هملا جنب الابل وحادي
حدوه منها مقعدت كل سكران
................ربعي مــضاربهم تفــــج الثنادي
يوم أن جهز طاح من ظرب شينان
................وعاداتنا بالهوش ضرب الركادي
خمسة عشر منها جواد بن قطنان
................ويقطــعك ياهــرج ٍ بليا وكادي
وأنا حمدالله يوم علم السعد بان
.................رحنا بطلعــات العشاير إعمادي